სიახლეები
საქართველოს ჟურნალისტური ეთიკის ქარტია სოლიდარობას უცხადებს „გურია ნიუსის“ ჟურნალისტს გიორგი გირკელიძეს, რომელსაც ოზურგეთის მერობის კანდიდატმა გაერთიანებული ოპოზიციიდან გოჩა ძიმისტარაშვილმა საკუთარ ფეისბუქ პოსტით ბრალი დასდო ქართული
18.09.2017

საქართველოს ჟურნალისტური ეთიკის ქარტიის სამდივნომ დასაშვებად სცნო მოქალაქე დათო აბზიანიძის განცხადება ტელეკომპანია „იმედის“  გადაცემა „პრაიმშოუს“ ჟურნალისტების წინააღმდეგ. სადავო მასალა  ტელეკომპანია „იმედის“ ეთერში 2017 წლის 6 სექტემბერს გავიდა.

განმცხადებელი მიიჩნევს, რომ გადაცემაში ვიდეოჩანაწერი მისი მონაწილეობით ისე გაუშვეს, რომ მისგან ნებართვა არ აუღიათ. ასევე, აბზიანიძე განცხადებაში აღნიშნავს, რომ გადაცემის ჟურნალისტებმა მას არ მისცეს საშუალება, პასუხი გაეცა იმ ნეგატიური შეფასებებისთვის, რაც გადაცემაში მისი მისამართით ისმოდა.

აქედან გამომდინარე, განმცხადებელი მიიჩნევს, რომ დარღვეულია ქარტიის პირველი (სიზუსტე), მეოთხე (ინფრომაციის მოპოვების კეთილსინდისიერება) და მეშვიდე (დისკრიმინაცია) პრინციპები.

ქარტიის საბჭო განცხადებას ღია სხდომაზე განიხილავს.

სადავო მასალა

 

13.09.2017
საქართველოს ჟურნალისტური ეთიკის ქარტიის საბჭოს სამდივნომ დასაშვებად სცნო "მედიის განვითარების ინსტიტუტის" (MDF) განცხადება საინფორმაციო სააგენტო PIA -ს წინააღმდეგ. სადავო სტატია საქართველოს ირანიზაცია ემუქრება? - საგანგაშო სტატისტიკ ამ ვებსაიტზე 18 აგვისტოს გამოქვეყნდა და ეძღვნებოდა საქართველოში ირანის მოქალაქეების შემოსვლას. 

განმცხადებელი მიიჩნევს, რომ სტატიისშინაარსი ქსენოფობიური ხასიათისა და დისკრიმინაციის წახალისების საფრთხის მატარებელია, ამავე  კონტექსტშია აღნიშნული ის ფაქტიც, რომ ირანის მოქალაქეებს საქართველოში უვიზოდ შეუძლიათ შემოსვლა და მათზე ბინადრობის უფლება გაიცემა. გარდა ამისა, მასალაში მოცემული რიგი მონაცემები დაუსაბუთებელია და არ ეყრდნობა კონკრეტულ წყაროს. შესაბამისად MDF მიიჩნევს, რომ დარღვეულია ქარტიის მეშვიდე (დისკრიმინაცია) და მესამე ( დადასტურებული წყარო) პრინციპი

ქარტიის საბჭო საქმეს ღია სხდომაზე განიხილავს.
11.09.2017
საქართველოს ჟურნალისტური ეთიკის ქარტიამ დასაშვებად სცნო პროფესიული კავშირების თავმჯდომარის ირაკლი პეტრიაშვილის განცხადება საზოგადოებრივი მაუწყებლის, ტელეკომპანია იმედისა და ჟურნალ "თბილისელების" ჟურნალისტების წინააღმდეგ. 

განმცხადებელი მიიჩნევს, რომ 25 აგვისტოსა და 29 აგვისტოს საზოგადოებრივმა მაუწყებელმა და იმედმა ცამხრივად გააშუქეს მოშიმშილეთა აქცია. ირაკლი პეტრიაშვილი საკუთარ განცხადებაში აღნიშნავს: არათანაბარი საეთერო დრო დაეთმო ორ დაპირისპირებულ მხარეს, მათ შორის, აშკარა უპირატესობით სარგებლობდა სს. „საქართველოს რკინიგზის“ წარმომადგენლობა,რომელთაც გაცილებით მეტი დრო დაეთმო. ასევე, დიდი დრო დაეთმო საპარლამენტო უმრავლესობისა და მთავრობის წარმომადგენლებს, რომლებიც აშკარად სს.„საქართველოს რკინიგზის“ პოზიციას იზიარებენ". ირაკლი პეტრიაშვილის თქმით,  მას, როგორც პროფკავშირის თავმჯდომარეს, არ მიეცა სათანადო დრო საპასუხოდ.

ჟურნალმა თბილისელებმა კი გამოაქვეყნა მასალა "ირაკლი პეტრიაშვილის პოლიტიკური ვნებანი", რაც, ირაკლი პეტრიაშვილის აზრით, შეიცავს არასწორ ფაქტებს

აქედან გამომდინარე განმხადებლი მიიჩნევს, რომ სამივე მასალაში დარღვეულია ქარტიის პირველი (სიზუსტე), მესამე (დადასტურებული წყარო), მეოთხე (ინფორმაციის მოპოვებისას კეთილსინდისირება), მეშვიდე (დისკრიმინაცია), მეათე (პირადი ცხოვრების ხელშეუხებლობა), მეთერთმეტე (ფაქტის განზრახ დამახინჯება).

იხილეთ სადავო მასალები

1. საზოგადოებრივი მაუწყებელი





2. ტელეკომპანია "იმედი"



08.09.2017
24 სექტემბერს საქართველოს ჟურნალისტური ეთიკის ქარტიის საბჭო ორ საქმეს განიხილავს:

  • 17:00 საათი - შინაგან საქმეთა სამინისტრო -ნოდარ მელაძის, თამარ ბაღაშვილის და ქეთი ნადიბაიძის წინააღმდეგ
08.09.2017
საქართველოს ჟურნალისტური ეთიკის ქარტიის საბჭოს სამდივნომ დასაშვებად სცნო ხობის №2 საჯარო სკოლის დირექტორის, ნანა ქვარაიას განცხადება გაზეთ "ასავალ-დასავალის" ჟურნალისტის, დიტო ჩუბინიძის წინააღმდეგ.

სადავო გახდა გაზეთის მიერ გამოქვეყნებული ორი მასალა - 2017 წლის №32-ში გამოქვეყნებული სტატია“ეს მოხდა ხობის №2 ე.წ. მომავლის სკოლაში, რომელიც თავის დროზე სააკაშვილმა გახსნა“ და ამავე გაზეთის №33 გამოქვეყნებული სტატია „ხობის #2 სკოლაში ლგბტ კლიპთან დაკავშირებული სკანდალი გრძელდება“. სტატიები ეძღვნებოდა ხობის №2 საჯარო სკოლის მოსწავლეების მიერ შექმნილ ვიდეოს.

განმცხადებელი მიიჩნევს, რომ "სტატიებში დასახელებული ფაქტები არ შეესაბამება სინამდვილეს და აღნიშნული ინფორმაცია მიწოდებულია არასაიმედო წყაროს მიერ, ასევე ორივე შემთხვევაში გამოქვეყნებულია არასრულწლოვანი ბავშვების სურათები მშობლების თანხმობის გარეშე. მათი სურათების გამოქვეყნება მიზნად ისახავს ამ ბავშვების დისკრედიტაციას და საზოგადოების მიერ მათ გაკიცხვას." აქედან გამომდინარე, განმცხადებლის აზრით, დარღვეულია ქარტიის შემდეგი პრინციპები - 1 (სიზუსტე), 3 (დადასტურებული წყარო), 4 (ინფორმაციის მოპოვების კეთილსინდისიერება), 7 (დისკრიმინაცია), 8 (ბავშვის ინტერესები).

ქარტიის საბჭო საქმეს ღია სხდომაზე განიხილავს
05.09.2017
ჟურნალისტური ეთიკის ქარტია იწვევს ჟურნალისტებს

ტრენინგში მონაწილეობის მისაღებად

ბუნებრივი კატაკლიზმების გაშუქება

ორდღიანი ტრენინგი გაიმართება 23-24 სექტემბერს თბილისში, ქარტიის ოფისში (შიო მღვიმელის 6ბ). ტრენინგში მონაწილეობის მიღება შეუძლიათ ჟურნალისტებს როგორც თბილისიდან, ასევე რეგიონებიდან.
05.09.2017
საქართველოს ჟურნალისტური ეთიკის ქარტიის საბჭოს გადაწყვეტილებით ტელეკომპანია “რუსთავი 2-ის” გადაცემა “პროფილის” წამყვანმა მაია ასათიანმა ქარტიის მეშვიდე პრინციპი დაარღვია, რომელიც ჟურნალისტს დისკრიმინაციის თავიდან არიდებას ავალდებულებს.

ქარტიას განცხადებით “საფარმა” მიმართა, რომელიც მიიჩნევდა, რომ 2017 წლის 15 ივნისს გასული გადაცემა, რომელიც პროსტიტუციას ეხებოდა, დისკრიმინაციული იყო.

საბჭოს სხდომას მხოლოდ განმცხადებელი დაესწრო. გადაწყვეტილების სამოტივაციო ნაწილი მოგვიანებით გამოქვეყნდება.
03.09.2017
საქართველოს ჟურნალისტური ეთიკის ქარტიის საბჭოს გადაწყვეტილებით გიორგი ფუტკარაძეს ქარტიის პირველი (სიზუსტე), მესამე (მიჩქმალვა) და მეთერთმეტე (ფაქტის განზრახც დამახინჯება) პრინციპი არ დაურღვევია.

განცხადებით ქარტიას ბექა ქირიამ მიმართა. ის მიიჩნევდა, რომ ბრიუსელში გამართულ ყოველწიული ფორუმის გაშუქებისას საზოგადოებრივი მაუწყებლის საინფორმაციო გამოშვება “მოამბეში” გასული მასალით დაირღვა ქარტიის პრინციპები. სადავო მასალაზე მოპასუხე ჟურნალისტად განისაზღვრა გიორგი ფუტკარაძე, რომელიც მასალის ეთერში გასვლის პერიოდისთვის მაუწყებლის საინფორმაციო სამსახურს ხელმძღვანელობდა.

ქარტიის საბჭოს სხდომას მხოლოდ განმცხადებელი დაესწრო.გიორგი ფუტკარაძემ საბჭოს კითხვებს დისტაციური საკომუნიკაციო საშუალებით უპასუხა.

გადაწყვეტილების სამოტივაციო ნაწილი მოგვიანებით გამოქვეყნდება.
03.09.2017
საქართველოს ჟურნალისტური ეთიკის ქარტიის საბჭოს გადაწყვეტილებით, იმედის ჟურნალისტმა ნატა ტაბიძემ დაარღვია ქარტიის პირველი (სიზუსტე) და მერვე (ბავშვის ინტერესები).

03.09.2017
საქართველოს ჟურნალისტური ეთიკის ქარტიის საბჭოს სამივნომ დასაშვებად სცნო როზეტა რაფავას განცხადება ტელეკომპანიების, რუსთავი 2-ის, იმედის და ინტერნეტპორტალების, პირველი რადიოს პალიტრანიუსისა და აქცენტის წინააღმდეგ.

სადავო გახდა ამ მედიასაშუალებების მიერ მომზადებული მასალა, რომელიც რუსეთის მიერ ანექსირებულ ყირიმში არსებულ მოსწავლეთა ბანაკ არტეკში ქართველი ბავშვების მონაწილეობას ეხება. განმცხადებელი ერთ-ერთი მოსწავლის მშობელია. ის ფიქრობს რომ აღნიშნულმა მედიასაშუალებებმა დაარღვიეს ქარტიის მე-8 პრინციპი, რომელიც ჟურნალისტს ბავშვის ინტერესების დაცვას ავალდებულებს. განცხადების თანახმად, “არასრულწლოვნების მშობლების ნებართვის გარეშე გავრცელდა მათი პირადი ინფორმაცია სახელი-გვარი, ფოტოები ნეგატიურად და დამახინჯებულად იქნა ინფორმაცია გავრცელებული”.

ქარტიის საბჭო განცხადებას ღია სხსომაზე განიხილავს.
02.09.2017
საქართველოს ჟურნალისტური ეთიკის ქარტიის საბჭომ დასაშვებად სცნო ტელეკომპანია “რუსთავი 2-ის” ჟურნალისტის ნოდარ მელაძის განცხადება, რომელიც ონლაინ გამოცემა marshalpress.ge-ს მიერ გამოქვეყნებულ მასალას ეხება.

24 აგვისტოს marshalpress.ge-მ გამოაქვეყნა სტატია სახელწოდებით – “რუსთავი 2”-ის ეთერში გაპარული კადრი – ნოდარ მელაძემ ჩამქრალი ხანძრის გამო შეიგინა (ვიდეო)”. მასალის თანახმად “რუსთავი 2-ის” პირდაპირ ეთერში “კურიერის” წამყვანმა ნოდარ მელაძემ დუშეთში გაჩენილი ხანძრის გაშუქებისას, ცეცხლის ჩაქრობის გამო უკმაყოფილება გამოთქვა”. იქვე აღნიშნულია, რომ მას ეგონა, ეთერში არ იყო და შეიგინა.

ნოდარ მელაძე ქარტიისთვის გაგზავნილ განცხადებაში აღნიშნავს, რომ ეს ინფორმაცია “სრული დეზინფორმაციაა”, რის დასადასტურებლადაც მოჰყავს საკუთარ ვეიფბუქ გვერდზე გავრცელებული ვიდეომასალა.

ქარტიის საბჭო განცხადებას ღია სხდომაზე განიხილავს.

 

28.08.2017
შემოგვიერთდით Facebook-ზე
ქარტიაში განცხადების შემოტანა შეუძლია ნებისმიერ მოქალაქეს, რომელიც მიიჩნევს, რომ ჟურნალისტმა დაარღვია ეთიკური და პროფესიული სტანდარტები. ქარტიის საბჭო იხილავს განცხადებებს როგორც ქარტიის წევრი, ისე არაწევრი ჟურნალისტების მიმართ.

წინასაარჩევნო კამპანია და კენჭისყრის დღე ქვეყანაში მიმდინარე მნიშვნელოვანი ამბავია, რომლის გაშუქებამაც შესაძლებელია გავლენა იქონიოს არამხოლოდ იმაზე, თუ რა გადაწყვეტილებას მიიღებს ამომრჩეველი საბოლოოდ, არამედ ზოგადად საარჩევნო გარემოზე. სწორედ ამიტომ იზრდება მედიის პასუხისმგებლობა, რათა საარჩევნო სუბიექტები გააშუქონ მიუკერძოებლად, არადისკრიმინაციულად და სამართლიანად.