28.07.2014
27 ივლისს, ქარტიის საბჭომ განიხილა განმცხადებელთა ჯგუფის განცხადება ნიკა ლაშაურის (ჟურნალი "თბილისელები") წინააღმდეგ. საბჭოს შეფასებით, ინტერვიუში, სახელწოდებით "წვერულვაშიანი ქალის სიყვარულის გამო ღვიძლმა ძმებმა ერთმანეთი დახოცეს", დაირღვა ქარტიის მე_7 პრინციპი, რომლის თანახმად: "ჟურნალისტს უნდა ესმოდეს მედიის მიერ დისკრიმინაციის წახალისების საფრთხე; ამიტომ ყველაფერი უნდა იღონოს ნებისმიერი პირის დისკრიმინაციის თავიდან ასაცილებლად რასის, სქესის, სექსუალური ორიენტაციის, ენის, რელიგიის, პოლიტიკური და სხვა შეხედულებების, ეროვნული ან სოციალური წარმოშობის საფუძველზე ან რაიმე სხვა ნიშნით".
იმავე დღეს
საბჭომ განიხილა განმცხადებელ მაია ჯაშის განცხადება სულხან
მესხიძის, რუსლან დავითაძის და მირიან ურუშაძის (ტელეკომპანია 25_ე
არხი) წინააღმდეგ. აღნიშნულ საქმესთან დაკავშირებთ საბჭომ მიიჩნია,
რომ ჟურნალისტების მხრიდან დაირღვა ქარტიის მე-10 პრინციპი:
"ჟურნალისტმა პატივი უნდა სცეს ადამიანის პირად ცხოვრებას და
არ შეიჭრას პირად ცხოვრებაში, თუ არ არსებობს განსაკუთრებული
საზოგადოებრივი ინტერესი." გადაწყვეტილებების სამოტივაციო
ნაწილი გამოქვეყნდება ქარტიის ვებგვერდზე.
