19 ივნისს საქართველოს ჟურნალისტური ეთიკის ქარტია შემდეგ განცხადებებს განიხილავს:

• 19:00  საათი -  ევექსის ჰოსპიტლები კომერსანტის წინააღმდეგ

სადავო გახდა "კომერსანტის" სტატია სათაურით "GHG ჯგუფი აქციონერებისთვის გასაცემ დივიდენდს ზრდის, მისი კლინიკები პაციენტების სასაკლაოდ იქცა, ჯანდაცვის სამინისტრო კი დუმს". მასალაზე კონკრეტული ავტორი მითითებული არ არის. სტატია ეხება პაციენტის გარდაცვალებას და მასთან "ევექსის" კლინიკის კავშირს, მის პასუხისმგებლობას.
სადავო პრინციპები: პირველი (სიზუსტე), მესამე  (დადასტურებული წყარო) და მეთერთმეტე (ფაქტის განზრახ დამახინჯება)

20:00 საათი - ევექსის ჰოსპიტლები "კომერსანტის" ჟურნალისტის სალომე ლემონჯავას წინააღმდეგ სადავო სტატია "კომერსანტზე" პირველ მაისს გამოქვეყნდა სათაურით "ევექსი კრიმინალურ სკანდალში ეხვევა". სტატიაში საუბარი იყო ქობულეთის რეგიონალურ საავადმყოფოს საკანალიზაციო მილში ნაპოვნ ემბრიონზე, რაზეც სტატიის მიხედვით, გამოძიება დაიწყო. განმცხადებელი მიიჩნევს, რომ სტატიაში საავადმყოფოს პერსონალი და მენეჯმენტი გადაუმოწმებელი ინფორმაციის საფუძველზეა დადანაშაულებული. 

სადავო პრინციპები: პირველი (სიზუსტე), მესამე (დადასტურებული წყარო) და მეთერთმეტე (ფაქტის განზრახ დამახინჯება).