29.12.2024
28 დეკემბერს ქარტიის ყოველწლიური, რიგით მეთექვსმეტე საერთო
კრება გაიმართა. საერთო კრებაზე წევრების წინაშე ანგარიშებით წარდგნენ
ქარტიის საბჭოს თავმჯდომარე ნანა ბიგანიშვილი, სარევიზიო
კომისიის თავმჯდომარე ნინო შუბითიძე და ქარტიის აღმასრულებელი
დირექტორი ლია ჩახუნაშვილი.
საერთო კრებაზე გამოვლინდნენ ქარტიის პრიზის 2024 წლის
გამარჯვებულებიც.
საერთო კრებაზე საქართველოს ჟურნალისტური ეთიკის ქარტიის წევრებმა ქარტიის საბჭოს სამი ახალი წევრი აირჩიეს.
საბჭოს წევრები გახდნენ:
- თბილისის კვოტით - ნინო გელაშვილი („მითების დეტექტორი“ და mediameter.ge)
- რეგიონების კვოტით - თიკო დავაძე („რადიო მარნეული“), ირაკლი მსხილაძე ("აჭარის საზოგადოებრივი მაუწყებელი" )
ქარტიის საბჭოში სულ 9 წევრია, 6 წევრი რეგიონულ მედიას
წარმოადგენს, 3 კი - თბილისს. საბჭო საკუთარი განცხადებით დატოვა გელა
მთივლიშვილმა, რომელიც თინათინ ზაზაძემ შეცვალა. მანანა ქველიაშვილს,
თინათინ ზაზაძეს როგორც ირმა ზოიძის ადგილმონაცვლეს და ხატია
ღოღობერიძეს საბჭოს წევრად ყოფნის ვადა ამოეწურათ.
საბჭოს ახალი შემადგენლობა ასეთია:
- ნანა ბიგანიშვილი
- ნინო რამიშვილი
- ნინო გელაშვილი
- საბა წიწიკაშვილი
- ვლადიმერ ჩხიტუნიძე
- ნინო კაპანაძე
- თინათინ ზაზაძე
- თიკო დავაძე
- ირაკლი მსხილაძე
