საქართველოს ჟურნალისტური ეთიკის ქარტიას სს “სადაზღვევო კომპანია ალდაგის” წარმომადგენლმა ბექა ჭყონიამ მედია-კავშირი “ობიექტივის” ჟურნალისტის ნათია მაზანაშვილის წინააღმდეგ განცხადებით მომართა.

სადავო გადაცემა “სოციალური თემატიკა” ეთერში 2025 წლის 13 მარტს გავიდა. გადაცემაში წამყვანი სს “სადაზღვევო კომპანია ალდაგის” შესახებ საუბრობს.

განმცხადებელი მიიჩნევს, რომ წამყვანმა თავის საავტორო გადაცემაში დაარღვია ქარტიის პირველი (სიზუსტე); მესამე (დადასტურებული წყარო); მეხუთე (შესწორება) და მე-11 (ფაქტის განზრახ დამახინჯება) პრინციპები.

განმცხადებლის მხრიდან მოპასუხე რედაქტორად/ჟურნალისტად განისაზღვრა გადაცემის წამყვანი ნათია მაზანაშვილი.

ქარტიის საბჭო განცხადებას ღია სხდომაზე განიხილავს და გადაწყვეტს, დაირღვა თუ არა სადავო ჟურნალისტურ პროდუქტში ქარტიის პრინციპები.