საქართველოს ჟურნალისტური ეთიკის ქარტიის ინფორმაციით, 2019 წლის
20-21 ივნისს თბილისში, რუსთაველის გამზირზე, საპროტესტო აქციის
დარბევის დროს დაშავდა
მედიის 40-მდე
წარმომადგენელი - ჟურნალისტები, ოპერატორები და
ფოტოჟურნალისტები.
მათი განცხადებით, აქციის დაშლამდე ისინი არ გაუფრთხილებიათ, ასევე,
ნაწილი ამბობს რომ, მიუხედავად მათი პროფესიის ამომცნობი სიმბოლიკის
ქონისა, რაც მიანიშნებდა, რომ ისინი იყვნენ მედიის წარმომადგენლები,
სპეცრაზმი მაინც დამიზნებით ესროდა რეზინის ტყვიებს, ხელს უშლიდა
ჟურნალისტური საქმიანობის შესრულებაში, აყენებდა სიტყვიერ და ფიზიკურ
შეურაცხყოფას.