POSTV-ს საქმეზე გადაწყვეტილების მიღება გადაიდო
14.04.2018
საქართველოს ჟურნალისტური ეთიკის ქარტიის საბჭომ POSTV-ს წინააღმდეგ დავით მახარაშვილის განცხადებაზე გადაწყვეტილების მიღება გადადო, ვინაიდან მიიჩნია, რომ საჭირო იყო დამატებითი ინფორმაციის მოძიება. 

ქარტიაში სხდომა 14 აპრილს გაიმართა. განმცხადებელი მიიჩნევდა, რომ POSTV-ს მიერ გამოქვეყნებულ ვიდეო მასალაში, "STOP XAM გორში პირველად და უკანასკნელად", დაირღვა ქარტიის რამდნიმე პრინციპი. მასალა ეხებოდა მანქანის გაჩერების პრობლემას. დავით მახარაშვილის განცხადებით, მასალა ფალსიფიცირებულია. საქმის განხილვას ესწრებოდა POSTV-ს წარმომადგენელი, განმცხადებელმა კი საბჭოს კითხვებს ტელეფონის საშუალებით უპასუხა. 

დამატებითი ინფორმაციის მიღების შემდეგ საბჭო განხილვას დაასრულებს და გადაწყვეტილებას მიიღებს.

შემოგვიერთდით Facebook-ზე

ქარტიაში განცხადების შემოტანა შეუძლია ნებისმიერ მოქალაქეს, რომელიც მიიჩნევს, რომ ჟურნალისტმა დაარღვია ეთიკური და პროფესიული სტანდარტები. ქარტიის საბჭო იხილავს განცხადებებს როგორც ქარტიის წევრი, ისე არაწევრი ჟურნალისტების მიმართ.

ჩამოტვირთეთ PDF ვერსია

ჟურნალისტურ საქმიანობას თან სდევს შეცდომები, არაზუსტი დეტალების გავრცელება, რაც ზოგ შემთხვევაში სისწრაფის, უყურადღებობის, პროფესიონალიზმის ნაკლებობის, მწირი გამოცდილების ანდა სხვა მიზეზით არის გამოწვეული. პასუხისმგებლიანი მედია, რომლისთვისაც აუდიტორიის სანდოობა და რეპუტაცია მნიშვნელოვანია, ცდილობს მყისიერად შეასწოროს დაშვებული შეცდომა, ამცნოს აუდიტორიას და იზრუნოს ზუსტი ინფორმაციის გავრცელებაზე.