საქართველოს ჟურნალისტური ეთიკის ქარტიის საბჭოს გადაწყვეტილებით გაზეთ "ასავალ- დასავალის" ჟურნალისტმა ჯაბა ხუბუამ დაარღვია ეთიკის ქარტიის პირველი და მეთერთმეტე პრინციპი. პირველი პრინციპი ჟურნალისტს მის მიერ გავრცელებული ინფორმაციის სიზუსტეს ავალდებულებს, ხოლო მეთერთმეტე პრინციპის პირველი ნაწილი ამბობს, რომ ჟურნალისტმა უმძიმეს პროფესიულ დანაშაულად უნდა მიიჩნიოს ფაქტის განზრახ დამახინჯება.

განმცხადებელი, კვლევითი კომპანია "CRRC - საქართველო" მიიჩნევდა, რომ გაზეთ "ასავალ დასავალის" 2015 წლის 26.10- 1.11 ნომერში გამოქვეყნებული მასალით "იცნობდეთ გამყალბებლებს" (გვ12) დაირღვა ჟურნალისტური ეთიკის ქარტიის პირველი, მესამე და მეთერთმეტე პრინციპი. საბჭომ საქმე განიხილა 2015 წლის 8 ნოემბერს და გადაწყვიტა, რომ განცხადებაში მითითებული პრინციპებიდან დაირღვა მხოლოდ ორი - პირველი და მეთერთმეტე პრინციპი. [gallery size="medium" columns="2" ids="4834,4831,4830,4835"]