საქართველოს ჟურნალისტური ეთიკის ქარტიას მოქალაქეებმა თინა ცომაიამ და ნინო ივანიშვილმა “პირველი არხის”  წამყვანის/ჟურნალისტის  წინააღმდეგ განცხადებით მომართეს.

სადავო  გადაცემა “მოამბის საგანგებო ეთერი” “პირველ არხზე”  2024 წლის 15 დეკემბერს გავიდა, რომლის რესპოდენტები იყვნენ ფსიქოლოგი მარინა ჩიტაშვილი და ანთროპოლოგი ირაკლი ფიფია. გადაცემის საგანგებო ეთერი ეხებოდა ქვეყანაში მიმდინარე პროტესტს.

განმცხადებლის მითითებით, ჟურნალისტმა რესპოდენტ ირაკლი ფიფიასთან დიალოგისას დაარღვია ქარტიის პირველი (სიზუსტე); მეშვიდე (დისკრიმინაცია); მეცხრე (მასალების გამიჯვნა) და მე-11 (ფაქტის განზრახ დამახინჯება) პრინციპები.

მოპასუხე ჟურნალისტად  განისაზღვრა ამ გადაცემის წამყვანი მაკა ცინცაძე.

ქარტიის საბჭო განცხადებას ღია სხდომაზე განიხილავს და გადაწყვეტს, დაირღვა თუ არა სადავო ჟურნალისტურ პროდუქტში ქარტიის პრინციპები.