სამშაბათს 19 ივნისს საქართველოს ჟურნალისტური ეთიკის ქარტიის საბჭო განიხილავს შემდეგ განცხადებებს:

• 19:00 საათი - სსიპ განათლების საერთაშორისო ცენტრი ტელეკომპანია "იბერიის" წამყვანის, აკაკი გოგიჩაიშვილის წინააღმდეგ

სადავო გადაცემა "ბიზნეს კოდი" 30 აპრილს გავიდა ეთერში და განათლების საერთაშორისო ცენრტის საქმიანობას ეხებოდა. განმცხადებელი მიიჩნევს, რომ გადაცემაში მცდარი და გადაუმოწმებელი ინფორმაცია გავრცლედა ამ ცენტრთან დაკავშირებული სასამართლო დავების შესახებ. განმცხადებლის აზრით, დაირღვა ქარტიის პირველი (სიზუსტე) და მესამე (მიჩქმალვა) პრინციპები.

• 21:00 საათი - ჟურნალისტიკის რესურს ცენტრი ტელეკომპანია "რუსთავი 2-ის" ჟურნალისტების, ია გულიაშვილისა და ეკა გაგუას წინააღმდეგ

სადავო სიუჟეტი საინფორმაციო გამოშვება "კურიერის" ეთერში 6 ივნისს გავიდა და ეხებოდა ძროხების ხელოვნურ განაყოფიერებას. განმცხადებელი მიიჩნევს, რომ მასალა არაზუსტი და მანიპულაციურია. შესაბამისად, დარღვეულია ქარტიის პირველი (სიზუსტე) და მესამე (მიჩქმალვა) პრინციპები.