საქართველოს ჟურნალისტური ეთიკის ქარტიის საბჭო 02 სექტემბერს 1 საქმეს ონლაინ განიხილავს:

18:00 საათზე - ლაშა ჯანიბეგაშვილი გურამ როგავას და ლუკა ხაჩიძის წინააღმდეგ

სადავო სიუჟეტი - „ძალადობის მსხვერპლი ქალი ადვოკატის მხრიდან სექსუალური შევიწროების მსხვერპლი გახდა - იურისტი ომბუდსმენის აპარატმაც ამხილა”, ტელეკომპანია „რუსთავი 2"-ის ეთერში 2021 წლის 06 თებერვალს გავიდა. 

განმცხადებლის განმარტებით, სიუჟეტში გადმოცემული ინფორმაცია მის მიმართ სექსუალური შევიწროების ბრალდების შესახებ სიმართლეს არ შეესაბამება და საზოგადოების შეცდომაში შემყვანია. მხარე თვლის, რომ ჟურნალისტური პროდუქტი ზიანს აყენებს მის საქმიან რეპუტაციას. ასევე, განმცხადებლის თქმით, ჟურნალისტებმა არ გამოაქვეყნეს მისი პოზიცია და გაასაჯაროვეს პერსონალური ინფორმაცია.

განმცხადებელი თვლის, რომ დარღვეულია ქარტიის პირველი (ინფორმაციის სიზუსტე), მეოთხე (ინფორმაციის მოპოვების კეთილსინდისიერი მეთოდები) და მეთერთმეტე (ფაქტის განზრახ დამახინჯება) პრინციპი.

სხდომა გაიმართება ონლაინ, პროგრამა Zoom-ის მეშვეობით. სხდომაზე დასწრების მსურველებმა შეგიძლიათ მოთხოვნა გამოაგზავნოთ ელექტრონულ ფოსტაზე - ethicscharter@gmail.com

საქმის განხილვა ღიაა და ნებისმიერ მსურველს შეუძლია დასწრება.