სტუდია „მონიტორის“ გამომძიებელი ჟურნალისტი

გიორგი მგელაძე ქარტიის საბჭოს წევრად ხელმეორედ აირჩიეს 2016 წლის დეკემბერში. ის პირველად ქარტიის საბჭოს წევრი 2012 წელს გახდა და მომდევნო ერთი წლის განმავლობაში საბჭოსაც თავმჯდომარეობდა.

გამოცემა “სამხრეთის კარიბჭის” ჟურნალისტი.

თამუნა უჩიძე ამ გამოცემასთან 2006 წლიდან თანამშრომლობს. 2010–2011 წლებში იყო გაზეთ „სამხრეთის კარიბჭეს“ ყოველკვირეული დამატება „მეურნეს“ რედაქტორი; სხვადასხვა დროს თანამშრომლობდა რამდენიმე მედია საშუალებებთან – 2007–2009 წლებში წერდა „ომისა და მშვიდობის გაშუქების ინსტიტუტისთვის”; ასევე მონაწილეობდა სხვვადასხვა საერთაშორისო სასწავლო პროგრამებში; 2016 წელს მიიღო
ქარტიის პრიზი საუკეთესო სტატიისთვის.

ინტერნეტგამოცემა liberali.ge-ს რედაქტორი.

ლიკა ზაკაშვილი 2011 წლიდან მუშაობს გამოცემა „ლიბერალში“; ასევე არის საქართველოში საერთაშორისო პროექტის n-vestigate-ის კოორდინატორი, რომლის ფარგლებში ოთხი ქვეყანა - საქართველო, სომხეთი, მოლდოვა, უკრაინა, რუსეთი და გერმანია Cross-Border ჟურნალისტურ პროექტზე ერთად მუშაობენ. ლიკა ზაკაშვილი ასევე უძღვება სალექციო კურსს შავი ზღვის უნივერსიტეტში. 2011 წლამდე მუშაობდა საერთაშორისო ორგანიზაციის - „ნორვეგიის ლტოლვილთა საბჭო“ - პროექტის მენეჯერად; ასევე - რადიო „106,4-ის“ წამყვანად. დამთავრებული აქვს საქართველოს შოთა რუსთაველის თეატრისა და კინოს სახელმწიფო უნივერსიტეტი (ბაკალავრის ხარისხი) და საქართველოს საზოგადოებრივ საქმეთა ინსტიტუტი GIPA (მაგისტრის ხარისხი)

ჟურნალისტური ეთიკის ქარტიის საბჭოს წევრად აირჩიეს 2017 წლის 23 დეკემბერს.

ჟურნალ “ინდიგოს” დამფუძნებელი

მანამდე იყო ჟურნალ “ცხელი შოკოლადის” რედაქტორი და მისი ვებ-გვერდის კურატორი. საერთო ჯამში მას სატელევიზიო, ბეჭდურ და ონლაინ მედიაში მუშაობის 20 წლიანი გამოცდილება აქვს. ის იყო “ინტერნიუს ნეტვორკისა” და ტელეკომპანია “რუსათავი 2-ის” რეპორტიორი, წამყვანი და პროდიუსერი. არის ჟურნალ “ლიბერალის” ერთ-ერთი დამფუძნებელი და ყოფილი აღმასრულებელი რედაქტორი. ასევე იყო ამ
გამოცემის ონლაინ პორტალის მთვარი რედაქტორი.

საზოგადოებრივი მაუწყებლის აჭარის ტელევიზიის ახალი ამბების სამსახურის უფროსის მოადგილე

მაია მერკვილაძე 1998 - 2015 წლებში მუშაობდა ბათუმში ბაზირებულ ტელეკომპანიაში TV 25-ში სხვადასხვა პოზიციაზე - იყო რედაქტორი, პროდიუსერი, საინფორმაციო სამსახურის უფროსი. პროექტების – „ვმართოთ ერთად“, „ჩვენ და თვითმმართველობა“, „ამბები მაღალმთიანეთიდან“ ავტორი. 2016 - 2017 წლებში იყო FactCheck-ის რეგიონული ანალიტიკოსი (აჭარა).

არის საქართველოს ჟურნალისტური ეთიკის ქარტიის დამფუძნებელი წევრი. საბჭოს წევრად აირჩეის 2017 წლის 23 დეკემბერს.

საინფორმაციო ცენტრების ქსელის რედაქტორი

გელა მთივლიშვილი 2010 წლიდან მუშაობს საინფორმაციო ცენტრების ქსელის რედაქტორად, რომელიც აერთიანებს ახალი ამბების სააგენტო "რეგინფოს", ინტერნეტგამოცემა "მთის ამბებს", კახეთის საინფორმაციო ცენტრს და პანკისის სათემო რადიოს. მანამდე, 2005 წლიდან მუშაობდა ადამიანის უფლებათა ცენტრში. 2011-2013 წლებში იყო ჟურნალისტური ეთიკის ქარტიის საბჭოს წევრი. არის ჟურნალისტთა საერთაშორისო ფედერაციის წევრი. მონაწილეობდა საერთაშორისო სასწავლო პროგრამებში ლიტვასა და აშშ-ში საგამოძიებო ჟურნალისტიკის და მედია მენეჯმენტის მიმართულებით. მიღებული აქვს ევროკავშირის, ჯოშუა ფრიდმანის, ევროპული ჟურნალისტიკის ცენტრის და ქარტიის პრიზები.

საქართველოს ჟურნალისტური ეთიკის ქარტიის საბჭოს წევრად მეორედ აირჩიეს 2017 წლის 23 დეკემბერს.

გაზეთ „კახეთის ხმის“ დამფუძნებელი

მაია მამულაშვილი ასევე არის  არასამთავრობო ორგანიზაცია „მედია ცენტრი კახეთის“ დამფუძნებელი.

დაამთავრა თბილისის ივანე ჯავახიშვილის სახელმწიფო უნივერსიტეტის ჟურნალისტიკის ფაკულტეტი, მედიამ მენეჯმენტის მაგისტრის ხარისხი კი მიიღო საზოგადოებრივ საქმეთა ინსტიტუტში (GIPA)

საინფორმაციო სააგენტო interpressnews.ge-ს  ჟურნალისტი და okribanews.ge-ს დირექტორი და ჟურნალისტი

იყო საზოგადოებრივი მაუწყებლის გადაცემა "რეალური სივრცის" კორესპონდენტი, ტელეკომპანია "რიონის" ჟურნალისტი. იყო სამართლიანი არჩევნებისა და დემოკრატიის საერთაშორისო საზოგადოების (ISFED) წევრი და კოორდინატორი ონსა და ტყიბულში.  სხვადასხვა დროს იღებდა მონაწილეობას საერთაშორისო პროგრამებში პოლონეთსა და ამერიკის შეერთებულ შტატებში.  

საქართველოს ჟურნალისტური ეთიკის ქარტიის საბჭოში 2017 წლის 23 დეკემბერს ჩაანაცვლა გერონტი ყალიჩავა

საინფორმაციო სააგენტო “ქუთაისიპოსტის” (www.kutaisipost.ge) დამფუძნებელი და მთავარი რედაქტორი

თეა ზიბზიბაძე ასევე არის „თავისუფალ ჟურნალისტთა ცენტრის“ თავმჯდომარე. მან ჟურნალისტური კარიერა დაიწყო 2004 წელს გაზეთ “ახალი გაზეთში” ჯერ ჟურნალისტად, შემდეგ კი რედაქტორად. სხვადასხვა დროს მუშაობდა რადიო “ივერიონის” საინფორმაციო სამსახურის ხელმძღვანელად, “ნიუპრესის” ვებ-რედაქტორად, რეგიონული მედიის ქსელის ჟურნალისტად.

ქარტიის საბჭოს მდივანი და ქარტიის პროექტის - „ლიბერალიზმის სასწავლო ცენტრის" დირექტორი.

დავით კლდიაშვილი ქარტიის საბჭოს მდივანია 2011 წლიდან. პარალელურად ეწევა კერძო იურიდიულ პრაქტიკას და არის რამდენიმე ორგანიზაციის კონსულტატი იურიდიულ საკითხებში.