ჟურნალისტური ეთიკის ქარტიას მომართა "თრიალეთის" დირექტორის მოადგილე რამაზ ელანდიშვილმა, რომელიც მიიჩნევდა, რომ  ტელეკომპანია "დიას" ეთერში გასული მასალა "უჩინარი თანა ჟურნალისტური ეთიკის ქარტიას მომართა "თრიალეთის" დირექტორის მოადგილე რამაზ ელანდიშვილმა, რომელიც მიიჩნევდა, რომ  ტელეკომპანია "დიას" ეთერში გასული მასალა "უჩინარი თანამშრომლები გორის მუნიციპალიტეტის გამგეობაში" "თრიალეთის" დისკრედიტაციას ისახავდა მიზნად, შესაბამისად სიუჟეტის ავტორმა ნიკა გაბლიაშვილმა და  საინფორმაციო პროდიუსერმა გიორგი ახალკაცმა დაარღვიეს ქარტიის პირველი (სიზუსტე), მესამე (ფაქტის მიჩქმალვა) და მეთერთმეტე მუხლები (ფაქტის დამახინჯება). საქმის მომზადების ეტაპზე ქარტიის სამდივნომ გაარკვია, რომ ნიკა გაბლიაშვილი არ არის ქარტიის ხელმომწერი და ვინაიდან განცხადება დაგვიანებით შემოვიდა, გასული იყო ხანდაზმულობის ერთ თვიანი ვადა. ქარტიის საქმის წარმოების თანახმად ხანდაზმულობის ვადა ქარტიის წევრების მიმართ სამი თვეა, არაწევრების მიმართ კი - ერთი.  შესაბამისად, სადავო მასალაზე პასუხისმგებლად განისაზღვრა პროდიუსერი, გიორგი ახალკაცი. საქმის განხილვისას გიორგი ახალკაცმა განაცხადა, რომ სიუჟეტის მომზადებისა და ეთერში გასვლისას ის არ ასრულებდა პროდიუსერის მოვალეობას, არ იმყოფებოდა სამსახურში, აქედან გამომდინარე ვერ აიღებდა პასუხისმგებლობას ამ მასალაზე. საბჭომ დაავალა სამდივნოს განმცხადებელთან შემდგომი კომუნიკაცია მოპასუხე ჟურნალისტის განსაზღვრის მიზნით. იმ შემთხვევაში, თუ გაირკვევა, რომ პროდიუსერის მოვალეობას ასრულებდა ქარტიის არაწევრი ჟურნალისტი, საბჭო ამ საქმეს აღარ განიხილავს