ბავშვთა საკითხების გაშუქების შესახებ რედაქციებში ტრენინგი მიმდინარეობს
25.07.2017

კატეგორია : ტრენინგები;
საქართველოს ჟურნალისტური ეთიკის ქარტიისა და გაეროს ბავშვთა ფონდის ერთობლივი პროექტის ფარგლებში ბავშვთა საკითხების გაშუქების შესახებ ტრენინგი სამეგრელოში ბაზირებული ონლაინ გამოცემა livepress.ge-დან დაიწყო. ქარტიის ტრენერი ზვიად ქორიძე 4 დღის განმავლობაში ადგილზე მუშაობდა რედაქციასთან და მათი საჭიროებიდან გამომდინარე ცდილობდა დახმარებას, რათა მათ უფრო მეტად შეძლონ სიღრმისეული მასალების მომზადება იმ თემებზე, რაც ბავშვებს ეხება.

Livepress.ge ერთერთი იყო მათგან ვინც ქარტიის მიერ გამოცხადებულ კონკურსში მიიღო მონაწილეობა და სურვილი გამოთქვა ამ ტრენინგში მონაწილეობის. მის გარდა კონკურსის წესით შეირჩა კიდევ სამი მედიასაშუალება – ტელეკომპანია პირველი, რეგიონულ მაუწყებელთა ასოციაცია და ტელეკომპანია გურჯაანი. ქარტიის ტრენერები ზვიად ქორიძე და ნინო ჯაფიაშვილი უახლოეს პერიოდში მათაც ეწვევიან.

ამავე ფორმატში ტრენინგი უკვე გაიმართა პანკისის სათემო რადიოშიც.

უშუალოდ რედაქციებში ტრენინგის ჩატარება ქარტიამ და გაეროს ბავშვთა ფონდმა გასული წლიდან დაიწყო და ტრენერებმა 4 რედაქციაში იმუშავეს. ასეთი ფორმატი საშუალებას აძლევს რედაქციას დახმარება მიიღოს კონკრეტულად იმ მიმართულებით, რაც მათ ყველაზე მეტად სჭირდებათ იმისათვის რომ მაღალი ხარისხის მასალების მომზადება შეძლონ ბავშვებთან დაკავშირებით.

რედაქციებში მუშაობა ნაწილია იმ პროექტისა, რომლის ფარგლებში ასევე ტარდება მედიამონიტორინგი ბავშვთა საკითხების გაშუქებისას წარმოშობილი პრობლემების იდენტიფიცირებისთვის, გაიმართა შეხვედრები მოსწავლეებთანაც და ჩატარდა დისკუსია საბავშვო გადაცემების და არხების შესახებ.

 

შემოგვიერთდით Facebook-ზე
ქარტიაში განცხადების შემოტანა შეუძლია ნებისმიერ მოქალაქეს, რომელიც მიიჩნევს, რომ ჟურნალისტმა დაარღვია ეთიკური და პროფესიული სტანდარტები. ქარტიის საბჭო იხილავს განცხადებებს როგორც ქარტიის წევრი, ისე არაწევრი ჟურნალისტების მიმართ.

გენდერი სქესის სოციალური მახასიათებელია, რომელიც გამოხატავს საზოგადოების მიერ დადგენილ თუ გამომუშავებულ ფუნქციურ, ქცევით, მენტალურ თუ ემოციურ განსხვავებულობას ქალსა და კაცს შორის.