30 სექტემბერს 13:00 საათზე საქართველოს ჟურნალისტური ეთიკის ქარტიის საბჭო ხობში განიხილავს ამავე მუნიციპალიტეტის N2 საჯარო სკოლის დირექტორის, ნანა ქვარაიას განცხადება გაზეთ "ასავალ-დასავალის" ჟურნალისტის, დიტო ჩუბინიძის წინააღმდეგ.

სადავო გახდა გაზეთის მიერ გამოქვეყნებული ორი მასალა - 2017 წლის №32-ში გამოქვეყნებული სტატია “ეს მოხდა ხობის №2 ე.წ. მომავლის სკოლაში, რომელიც თავის დროზე სააკაშვილმა გახსნა“ და ამავე გაზეთის №33 გამოქვეყნებული სტატია „ხობის #2 სკოლაში ლგბტ კლიპთან დაკავშირებული სკანდალი გრძელდება“. სტატიები ეძღვნებოდა ხობის №2 საჯარო სკოლის მოსწავლეების მიერ შექმნილ ვიდეოს. განმცხადებლის აზრით, დარღვეულია ქარტიის შემდეგი პრინციპები - 1 (სიზუსტე), 3 (დადასტურებული წყარო), 4 (ინფორმაციის მოპოვების კეთილსინდისიერება), 7 (დისკრიმინაცია), 8 (ბავშვის ინტერესები) დასწრება ყველა მსურველს შეეძლება. მისამართი: ხობი, ცოტნე დადიანის 168