29 თებერვალს გაიხსნა ევროპის საბჭოს და ჟურნალისტური ეთიკის ქარტიის ორდღიანი სემინარი ახალი მედიის თვითრეგულირების შესახებ. სემინარი მიზნად ისახავს წამყვანი ქართველი ჟურნალისტებისა და მედია პროფესიონალებისათვის ეთიკური სტანდარდებისა და მედიის გამავრცელებელთა პასუხისმგებლობის შესახებ ევროპის საბჭოს და ადამიანის უფლებათა ევროპული სასამართლოს სტანდარტებისა და პრაქტიკის გაცნობას. სემინარის ფარგლებში განიხილეს ევროპის წამყვანი თვითრეგულირების ორგანოების მიერ მიღებული გადაწყვეტილებები. ევროპის საბჭოს ექსპერტებმა ქარტიის საბჭოს და მედიის სხვა წარმომადგენლებს საკუთარი მოსაზრებები გაუზიარეს.