09.03.2023
კატეგორია : განცხადებები;
2023 წლის 9 მარტს რუსთაველის
გამზირზე რუსული კანონის წინააღმდეგ აქცია იმართება. აქციები
რამდენიმე დღეა მიმდინარეობს და მედიის წარმომადგენლების უფლებების
დარღვევის, საქმიანობაში ხელშეშლისა და ფიზიკური დაზიანების არაერთი
შემთხვევა უკვე დაფიქსირდა.
ჟურნალისტური ეთიკის ქარტია
მოუწოდებს ხელისუფლებას, დაიცვას ჟურნალისტთა უსაფრთხოება და
პროფესიული საქმიანობის შესრულებისას მედიას შეუქმნას შესაბამისი
სამუშაო პირობები, რათა მოქალაქეებს ჰქონდეთ შესაძლებლობა, მიიღონ
ინფორმაცია აქციაზე მიმდინარე პროცესებთან დაკავშირებით.
ქარტია მიმართავს შინაგან საქმეთა
სამინისტროს, არ დაუშვას ჟურნალისტებზე ძალადობა და საქმიანობაში
უკანონოდ ხელშეშლა მისი წარმომადგენლების მხრიდან და მიიღოს ეფექტიანი
ზომები მედიის უფლებების დასაცავად.
