ჟურნალისტური ეთიკის ქარტიის საგანგებო განცხადება
21.06.2019
თბილისში, რუსთაველის გამზირზე, პოლიციის მიერ საპროტესტო აქციის ცრემლსადენი გაზითა და რეზინის ტყვიებით დაშლის შედეგად დაშავდნენ "პირველი არხის", რუსთავი 2"-ის,” ტვ პირველის” და სხვა მედიაორგანიზაციების ჟურნალისტები. მათ შორის კორესპონდენტებს რეზინის ტყვიები მოხვედრილი აქვთ თვალის, ყელის არეში, თავსა და მკერდში. რამდენიმე მათგანის განცხადებით, პოლიცია მათი მისამართით რეზინის ტყვიებს დამიზნებით ისროდა მას შემდეგაც კი, როცა ისინი სამართალდამცავებს ეუბნებოდნენ რომ მედიის წარმომადგენლები იყვნენ. 

კოალიცია მედიის ადვოკატირებისთვის გმობს ჟურნალისტებისთვის საქმიანობაში უკანონოდ ხელშეშლის ფაქტებს
21.06.2019
2019 წლის 20 მაისს პარლამენტთან განვითარებული მოვლენებისას, ჩვენი ინფორმაციით 12 ჟურნალისტია დაშავებული. მიგვაჩნია, რომ მათ მიმართ ადგილი ჰქონდა სისხლის სამართლის კოდექსის 154-ემუხლით გათვალისწინებულ დანაშაულს.

ქარტია მოუწოდებს შსს-ს უზრუნველყოს აქციაზე მომუშავე ჟურნალისტების უსაფრთხოება
15.06.2019
როგორც მედიის მიერ გავრცელებული ინფორმაციებით ირკვევა, ჰომოფობიური აქციის მონაწილეები მუშაობაში ხელს უშლიან და ემუქრებიან ჟურნალისტებს, რომლებიც კანცელარიასთან მიმდინარე მოვლენებს აშუქებენ.

ინციდენტები შეემთხვათ გამოცემების: ნეტგაზეთის, ლიბერალის, რადიო თავისუფლების, აჭარის ტელევიზიის, TV პირველისა და რუსთავი 2-ის ჟურნალისტებს.

კოალიცია მედიის ადვოკატირებისთვის: მაუწყებლობის თვითრეგულირებას მიკუთვნებული საკითხების რეგულირებაში გადატანა დაუშვებელია
14.06.2019

2019 წლის 13 მაისს საქართველოს პარლამენტის თავმჯდომარის და საქართველოს კომუნიკაციების ეროვნული კომისიის მხრიდან გავრცელდა ინფორმაცია სიძულვილის ენის რეგულირების მიზნით 2019 წლის 01 ივლისამდე მაუწყებლობის შესახებ საქართველოს კანონში ცვლილებების შეტანის თაობაზე. აღნიშნულის საფუძვლად კი მითითებულია საქართველოს ვალდებულება აუდიოვიზუალური მედია დირექტივის იმპლემენტაციის თაობაზე.

ქარტიის საბჭოს განცხადება საბა წიწიკაშვილისთვის ჟურნალისტურ საქმიანობაში ხელშეშლის ფაქტზე
10.06.2019
გამოცემა qartli.ge- ს ცნობით, 10 ივნისს, გამთენიისას, მის ჟურნალისტს, საბა წიწიკაშვილს სამართლდამცავებმა პროფესიულ საქმიანობაში ხელი შეუშალეს. ჟურნალისტს იმ ავტოავარიის გაშუქება სურდა, რომელშიც სავარაუდოდ სამართალდამცავების მანქანა მონაწილეობდა. როგორც საბა წიწიკაშვილმა ქარტიის საბჭოს განუცხადა, მას ცენტრალურ ავტობანზე პოლიციელებმა შეუზღუდეს გადაღების უფლება და ძალის გამოყენებით გამოიყვანეს შემთხვევის ადგილიდან. მომხდარის გადაღება მან შორიდან მაინც შეძლო.

ქარტიის საბჭო ზუგდიდში მომხდარი ინცინდენტის გამოძიებას ითხოვს
14.05.2019
ტელეკომპანია ოდიშის ინფორმაციით, 14 მაისს ზუგდიდის ისტორიული მუზეუმის ეზოში გადაცემა „ლუსტრაციის“ ჩაწერისას “ქართული ოცნების” წარმომადგენლები დაუპირისპირდნენ მათ რესპონდენტს, ზუგდიდის მერობის კანდიდატს გაერთიანებული ოპოზიციიდან სანდრა რულოვს. სიტყვიერი და ფიზიკური შეურაცხყოფა მიაყენეს გადამღებ ჯგუფს. ტელევიზიამ ინცინდენტის ამსახველი ვიდეომასალაც გაავრცელა.

კოალიციის განცხადება აჭარის საზოგადოებრივ მაუწყებელთან დაკავშირებით
26.04.2019
აჭარის საზოგადოებრივი მაუწყებლის დირექტორისთვის უნდობლობის გამოცხადების ერთ-ერთი საფუძველი მრჩეველთა საბჭომ დღევანდელი გადაწყვეტილებით თავადვე ეჭვქვეშ დააყენა

სსიპ  საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭომ განიხილა და მიიღო გარე აუდიტის ფინანსური ანგარიში, სადაც აღნიშნულია, რომ ,,სსიპ საზოგადოებრივი მაუწყებლის საზოგადოებრივი მაუწყებლის აჭარის ტელევიზიისა და რადიოს წარმოდგენილი საბიუჯეტო ფინანსური ანგარიში 2018 წლის 31 დეკემბრის მდგომარეობით ყველა არსებითი ასპექტის გათვალისწინებით, შეესაბამება 2014 წლის 31 დეკემბერს ფინანსთა მინისტრის №429 ბრძანებით დამტკიცებული„საბიუჯეტო ორგანიზაციების ბუღალტრული აღრიცხვის და ფინანსური ანგარიშგების შესახებ ინსტრუქციას.“

აჭარის ტელევიზიისა და რადიოს დირექტორის იმპიჩმენტის საკითხს არასამთავრობო ორგანიზაციები ეხმიანებიან
12.04.2019
არასამთავრობო ორგანიზაციები მკვეთრად უარყოფითად ვაფასებთ საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს ორი წევრის ინიციატივას, ტელევიზიის დირექტორის ნათია კაპანაძის იმპიჩმენტის შესახებ.

ქარტიის საბჭოს განცხადება “ჰერეთის” ჟურნალისტზე ფიზიკური შეურაცხყოფის შესახებ გავრცელებულ ინფორმაციაზე
08.04.2019
საქართველოს ჟურნალისტური ეთიკის ქარტია ეხმიანება რადიო “ჰერეთის” მიერ გავრცელებულ ინფორმაციას, რომლის მიხედვითაც მის ჟურნალისტს დავით ჭაბაშვილს ლაგოდეხის მუნიციპალიტეტის საკრებულოს შენობაში საკრებულოს აპარატის უფროსმა გიორგი მესხიშვილმა ფიზიკური შეურაცხყოფა მიაყენა.
ქარტიის საბჭოს განცხადება “ტროლების” სიის გავრცელებაზე
10.03.2019
მედიასაშუალებებმა გაავრცელეს ინფორმაცია ე.წ. ტროლების ფაბრიკის შესახებ და გამოაქვეყნეს იმ ადამიანთა სია, რომლებიც სავარაუდოდ “ქართული ოცნების” დაკვეთით ცრუ ინფორმაციას ავრცელებდნენ სოციალურ ქსელში. სიაში დასახელებულ სახელებსა და გვარებს არ ახლდა რაიმე მაიდენტიფიცირებელი ნიშანი (პირადი ნომერი, ან რაიმე სხვა დეტალი) შესაბამისად, ეჭვქვეშ დადგა ყველა ის ადამიანი, ვისაც სიაში ჩამოთვლილთა იდენტური სახელი და გვარი აქვს.