საქართველოს ჟურნალისტური ეთიკის ქარტიის საბჭო 31 აგვისტოს 1 საქმეს ონლაინ განიხილავს:
18:00 საათზე - ენკა რინიუებლზ ტელეკომპანია „პირველის" ჟურნალისტის მაია სტეფნაძის წინააღმდეგ
სადავო გადაცემა - „ხალხი ხალხისთვის მაია სტეფნაძესთან ერთად“, ტელეკომპანია „პირველის" ეთერში 2021 წლის 07 მარტს გავიდა და ნამახვანი ჰესის მშენებლობას ეხებოდა.
განმცხადებლის განმარტებით, ჟურნალისტმა არაერთხელ გააჟღერა ცრუ და გადაუმოწმებელი ინფორმაცია, რაც საზოგადოების შეცდომაში შემყვანია. განმცხადებლის თქმით, მაია სტეფნაძემ ასევე დისკრიმინაციული ენის გამოყენებით ხელი შეუწყო ქსენოფობიური შეხედულებების გავრცელებას საზოგადოებაში.
განმცხადებელი თვლის, რომ დარღვეულია ქარტიის პირველი (ინფორმაციის სიზუსტე) და მეშვიდე (დისკრიმინაცია) პრინციპი.
სხდომა გაიმართება ონლაინ, პროგრამა Zoom-ის მეშვეობით. სხდომაზე დასწრების მსურველებმა შეგიძლიათ მოთხოვნა გამოაგზავნოთ ელექტრონულ ფოსტაზე - ethicscharter@gmail.com
საქმის განხილვა ღიაა და ნებისმიერ მსურველს შეუძლია დასწრება.
