სიახლეები
საქართველოს ჟურნალისტური ეთიკის ქარტია გაეროს ბავშვთა ფონდთან ერთად შეხვდა უმაღლესი სასწავლებლების იმ წარმომადგენლებს, რომლებიც ბავშვთა საკითხების გაშუქებას ასწავლიან სტუდენტებს. შეხვედრისას იმსჯელეს თუ როგორ შეიძლება სწავლების პროცესში გამოყენებული იყოს ქარტიის მიერ შექმნილი მასალები და მედიამონიტორინგის შედეგები.

10.11.2017
საქართველოს ჟურნალისტური ეთიკის ქარტიის საბჭოს გადაწყვეტილებით ტელეკომპანიების "იმედის", "რუსთავი 2-ისა" და "პალიტრანიუსის", აგრეთვე ონლაინ გამოცემა "აქცენტის" ჟურნალისტებმა დაარღვიეს ქარტიის მე-8 პრინციპი, რომელიც ჟურნალისტს ბავშვის ინტერესების გათვალისწინებას ავალდებულებს.

ოთხივე მედიასაშუალებამ მოამზადა მასალა რუსეთის მიერ ანექსირებულ ყირიმში არსებულ ბანაკში ქართველი მოსწავლეების მონაწილეობის შესახებ. ქარტიას მომართა ერთ-ერთი ბავშვის მშობელმა, რომელი მიიჩნევდა, რომ მასალაში ბავშვების იდენტიფიცირებით არასრულწლოვნების ინტერესი დააზიანეს.

ქარტიის საბჭომ საქმე ღია სხდომაზე განიხილა, რომელსაც ესწრებოდა განმცხადებელი. მას განცხადება ჰქონდა შემოტანილი "პირველი რადიოს" წინააღმდეგაც, რომელმაც ამავე თემაზე მოამზადა მასალა. სხდომას "პირველი რადიოს" წარმომადგენელიც დაესწრო და მხარეებს შორის შედგა მედიაცია. პირველმა რადიომ მასალიდან მოხსნა ფოტო, რომლითაც განმცხადებლის აზრით, ბავშვების ამოცნობა შესაძლებელი იყო.
03.11.2017
საქართველოს ჟურნალისტური ეთიკის ქარტიის საბჭოს გადაწყვეტილებით ინტერნეტგამოცემა "ინფორუსთავის" ჟურნალისტმა გიორგი ჩომახაშვილმა ქარტიის მე-11 პრინციპი დაარღვია, რომლის მიხედვითაც ჟურნალისტმა უმძიმეს პროფესიულ დანაშაულად უნდა მიიჩნიოს პლაგიატი.

მის წინააღმდეგ ქარტიას განცხადებით მომართა ქვემო ქართლის ტელევიზიის წარმომადგენელმა გიორგი მგალობლიშვილმა სადავო იყო 2017 წლის 4 ოქტომბერს პორტალ „ინფო რუსთავის“ მიერ გამოქვეყნებული ავტოსაგზაო შემთხვევის ამსახველი ვიდეო. განცხადების თანახმად მასალა ეკუთვნის ქვემო ქართლის ტელევიზიას, პირველად სწორედ მათ გამოაქვეყნეს, რადგან შემთხვევა ტელეკომპანიის გარეთ დამაგრებული ჩართვებისთვის საჭირო კამერამ დააფიქსირა,"ინფო რუსთავმა“ კი ისე გამოაქვეყნა, რომ არ მიუთითა ავტორი.

საქმის განხილვას ესწრებოდა მხოლოდ განმცხადებელი, გიორგი ჩომახაშვილმა კი ქარტიას საკუთარი პოზიცია წერილობით აცნობა.

გადაწყვეტილების სამოტივაციო ნაწილი მოგვიანებით გამოქვეყნდება.
03.11.2017
საქართველოს ჟურნალისტური ეთიკის ქარტიის საბჭოს სამდივნომ დასაშვებად სცნო ჟურნალისტ ნინო ზაუტაშვილის განცხადება გაზეთ "ალიას" ჟურნალისტის, ნინო ლაბარტყავას წინააღმდეგ. 

სადავო მასალა ალიამ 31 ოქტომბერს გამოაქვეყნა - “ქართული მარშის” ლიდერი სანდრო ბრეგაძე აქციის დასრულების შემდეგ „ალიასთან“ ჟურნალისტ ნინო ზაუტაშვილს ამხელს. მასალაში ჰომოფობიური მარშის ერთერთი ლიდერი ანდრო ბრეგაძე საუბრობს და ამბობს ნინო ზაუტაშვილი არის "მხედრიონისდროინდელი ჟურნალისტი, რომელმაც ზვიად გამსახურდიას დამხობის შემდგომ, როდესაც მე დამიჭირეს და ზვიად გამსახურდიას სხვა მომხრეებს იჭერდნენ, ეს ქალი მათ წამებას ესწრებოდა და იყო ამ წამების უშუალო მონაწილე!"

ნინო ზაუტაშვილი მიიჩნევს, რომ მასალაში დარღვეულია ქარტიის პირველი (სიზუსტე) და მეშევიდე (დისკრიმინაცია) პრინციპები, რადგან მოცემული ბრალდებები უსაფუძვლოა და ზიანს აყენებს როგორც მის პროფესიულ კარიერას ასევე მის გადაცემას "რეალური სივრცე".

ქარტია საქმეს ღია სხდომაზე განიხილავს.


02.11.2017
საქართველოს ჟურნალისტური ეთიკის ქარტიის საბჭომ დასაშვებად სცნო ტრანსგენდერ ქალთა ცენტრის განცხადება ტელეკომპანია "იბერიის" წამყვან არჩილ გამზარდიას წინააღმდეგ. სადავო მასალა 27 ოქტომბერს გავიდა ეთერში. გადაცემა ეძღვნებოდა საქართველოს ნაკრების ვიცე კაპიტნის,  გურამ კაშიას მიერ ჰოლანდიის საფეხბურთო ჩემპიონატში ლგბტ პირთა სოლიდარობის და ძალადობის საწინააღმდეგო კამპანიაში ჩართვას და შესაბამისი სამკლაურით სტადიონზე გასვლას.

განმცხადებელი მიიჩნევს, რომ გადაცემა  შეიცავდა "ლგბტქი თემის მარგინალიზების და დისკრიმინაციის, ასევე საზოგადოებაში სტიგმატიზების მაპროვოცირებელ განცხადებებს", შესაბამისად დაირღვა ქარტიის მეშვიდე პრინციპი, რომელიც დისკრიმინაციას კრძალავს.

ქარტიის საბჭო საქმეს ღია სხდომაზე განიხილავს.


01.11.2017
დაიწყო განაცხადების მიღება "ქარტიის პრიზი 2017-ის" მოსაპოვებლად. კონკურსის მიზანია პროფესიული სტანდარტების დამკვიდრების და ეთიკური ჟურნალისტიკის განვითარების ხელის შეწყობა

კონკურსი ცხადდება შემდეგ ხუთ ნომინაციაში:
  • სატელევიზიო/ვიდეორეპორტაჟი
  • მულტიმედია პროექტი (1 მასალა ან სერია)
  • სტატია ან ნარკვევი ბეჭდურ ან ონლაინ მედიაში
  • ჟურნალისტური გამოძიება
  • ბავშვთა საკითხები - უპირატესობა მიენიჭება შშმ ბავშვების შესახებ მომზადებულ მასალას
პირველ ოთხ კატეგორიაში კონკურსი კვლავაც ცხადდება IREX-ის პროექტის მხარდაჭერით, ხოლო "ბავშვთა საკითხები" დაწესებულია გაეროს ბავშვთა ფონდის საქართველოს წარმომადგენლობის მიერ. გამარჯვებულებს ნომინირებული კონკურსანტებიდან და მათ მიერ წარმოდგენილი მასალებიდან შეარჩევს დამოუკიდებელი ჟიური.

პროცედურები და შერჩევის კრიტერიუმები:
  • მონაწილეობის მსურველებმა უნდა წარადგინონ ჟურნალისტური პროდუქტი, რომელიც გამოქვეყნდა 2016 წლის 1 დეკემბრიდან 2017 წლის 30 ნოემბრამდე პერიოდში
  • საკონკურსოდ მასალის წარდგენა შეუძლია როგორც ინდივიდუალურ ჟურნალისტს, ისე მედიასაშუალებას
  • მონაწილეობის მსურველმა უნდა წარადგინოს ვიდეო რეპორტაჟის და მულტიმედიის შემთხვევაში  ჩანაწერი ან ბმული, სტატიის შემთხვევაში კი მისი სკანირებული ან სქრინ ვერსია.
  • მონაწილეობის მსურველმა უნდა წარადგინოს მოკლე ავტობიოგრაფია და საკონკურსო ნაშრომის მოკლე ანოტაცია
  • მონაწილეობის თითოეულ მსურველს შეუძლია ერთი საკონკურსო ნაშრომის წარდგენა ერთ ნომინაციაში, რაც ასევე მითითებული უნდა იყოს
  • საკონკურსო ნაშრომი გამოქვეყნებული უნდა იყოს საქართველოში მოქმედ რომელიმე მედიასაშუალებაში
  • მონაწილეობის მსურველებმა განაცხადი უნდა გამოგზავნონ შემდეგ ელექტრონულ მისამართზე: Ethicscharter@gmail.com
  • ნამუშევრების მიღების ბოლო ვადაა 2017 წლის 1 დეკემბერი, 18.00 საათი.
ზოგადი კრიტერიუმები:
  • ჟურნალისტური პროდუქტის შერჩევის მთავარი კრიტერიუმია პროფესიული და ეთიკური სტანდარტები, რასაც ეფუძნება საქართველოს ჟურნალისტური ეთიკის ქარტია
  • უპირატესობა ენიჭება ნამუშევარს, რომელიც პასუხობს ქარტიის 11 პრინციპს
  • საკონკურსო ნამუშევრების თემატიკა არ არის შეზღუდული, იგი შესაძლოა ეხებოდეს საზოგადოების ცხოვრების ნებისმიერ სფეროს, თუმცა შერჩევის ამოსავალი პრინციპი იქნება ის, თუ როგორ უმკლავდება ავტორი პროფესიულ და ეთიკურ დილემებს.

მასალის შეფასებისას ყურადღება გამახვილდება შემდეგ ფაქტორებზე:
  • თემის აქტუალობა/მაღალი საზოგადოებრივი ინტერესი
  • თხრობის სტილი და ტექნიკა/ინფორმაციის გადმოცემის ხერხების მრავალფეროვნება
  • ინფორმაციის წყაროთა მრავალფეროვნება
  • ინფორმაციის სიზუსტე
  • ფაქტებისა და მოსაზრებების გამიჯვნა
  • მხარეთა ბალანსი
  • სიძულვილის ენისა და შეუფერებელი ლექსიკის უარყოფა/ გამოუყენებლობა
  • სიუჟეტების და მულტიმედია პროექტის შემთხვევაში ასევე დრამატურგია, ამბის თხრობის ტექნიკა და ვიზუალური მხარე
01.11.2017
საქართველოს ჟურნალისტური ეთიკის ქარტიის საბჭო 2 ნოემბერს გამართავს სხდომას, სადაც განიხილავს შემდეგ საქმეებს:

19:00 საათი - გიორგი მგალობლიშვილი გიორგი ჩომახაშვილის წინააღმდეგ


31.10.2017
საქართველოს ჟურნალისტური ეთიკის ქარტიის საბჭოს სამდივნომ დასაშვებად სცნო ელისო ჯანაშიას განცხადება ტელეკომპანია "რუსთავი 2-ის" ჟურნალისტების, ნოდარ მელაძის, დავით კაკულიასა და სოფო ჭულუხაძის წინააღმდეგ. სადავო გახდა საინფორმაციო გამოშევბა "კურიერში" 2017 წლის 6 ოქტომბერს გასული სიუჟეტი, რომლის თანახმადაც ფოთის მერობის კანდიდატი "ქართული ოცნებიდან", გოჩა კურდღელია ამომრჩევლებს დაემუქრა, თუ ის "მაღალი ლეგიტიმაციით ვერ გაიმარჯვებს, ცენტრალური ხელისუფლება ფოთში დაგეგმილ პროექტებს შეაჩერებს".

განცხადების თანახმად,  დარღვეულია ქარტიის მე11 პრინციპი, რომელიც პლაგიატს კრძალავს. ელისო ჯანაშიას თქმით, "კურიერში" გამოყენებული კადრები გადაღებული იყო ფოთში არსებული ონლაინ გამოცემა Tspress.ge-ს მიერ, რის შესახებაც "რუსთავი 2-ის" რედაქციამ არ მიუთითა. ამასთან "ჩამოჭრლი იყო გამოცემის ლოგოები, რომელიც განთავსებულია ვიდეომასალის მარჯვენა ზედა კუთხეში", - აღნიშნულია განცხადებაში.

ქარტიის საბჭო საქმეს ღია სხდომაზე განიხილავს


30.10.2017
საქართველოს ჟურნალისტური ეთიკის ქარტიის აღმასრულებელ დირექტორად ქარტიის საბჭომ ნატა ძველიშვილი მეორე ვადით აირჩია. მან საბჭოს წევრთა 7 ხმა მიიღო, მეორე კონკურსანტმა, ირმა ზოიძემ კი - 1 ხმა. ორივე მათგანთან გასაუბრება 27 ოქტომბერს გაიმართა.

ნატა ძველიშვილი პირველად ქარტიის აღმასრულებელი დირექტორი 2015 წელს გახდა. ქარტიის წესდების თანხმად აღმასრულებელი დირექტორი 1 წლის ვადით აირჩევა. უფლებამოსილების გახანგრძლივება საბჭოს ავტომატურად მხოლოდ ერთხელ შეუძლია. ამის შემდეგ კი ვალდებულია გამოაცხადოს კონკურსი ამ პოზიციაზე.


28.10.2017
27 ოქტომბერს 19:00 საათზე საქართველოს ჟურნალისტური ეთიკის ქარტიის საბჭო განიხილავს საქართველოს რკინიგზის საზოგადოებასთან ურთიერთობის სამსახურის უფროსის მოვალეობის შემსრულებლის, დაჩი ცაგურიას განცხადებას რუსთავი 2-ის წამყვანის, გიორგი გაბუნიასა და ჟურნალისტის, მიხეილ სესიაშვილის წინააღმდეგ.

23.10.2017
2017 წლის ადგილობრივი თვითმმართველობის არჩევნების გაშუქებისას თბილისში ვაკის მე-12 საარჩევნო უბანზე შეკრებილმა პირებმა ჟურნალისტური საქმიანობისას ფიზიკური და სიტყვიერი შეურაცხყოფა მიაყენეს „ლიბერალის“ რედაქტორს. ბათუმში კი N12 და N63 საარჩევნო უბნებთან "რუსთავი 2-სა" და "ობიექტივის" ჟურნალისტებმა პოლიცია გამოიძახეს, ვინაიდან მათი თქმით, სიტყვიერ შეურაცხყოფას აყენებდნენ „ქართული ოცნების“ კოორდინატორები.

21.10.2017

19 ოქტომბერს საქართველოს ჟურნალისტური ეთიკის ქარტიამ პარტნიორ ორგანიზაციებთან ერთად წარადგინა წინასაარჩევნო კამპანიის გაშუქების მედიამონიტორინგის შუალედური ანგარიში.

20.10.2017
შემოგვიერთდით Facebook-ზე
გენდერი სქესის სოციალური მახასიათებელია, რომელიც გამოხატავს საზოგადოების მიერ დადგენილ თუ გამომუშავებულ ფუნქციურ, ქცევით, მენტალურ თუ ემოციურ განსხვავებულობას ქალსა და კაცს შორის.
ქარტიაში განცხადების შემოტანა შეუძლია ნებისმიერ მოქალაქეს, რომელიც მიიჩნევს, რომ ჟურნალისტმა დაარღვია ეთიკური და პროფესიული სტანდარტები. ქარტიის საბჭო იხილავს განცხადებებს როგორც ქარტიის წევრი, ისე არაწევრი ჟურნალისტების მიმართ.