საქართველოს ჟურნალისტური ეთიკის ქარტიას მოქალაქე მარიამ სამხარაძემ 24news.ge-ს  წინააღმდეგ განცხადებით მომართა.

სადავო სიუჟეტი მათ ფეისბუქ გვერდზე 2025 წლის 4 იანვარს გამოქვეყნდა.

განმცხადებლის პოზიციით, მცდარია სიუჟეტში გაჟღერებული ინფორმაცია, “თითქოს „დემოკრატიული ჩართულობის ცენტრების ქსელის“ მარნეულის ოფისი (სიუჟეტში არასწორად მოხსენიებული, როგორც USAID-ის მარნეულის ოფისი) რაიმე ფორმით ჩართულია მარნეულში მცხოვრები ეთნიკურად აზერბაიჯანელების საქართველოს პოლიტიკურ პროცესებში ჩართვასა და მათი ფინანსურ წახალისებაში.” 

განმცხადებლის მითითებით, სადავო სიუჟეტში ჟურნალისტმა დაარღვია ქარტიის პირველი (სიზუსტე) და მეხუთე (შესწორება) პრინციპები.

მოპასუხედ  განისაზღვრა 24news.ge-ს ხელმძღვანელი აზერ მამედოვი.

ქარტიის საბჭო განცხადებას ღია სხდომაზე განიხილავს და გადაწყვეტს, დაირღვა თუ არა სადავო ჟურნალისტურ პროდუქტში ქარტიის პრინციპები.