ქარტიის საბჭომ 27 ივლისს განიხილა ნინა გადელიას განცხადება “ტვ პირველის” ჟურნალისტების ნოდარ მელაძისა და თამარ დოლენჯაშვილის წინააღმდეგ და დაადგინა, რომ სადავო სიუჟეტში დაირღვა ქარტიის პირველი და მე-5 პრინციპები.
სადავო მასალა ეთერში 2024 წლის 30 მარტს გავიდა სათაურით: “სავარაუდო თაღლითობის მსხვერპლი მოხუცი”.
განმცხადებლის პოზიციით, სიუჟეტში გაჟღერებული ინფორმაცია იყო არაზუსტი და არ იყო სათანადო წესით გადამოწმებული.
თავდაპირველად განმცხადებელი დავობდა ქარტიის პირველი,
მე-3, მე-5 და მე-11 პრინციპების დარღვევაზე, თუმცა, განხილვისას
განმცხადებელმა მე-3 პრინციპი მოხსნა. სადავო პრინციპებად
განისაზღვრა პირველი, მე-5 და მე-11.
საბჭომ პირველი და მე-5 პრინციპები დარღვეულად მიიჩნია, მე-11 პრინციპის დარღვევა არ დაადგინა.
მოპასუხე ჟურნალისტებს საქმეზე პოზიცია არ წარმოუდგენიათ.
გადაწყვეტილების სამოტივაციო ნაწილი გამოქვეყნდება მოგვიანებით.
