ქარტიის განცხადება "ბიზნესკონტაქტსა" და "საქმიან დილასთან- დაკავშირებით
03.06.2016

კატეგორია : განცხადებები;
ჟურნალისტური ეთიკის ქარტია შემაშფოთებელად მიიჩნევს ტელეკომპანია "მაესტროს" ხელმძღვანელობის მიერ გადაცემების "ბიზნესკონტაქტი" და "საქმიანი დილა" ეთერიდან მოხსნას და 32 თანამშრომელისთვის  შრომითი ხელშეკრულების "დროებით შეწყვეტას". ამის მიზეზად  მენეჯმენტმა დაასახელა თანამშრომელთა ულტიმატუმი არხიდან წასვლის შესახებ, თუ გადაცემების ავტორსა და წამყვანს, გიორგი ისაკაძეს ტელეკომპანიაში არ დააბრუნებდნენ. თანამშრომლების თქმით, მათ არხის ხელმძღვანელს ულტიმატუმი მხოლოდ მას შემდეგ წაუყენეს, რაც სარედაქციო დამოუკიდებლობის დაკარგვის საფრთხე დაინახეს. ჟურნალისტური ეთიკის ქარტია მოუწოდებს ტელეკომპანია "მაესტროს" ხელმძღვანელობას, გამჭვირვალე გახადოს მიღებული გადაწყვეტილების მოტივები და ამის შესახებ დეტალური ინფორმაცია მიაწოდოს საზოგადოებას, რადგან ქარტია მიიჩნევს, რომ წინასაარჩევნო პერიოდში განსაკუთრებით მნიშვნელოვანია პლურალისტური მედია გარემოს არსებობა.
ქარტიაში განცხადების შემოტანა შეუძლია ნებისმიერ მოქალაქეს, რომელიც მიიჩნევს, რომ ჟურნალისტმა დაარღვია ეთიკური და პროფესიული სტანდარტები. ქარტიის საბჭო იხილავს განცხადებებს როგორც ქარტიის წევრი, ისე არაწევრი ჟურნალისტების მიმართ.

ჩამოტვირთეთ PDF ვერსია

ჟურნალისტურ საქმიანობას თან სდევს შეცდომები, არაზუსტი დეტალების გავრცელება, რაც ზოგ შემთხვევაში სისწრაფის, უყურადღებობის, პროფესიონალიზმის ნაკლებობის, მწირი გამოცდილების ანდა სხვა მიზეზით არის გამოწვეული. პასუხისმგებლიანი მედია, რომლისთვისაც აუდიტორიის სანდოობა და რეპუტაცია მნიშვნელოვანია, ცდილობს მყისიერად შეასწოროს დაშვებული შეცდომა, ამცნოს აუდიტორიას და იზრუნოს ზუსტი ინფორმაციის გავრცელებაზე.