რა შემთხვევაში არღვევს მედია სხვის საავტორო უფლებებს ან რა შემთხვევაში ირღვევა თავად მედიის უფლებები; ტექნოლოგიების საუკუნეში, შეუძლია თუ არა ჟურნალისტს ან მედიასაშუალებას დაიცვას საკუთარი პროდუქტი პლაგიატისგან; როგორ არეგულირებს საქართველოს კანონმდებლობა ამ საკითხებს, როგორია საერთაშორისო გამოცდილება და რატომ არის გადამწყვეტი პროფესიული ეთიკა - სწორედ ეს თემები განიხილებოდა ჟურნალისტური ეთიკის ქარტიაში 30 აპრილს გამართულ დისკუსიაზე. დისკუსიას სახელწოდებით "საავტორო უფლებები და მედია" რამდენიმე მომხსენებელი ჰყავდა: საავტორო უფლებათა დაცვის ასოციაციის იურისტი მედეა შენგელია, ექსპერტი საავტორო უფლებათა დაცვის საკითხებში, ნინო კუნცევა-გაბაშვილი, ინტერნეტ ტექნოლოგიების სპეციალისტი, კონსტანტინე სტალინსკი და გაზეთ "გურია ნიუსის" დამფუძნებელი და რედაქტორი, ჟურნალისტური ეთიკის ქარტიის საბჭოს წევრი, ია მამალაძე. თითოეულმა მათგანმა ქარტიაში შეკრებილებს საკუთარი გამოცდილება გაუზიარა და იმ პრობლემების შესახებ მიაწოდა ინფორმაცია, რომელსაც ყოველდღიურ მუშაობაში აწყდება.  (more…)