საქართველოს ჟურნალისტური ეთიკის ქარტიის საბჭოს გადაწყვეტილებით, ონლაინ გამოცემა news.ge-ის სტატიაში "ენერგომაფიის დაბრუნება" – ანონიმური წერილი "თელასიდან" და ახალი ბრალდებები მოსამართლე ურთმელიძის წინააღდეგ" დაირღვა პირველი პრინციპი, რომლის თანახმადაც "ჟურნალისტმა პატივი უნდა სცეს სიმართლეს და საზოგადოების უფლებას – მიიღოს ზუსტი ინფორმაცია". საბჭომ განცხადება 19 დეკემბერს განიხილა. საქმის განხილვას მხოლოდ გამცხადებელი, სს თელასის წარმომადგენელი ესწრებოდა. news.ge-მ კი თავისი პოზიცია წერილობით დააფიქსირა.