ქარტიის საბჭომ დასაშვებად ცნო "პარტნიორობა ადამიანის უფლებებისთვის განცხადება" ტელეკომპანია "იმედის" წამყვანის, გია ჯაჯანიძისა და გადაცემა "სხვა რაკურსის" პროდიუსერის, მაია სტეფნაძის წინააღმდეგ. განმცხადებელი მიიჩნევს, რომ ტელეკომპანიის ეთერში გასული ერთ-ერთი გადაცემით, რომელიც ბავშვზე ძალადობას ეხებოდა, წამყვანმა და პროდიუსერმა დაარღვიეს ქარტიის მე-7, მე-8 და მე-10 მუხლები. "პარტნიორობა ადამიანის უფლებებისთვის" განცხადება ქვეყნდება დაშტრიხული სახით. ინფორმაცია საბჭოს სხდომის შესახებ გამოქვეყნდება ქარტიის ვებგვერდზე.