საქართველოს ჟურნალისტური ეთიკის ქარტიის სამდივნომ დასაშვებად ცნო „პარტნიორობა ადამიანის უფლებებისათვის“ განცხადება ნატა ტაბიძის წინააღმდეგ. სადავო სიუჟეტი ტელეკომპანია იმედის ეთერში, გადაცემა „იმედის დილაში“, 2017 წლის 14 ივნისს გავიდა. სიუჟეტი ბავშვის თვითმკვლელობის ფაქტს აღწერს, გადაცემის თემა კი ბულინგს ეხებოდა.

განმცხადებელი მიიჩნევს, რომ ჟურნალისტის მხრიდან ადგილი აქვს ქარტიის პირველი (ინფორმაციის სიზუსტე), მესამე (ფაქტის მიჩქმალვა) და მერვე (ბავშვთა უფლებები) პრინციპების დარღვევას.

ქარტიის საბჭო განცხადებას ღია სხდომაზე განიხილავს, სადაც დასწრება ნებისმიერ მსურველს შეუძლია.