საქართველოს ჟურნალისტური ეთიკის ქარტიას ჟურნალისტმა გიგა გელხვიიძემ “საზოგადოებრივი მაუწყებლის აჭარის ტელევიზიისა და რადიოს” წინააღმდეგ განცხადებით მომართა.

სადავო მასალა „საზოგადოებრივი მაუწყებლის აჭარის ტელევიზიისა და რადიოს“ გადაცემის “მთავარი” პირდაპირ ეთერში 2025 წლის 14 იანვარს გავიდა. განმცხადებელი მიიჩნევს, რომ ის გადაცემის წამყვანმა  ჰომოფობიური და შეურაცხმყოფელი ტერმინებით მოიხსენია.

განმცხადებლი დავობს ქარტიის პირველი (სიზუსტე), მეხუთე (შესწორება), მეშვიდე (დისკრიმინაცია) და მე-10 (პირადი ცხოვრების ხელშეუხებლობა) პრინციპების დარღვევაზე.

მოპასუხედ  განისაზღვრა გადაცემის წამყვანი ქეთევან ბოლქვაძე.

ქარტიის საბჭო განცხადებას ღია სხდომაზე განიხილავს და გადაწყვეტს, დაირღვა თუ არა სადავო ჟურნალისტურ პროდუქტში ქარტიის პრინციპები.