26 ივლისს ქარტია ეკა ბესელიას განცხადებას განიხილავს
24.07.2018

კატეგორია : ანონსი;
26 ივლისს, 19:00 საათზე, საქართველოს ჟურნალისტური ეთიკის ქარტიის საბჭო განიხილავს ეკა ბესელიას განცხადებას "რუსთავი 2-ის" ჟურნალისტის ეკა გაგუას წინააღმდეგ.

სადავო გახდა 2018 წლის 16 ივნისს, მაუწყებლის ეთერში, საინფორმაციო გამოშვება „კურიერში“ გასული სიუჟეტი, რომელიც ეხებოდა ეკა ბესელიას კავშირს მარკეტინგულ კომპანია „ქიუნეტთან“.

განმცხადებელი მიიჩნევს, რომ „რუსთავი 2-მა“ გაავრცელა არასწორი ინფორმაცია, ვინაიდან კომპანიას არასოდეს ჰქონია და აქვს კავშირი მასთან. ეკა ბესელია მიიჩნნევს, რომ დაირღვა ქარტიის პირველი (ინფორმაციის სიზუსტე), მესამე (მიჩქმალვა) და მეთერთმეტე (ფაქტის განზრახ დამახინჯება) პრინციპები.

საქმის განხილვა საჯაროა და დასწრება ნებისმიერ მსურველს შეუძლია.

შემოგვიერთდით Facebook-ზე

ქარტიაში განცხადების შემოტანა შეუძლია ნებისმიერ მოქალაქეს, რომელიც მიიჩნევს, რომ ჟურნალისტმა დაარღვია ეთიკური და პროფესიული სტანდარტები. ქარტიის საბჭო იხილავს განცხადებებს როგორც ქარტიის წევრი, ისე არაწევრი ჟურნალისტების მიმართ.

ჩამოტვირთეთ PDF ვერსია

ჟურნალისტურ საქმიანობას თან სდევს შეცდომები, არაზუსტი დეტალების გავრცელება, რაც ზოგ შემთხვევაში სისწრაფის, უყურადღებობის, პროფესიონალიზმის ნაკლებობის, მწირი გამოცდილების ანდა სხვა მიზეზით არის გამოწვეული. პასუხისმგებლიანი მედია, რომლისთვისაც აუდიტორიის სანდოობა და რეპუტაცია მნიშვნელოვანია, ცდილობს მყისიერად შეასწოროს დაშვებული შეცდომა, ამცნოს აუდიტორიას და იზრუნოს ზუსტი ინფორმაციის გავრცელებაზე.