პრესის თავისუფლების მსოფლიო დღეს, 3 მაისს, ფრონტლაინ კლუბში საზოგადოებრივ საქმეთა ინსტიტუტსა (GIPA) და ჟურნალისტური ეთიკის ქარტიას შორის ურთიერთთანამშრომლობის მემორანდუმი გაფორმდა. დოკუმენტზე ხელმოწერის შემდეგ ჯიპამ ჟურნალისტებისთვის ჯოშუა ფრიდმანის პრიზი გამოაცხადა. ურთიერთთანამშრომლობის ფარგლებში იგეგმება პროფესიულ საკითხებზე ერთობლივი ღონისძიებების გამართვა, ამასთან ერთად მომავალ ჟურნალისტებს შესაძლებლობა ექნებათ, ჩაერთონ და აქტიური მონაწილეობა მიიღონ ქარტიის აქტივობებში. მანამდე ქარტიამ ურთიერთთანამშრომლობის მემორანდუმი გააფორმა ეროვნულ ბიბლიოთეკასთან და თბილისის სახელმწიფო უნივერსიტეტთან.