ორშაბათს, 11 თებერვალს 20:00 საათზე საქართველოს ჟურნალისტური ეთიკის ქარტიის საბჭო განიხილავს გიგი თევზაძის განცხადებას ტელეკომპანია "რუსთავი 2-ის" გენერალური დირექტორისა და გადაცემა "კვირის აქცენტების" წაყვანის, ნიკა გვარამიას წინააღმდეგ.

გიგი თევზაძე მიიჩნევს, რომ ნიკა გვარამიამ 3 თებერვლის გადაცემაში დაარღვია სიზუსტის პრინციპი, როდესაც განათლების სისტემაზე საუბრისას ახსენა გიგი თევზაძეც. მისი თქმით, კავშირი არ აქვს განათლების სისტემაში მიმდინარე ცვლილებებთან, რაზეც ნიკა გვარამია მიუთითებდა.