2014 წლის 30 ნოემბერს დასრულდა საკონკურსო ნამუშევრების მიღება "ქარტიის პრიზზე" სულ შემოსულია 43 ნამუშევარი, რომლის განხილვასაც "ქარტიის პრიზის" ჟიური უახლოეს დღეებში დაიწყებს. ჟურნალისტური ეთიკის ქარტიის ყოველწლიურ კონკურსზე წელს გამოცხადებული იყო 4 ნომინაცია:

• საუკეთესო სატელევიზიო რეპორტაჟი
• საუკეთესო რადიო რეპორტაჟი
• საუკეთესო სტატია ან ნარკვევი ბეჭდურ ან ონლაინ მედიაში
• საუკეთესო სიღრმისეული ნამუშევარი ბავშვთა საკითხებზე

მთავარი კრიტერიუმებია ჟურნალისტური პროდუქტის მომზადების პროფესიული ხარისხი და ეთიკური სტანდარტები. კონკურსში მონაწილეობის მისაღებად ნამუშევრების წარდგენა შეეძლო ნებისმიერ მედიასაშუალებას ან ჟურნალისტს. საკონკურსო ნამუშევარი გამოქვეყნებული უნდა ყოფილიყო 2014 წლის 1 იანვრიდან 2014 წლის 30 ნოემბრამდე პერიოდში. 2014 წლის "ქარტიის პრიზის" გამარჯვებულთა გამოვლენა და დაჯილდოება შედგება 2014 წლის 21 დეკემბერს, ქარტიის საერთო კრების დასრულების შემდეგ.

პრიზის ძირითადი მხარდამჭერია "IREX-ის M-TAG პროგრამა".

ხოლო პრიზი ბავშვთა საკითხების გაშუქებაზე დაწესებულია გაეროს ბავშვთა ფონდის მიერ.