2 მაისს გაიმართა კონფერენცია ,,მედიის ევროპული სტანდარტი - ეთიკა და პასუხისმგებლობა“. ევროკავშირის ხელშეწყობით და ფინანსური დახმარებით კონფერენციის ორგანიზატორი იყო საქართველოს ჟურნალისტური ეთიკის ქარტია.

კონფერენციას ესწრებოდა ევროკავშირის ელჩი საქართველოში კარლ ჰარცელი, ასევე საქართველოში აკრედიტებული დიპლომატიური კორპუსის წარმომადგენლები, ქართველი და ევროპელი მედიის სპეციალისტები, აღმასრულებელი, საკანონმდებლო, მარეგულირებელი და თვითრეგულირების ორგანოების წარმომადგენლები.

კონფერენციაზე განიხილა ქართულ მედიაგარემოში არსებული გამოწვევები, რაც განსაკუთრებით მნიშვნელოვანია 2020 წლის საპარლამენტო არჩევნების მოახლოვების გათვალისწინებით.