საქართველოს ჟურნალისტური ეთიკის ქარტიის საბჭოს გადაწყვეტილებით, ტელეკომპანია "რუსთავი 2-ის" ჟურნალისტმა, დავით დვალიშვილმა ქარტიის მეშვიდე  პრინციპი დაარღვია, რომელიც ჟურნალისტს ავალდებულებს ხელი არ შეუწყოს რაიმე ნიშნით დისკრიმინაციას. 

დავით დვალიშვილის წინააღმდეგ ქარტიამ აიდან იუსუბოვამ მიმართა. ის მიიჩნევდა, რომ ეთიკური პრინციპი დაირღვა საინფორმაციო გამოშვება "კურიერში" 3 მარტს გასულ სიუჟეტში. მასალა ეხებოდა ქვემო ფონიჭალაში ჩატარებულ სპეცოპერაციას ნარკოტიკების რეალიზების ბრალდებით პირების დასაკავებლად, რა დროსაც ჟურნალისტმა ჩართვისას დაასახელა დაკავებულთა ეთნიკური წარმომავლობა.

ქარტიის საბჭოს გადაწყვეტილების დასაბუთებული ნაწილი მოგვიანებით გამოქვეყნდება.