ქარტიის საბჭომ 6 მარტის სხდომაზე  24news.ge-ს ხელმძღვანელის აზერ მამედოვის წინააღმდეგ შემოსული მარიამ სამხარაძის განცხადება განიხილა.

სადავო ვიდეო 24news.ge-ს ფეისბუქ გვერდზე 2025 წლის 4 იანვარს გამოქვეყნდა.

განმცხადებელი მიიჩნევდა, რომ მასალაში გაჟღერდა მცდარი ინფორმაცია, რომ “თითქოს „დემოკრატიული ჩართულობის ცენტრების ქსელის“ მარნეულის ოფისი რაიმე ფორმით ჩართულია მარნეულში მცხოვრები ეთნიკურად აზერბაიჯანელების საქართველოს პოლიტიკურ პროცესებში ჩართვასა და მათ ფინანსურ წახალისებაში”. 

განმცხადებელი მიიჩნევდა, რომ დაირღვა ქარტიის პირველი (სიზუსტე) და მეხუთე (შესწორება) პრინციპები.

საბჭომ მასალაში დარღვეულად მიიჩნია ორივე სადავო პრინციპი (1;5).

გადაწყვეტილების სამოტივაციო ნაწილი გამოქვეყნდება მოგვიანებით.