საქართველოს ჟურნალისტური ეთიკის ქარტიის საბჭომ ტელეკომპანია "რუსთავი 2-ის" გადაცემა "პროფილთან" დაკავშირებით გადაწყვეტილების მიღება გადადო. განმცხადებელი, გიორგი ყიფიანი მიიჩნევდა, რომ "პროფილში", რომელიც სუიციდის თემას ეძღვნებოდა, დაირღვა ქარტიის პირველი (სიზუსტე), მე-8 (ბავშვთა უფლებების დაცვა) და მე-10 (პირადი ცხოვრების ხელშეუხებლობა).

საბჭომ საქმე 27 თებერვალს შეისწავლა. განხილვას მხოლოდ განმცხადებელი ესწრებოდა, გადაცემა "პროფილის" წარმომადგენლებს მონაწილეობა არ მიუღიათ. მხარის გამოკითხვის შემდეგ საბჭომ იმსჯელა და მიიჩნია, რომ გადაწყვეტილების მისაღებად საჭიროა დამატებითი ინფორმაცია, საერთაშორისო პრაქტიკის შესწავალ და დეტალების დაზუსტება. შესაბამისად, გადაწყვეტილებაც მოგვიანებით გახდება ცნობილი.