ორდღიანი ტრენინგი გაიმართება 24-25 თებერვალს თბილისში, ქარტიის ოფისში (შიო მღვიმელის 6ბ). ტრენინგში მონაწილეობის მიღება შეუძლიათ ჟურნალისტებს როგორც თბილისიდან, ასევე რეგიონებიდან.

მონაწილეებს რეგიონიდან აუნაზღაურდებათ მგზავრობისა და დედაქალაქში დარჩენის ხარჯები.

ტრენინგი, რომლის ორგანიზატორია საქართველოს ჟურნალისტური ეთიკის ქარტია, იმართება საერთაშორისო კვლევისა და გაცვლების საბჭოს (IREX) პროგრამის “მედია გამჭვირვალე და ანგარიშვალდებული მმართველობისთვის” (M-TAG) ფარგლებში.

ტრენინგის განმავლობაში მონაწილეები მიიღებენ ინფორმაციას თუ როგორ წარმოიშვება კონფლიქტი და რა იწვევს მის გაღვივებას, განიხილავენ ინფორმაციასთან, ინტერესებთან, ღირებულებებთან დაკავშირებულ კონფლიქტებს, კონკრეტული შემთხვევების ანალიზის მეშვეობით იმსჯელებენ თუ როგორ აღვივებს კონფლიქტს სტეროტიპები, ისაურებენ ეთიკური დილემაზე - პატრიოტული ჟურნალისტიკა, სამოქალაქო აქტივიზმი, მიუკერძოებელი გაშუქება. მიმოიხილავენ საქართველოს ტერიტორიაზე არსებული კონფლიქტებს და გაანალიზებენ თუ როგორი იყო მედიის როლი ამ პროცესში. 

ტრენინგს გაუძღვება გოგა აფციაური, რადიო თავისუფლების ჟურნალისტი, რომელიც წლების განმავლობაში აშუქებს კონფლიქტებს. 2009 წელს პრაღაში მიიღო რადიო „თავისუფალი ევროპა, რადიო თავისუფლების“ დავიდ ბერკის სახელობის მეორე პრემია 2008 წლის აგვისტოს ომის გაშუქებისთვის. არის ევროკავშირის პრიზის და სხვა არაერთი ჯილდოს მფლობელი.

მონაწილეობის მსურველებმა 16 თებერვლამდე შეავსეთ აპლიკაცია