საქართველოს ჟურნალისტური ეთიკის ქარტიის საბჭომ დასაშვებად სცნო ასოციაცია "ჰერა XXI-ს" განცხადება ტელეკომპანია "მაესტროს" ჟურნალისტების, მაგდა ანიკაშვილის, თორნიკე კვერენჩხილაძის და ირაკლი მაისურაძის წინააღმდეგ. სადავო გახდა 2019 წლის 3 აპრილს გასული გადაცემა ორსულობის ხელოვნური შეწყვეტის შესახებ. განმცხადებელი მიიჩნევს, რომ გადაცემამ სათაურით - ,,აბორტი როგორც განაჩენი“, " წარმატებით მოახდინა ქალების დისკრიმინაცია, მათი უფლებების უგულვებელყოფა და სიძულვილის ენის წახალისება საზოგადოებაში."

შესაბამისად განმცხადებლის აზრით, დარღვეულია ქარტიის შემდეგი პრინციპები: პირველი (სიზუსტე), მესამე (დადასტურებული წყარო), მეხუთე (შესწორება) და მეშვიდე (დისკრიმინაცია).

ქარტიის საბჭო განხილვის შემდეგ გადაწყვეტს მართლაც დაირღვა თუ არა აღნიშნული პრინციპები.

იხილეთ განცხადება

სადავო მასალა