საქართველოს ჟურნალისტური ეთიკის ქარტიის საბჭოს გადაწყვეტილებით საინფორმაციო სააგენტო "interfactnews-ზე" გამოქვეყნებული სტატიით დაირღვა ეთიკის ქარტიის მეშვიდე პრინციპი.

მეშვიდე პრინციპის თანახმად ჟურნალისტს უნდა ესმოდეს დისკრიმინაციის წახალისების საფრთხე; ამიტომ ყველაფერი უნდა იღონოს ნებისმიერი პირის დისკრიმინაციის თავიდან ასაცილებლად რასის, სქესის, სექსუალური ორიენტაციის, ენის, რელიგიის , პოლიტიკური და სხვა შეხედულებების, ეროვნული ან სოციალური წარმოშობის საფუძველზე ან რაიმე სხვა ნიშნით. განმცხადებელი მიიჩნევდა, რომ საინფორმაციო სააგენტო "interfactnews-ზე" 2015 წლის 05 სექტემბერს გამოქვეყნებული სტატიით: "სკანდალი სომხურ დამწერლობაზე - სომხური კიარა ეთიოპიური ალფავიტია"! - მესროპ მაშტოცმა ანბანი ეთიპიელებს მოპარა?" დაირღვა ეთიკის ქარტიის მეშვიდე პრინციპი. საბჭომ განცხადება განიხილა 2015 წლის 8 ნოემბერს და გადაწყვიტა, რომ განცხადებაში მითითებული მეშვიდე პრინციპიდ დაირღვა.