საქართველოს ჟურნალისტური ეთიკის ქარტიის სამდივნომ „TV პირველის” ჟურნალისტის მარიამ გაფრინდაშვილის წინააღმდეგ განცხადება დასაშვებად ცნო, განმცხადებელია ორგანიზაცია - ქალები საერთო მომავლისათვის (WECF) - საქართველო. 

სადავო მასალა ეთერში 2024 წლის 2 მარტს გავიდა.

განმცხადებლის პოზიციით, ჟურნალისტმა ფემიციდის შემთხვევა არაეთიკურად გააშუქა. 

განმცხადებელი დავობს ქარტიის მეშვიდე (დისკრიმინაცია) პრინციპის დარღვევაზე. 

ქარტიის საბჭო განცხადებებს ღია სხდომაზე განიხილავს და გადაწყვეტს დაირღვა თუ არა ქარტიის პრინციპი.

საქართველოს ჟურნალისტური ეთიკის ქარტია აცხადებს ვაკანსიას დონორის დაფინანსებული პროექტის კოორდინატორის პოზიციაზე

სამუშაო დატვირთვა: სრული განაკვეთი.

საქართველოს ჟურნალისტური ეთიკის  ქარტია ჟურნალისტთა თვითრეგულირების ორგანოა. ის პროფესიული და ეთიკური სტანდარტების დანერგვით ხელს უწყობს მედიის საზოგადოებრივი პასუხისმგებლობის ამაღლებას.

ძირითადი მოვალეობები

• პროექტის მენეჯერის ხელმძღვანელობით დაგეგმოს  და განახორციელოს პროექტით გათვალისწინებული აქტივობები, მათ შორის, იზრუნოს ადმინისტრაციულ და ლოჯისტიკურ საკითხებზე.
• კოორდინაციაში იყოს დონორთან.
• მოამზადოს ანგარიშები დონორისათვის ინგლისურ ენაზე.
• განახორციელოს სხვა აქტივობები, გამომდინარე ორგანიზაციული საჭიროებებიდან.

საკვალიფიკაციო მოთხოვნები

• უნდა ჰქონდეს უმაღლესი განათლება ჟურნალისტიკაში ან მომიჯნავე დისციპლინაში, სასურველია მაგისტრის ხარისხი.
• მაღალ დონეზე უნდა ფლობდეს ინგლისურ ენას, უნდა შეეძლოს როგორც გამართულად საუბარი, ისე წერა.
• უნდა შეეძლოს საოფისე პროგრამებში, მათ შორის, ექსელში, მუშაობა.
• უნდა ჰქონდეს კვლევის კარგი უნარები.
• უნდა იყოს მოწესრიგებული და პუნქტუალური.
• უნდა შეეძლოს გუნდურად მუშაობა.

ანაზღაურება მინიმუმ $800 დარიცხული.

დაინტერესებულმა პირებმა 2024 წლის 15 მარტამდე გამოგზავნეთ CV და სამოტივაციო წერილი შემდეგ მისამართზე ethicscharter@gmail.com

ელექტრონული წერილის სათაურის ველში (Subject) მიუთითეთ ვაკანსიის დასახელება.

საქართველოს ჟურნალისტური ეთიკის ქარტიის საბჭო 9 მარტს 1 საქმეს ონლაინ განიხილავს: 

19:00 საათი: ქალები საერთო მომავლისათვის (WECF) - საქართველო ტელეკომპანია „იმედის" ჟურნალისტის გიორგი აბაზაძის წინააღმდეგ

სადავო მასალა ეთერში გავიდა 2024 წლის 27 თებერვალს. 

განმცხადებლის პოზიციით, ჟურნალისტმა ხელი შეუწყო ლგბტქი ადამიანების მიმართ დისკრიმინაციის წახალისებას და გამოიყენა არაეთიკური, არასწორი ტერმინები. 

განმცხადებელი დავობს ქარტიის მეშვიდე (დისკრიმინაცია) პრინციპის დარღვევაზე. 

სხდომას შეგიძლიათ შემოუერთდეთ ონლაინ პროგრამა Zoom-ის მეშვეობით. 

სხდომაზე ონლაინ დასწრების მსურველებმა შეგიძლიათ მოთხოვნა გამოაგზავნოთ ელექტრონულ ფოსტაზე - ethicscharter@gmail.com 

საქმის  განხილვა ღიაა და ნებისმიერ მსურველს შეუძლია დასწრება.

საქართველოს ჟურნალისტური ეთიკის ქარტია აცხადებს ვაკანსიას გრაფიკული დიზაინერის პოზიციაზე ონლაინ პლატფორმისთვის „მედიაჩეკერი. 

სამუშაო დატვირთვა: პროექტების მიხედვით. 

საქართველოს ჟურნალისტური ეთიკის  ქარტია ჟურნალისტთა თვითრეგულირების ორგანოა. ის პროფესიული და ეთიკური სტანდარტების დანერგვით ხელს უწყობს მედიის საზოგადოებრივი პასუხისმგებლობის ამაღლებას. „მედიაჩეკერი“ ქარტიის ონლაინ პლატფორმაა, რომლის გამოყენებითაც ორგანიზაცია ქმნის სადისკუსიო სივრცეს პროფესიული საკითხების განსახილველად, მედიის საქმიანობისა და მედია პროდუქტების კრიტიკული თვალით შესაფასებლად და მიმდინარე ტენდენციების ანალიზისთვის.  

ძირითადი მოვალეობები 

• „მედიაჩეკერის“ რედაქტორის ხელმძღვანელობით მოამზადოს ინფოგრაფიკა და  ილუსტრაციები „მედიაჩეკერზე“ გამოსაქვეყნებელი მასალებისათვის, ასევე პოსტერები, ქარდები და სხვა მსგავსი მასალები „მედიაჩეკერის“ სოციალურ გვერდებზე განსათავსებლად. 

საკვალიფიკაციო მოთხოვნები

• უნდა ჰქონდეს გრაფიკული დიზაინერის როლში მედიასთან თანამშრომლობის მინიმუმ სამწლიანი გამოცდილება.
• უნდა იყოს კრეატიული.
• კარგად  უნდა მუშაობდეს  კომპიუტერულ პროგრამებში Adobe After Effects, Adobe Premiere, Adobe Photoshop, Adobe Illustrator, Adobe InDesign.  

ანაზღაურება შეთანხმებით.

დაინტერესებულმა პირებმა 2024 წლის 11 მარტამდე გამოგზავნეთ CV და სამოტივაციო წერილი შემდეგ მისამართზე ethicscharter@gmail.com 

ელექტრონული წერილის სათაურის ველში (Subject) მიუთითეთ ვაკანსიის დასახელება.

საქართველოს ჟურნალისტური ეთიკის ქარტია აცხადებს ვაკანსიას ჟურნალისტის პოზიციაზე ონლაინ პლატფორმისთვის „მედიაჩეკერი”. 

სამუშაო დატვირთვა: პროექტების მიხედვით. 

საქართველოს ჟურნალისტური ეთიკის  ქარტია ჟურნალისტთა თვითრეგულირების ორგანოა. ის პროფესიული და ეთიკური სტანდარტების დანერგვით ხელს უწყობს მედიის საზოგადოებრივი პასუხისმგებლობის ამაღლებას. „მედიაჩეკერი“ ქარტიის ონლაინ პლატფორმაა, რომლის გამოყენებითაც ორგანიზაცია ქმნის სადისკუსიო სივრცეს პროფესიული საკითხების განსახილველად, მედიის საქმიანობისა და მედია პროდუქტების კრიტიკული თვალით შესაფასებლად და მიმდინარე ტენდენციების ანალიზისთვის.  

ძირითადი მოვალეობები 

• „მედიაჩეკერის“ რედაქტორის ხელმძღვანელობით შეაგროვოს ინფორმაცია და მოამზადოს ახალი ამბები და ანალიტიკური მასალები ტექსტურ, აუდიო და ვიდეო ფორმატში. 

საკვალიფიკაციო მოთხოვნები

• უნდა ჰქონდეს ჟურნალისტად მუშაობის მინიმუმ სამწლიანი გამოცდილება.
• უნდა ჰქონდეს უმაღლესი განათლება ჟურნალისტიკაში ან მომიჯნავე სფეროში. 
• უნდა იცოდეს ფოტოს და ვიდეოს გადაღება, ფოტო, აუდიო და ვიდეო ფაილების მონტაჟი. 
• უნდა ჰქონდეს კვლევის კარგი უნარები და წერდეს კარგად.
• უნდა იცნობდეს სოციალური მედიის პლატფორმებისთვის კონტენტის წარმოების სპეციფიკას.  
• კარგად  უნდა იცნობდეს საქართველოს მედია გარემოს და ჰქონდეს კარგი კონტაქტები ჟურნალისტურ თემში. 

ანაზღაურება შეთანხმებით.

დაინტერესებულმა პირებმა 2024 წლის 11 მარტამდე გამოგზავნეთ CV და სამოტივაციო წერილი შემდეგ მისამართზე ethicscharter@gmail.com

ელექტრონული წერილის სათაურის ველში (Subject) მიუთითეთ ვაკანსიის დასახელება.

საქართველოს ჟურნალისტური ეთიკის ქარტიის სამდივნომ „მთავარი არხის” ჟურნალისტის წინააღმდეგ განცხადება დასაშვებად ცნო, განმცხადებელია თოზუ გულმამედოვა. 

სადავო მასალა 2024 წლის 2 მარტს გამოქვეყნდა.

განმცხადებლის პოზიციით, მასალის მიხედვით შესაძლებელია ბავშვის იდენტიფიცირება. ამასთან, განმცხადებელი მიიჩნევს, რომ ჟურნალისტმა წაახალისა დისკრიმინაცია. 

განმცხადებელი დავობს ქარტიის მეშვიდე (დისკრიმინაცია) და მერვე (ბავშვთა უფლებები) პრინციპის დარღვევაზე. 

ქარტიის საბჭო განცხადებებს ღია სხდომაზე განიხილავს და გადაწყვეტს დაირღვა თუ არა ქარტიის პრინციპები.

საქართველოს ჟურნალისტური ეთიკის ქარტიის საბჭოს გადაწყვეტილებით, „TV მონიტორინგის” ჟურნალისტმა შოთა სადაღაშვილმა ქარტიის პირველი  (ინფორმაციის სიზუსტე) პრინციპი დაარღვია; „TV პირველის” ჟურნალისტმა გიორგი დვალიშვილმა ქარტიის მერვე (ბავშვთა უფლებები) პრინციპი, ხოლო „TV პირველის” არაიდენტიფიცირებულმა ჟურნალისტმა ქარტიის პირველი და მერვე პრინციპი დაარღვია. 

მის წინააღმდეგ ქარტიას „ააიპ საზოგადოება ბილიკმა” მომართა. სადავო მასალები 2023 წლის 31 ოქტომბერს გავიდა „TV მონიტორინგის” ეთერში, ხოლო 2023 წლის 5 ნოემბერს გავიდა „TV პირველის” ეთერში. 

განმცხადებელი მიიჩნევდა, რომ ჟურნალისტებმა ინფორმაცია არასწორად გააშუქეს და მტკიცებით ფორმაში გაავრცელეს დაუდასტურებელი ფაქტები, ამასთან, არ დაიცვეს ბავშვთა ინტერესი. 

ამასთან, შოთა სადაღაშვილის მიმართ განმცხადებელი დავობდა ქარტიის მერვე პრინციპის დარღვევაზე, მაგრამ საბჭომ დარღვევა არ დაადგინა.

გადაწყვეტილების სამოტივაციო ნაწილი მოგვიანებით გამოქვეყნდება.

სადავო მასალა ეთერში გავიდა 2024 წლის 27 თებერვალს. 

განმცხადებლის პოზიციით, ჟურნალისტმა ხელი შეუწყო ლგბტქი ადამიანების მიმართ დისკრიმინაციის წახალისებას და გამოიყენა არაეთიკური, არასწორი ტერმინები. 

განმცხადებელი დავობს ქარტიის მეშვიდე (დისკრიმინაცია) პრინციპის დარღვევაზე. 

ქარტიის საბჭო განცხადებებს ღია სხდომაზე განიხილავს და გადაწყვეტს დაირღვა თუ არა ქარტიის პრინციპები.

საქართველოს ჟურნალისტური ეთიკის ქარტიის სამდივნომ ტელეკომპანია „ფორმულას” ჟურნალისტების წინააღმდეგ განცხადება დასაშვებად ცნო, განმცხადებელია შპს „ენ პროდუქტი". 

სადავო მასალა 2024 წლის 10 თებერვალს გავიდა ეთერში. 

განმცხადებლის პოზიციით, ჟურნალისტებმა აუდიტორია შეცდომაში შეიყვანეს და მასალაში სუბიექტური შეფასებები გააკეთეს.

განმცხადებელი დავობს ქარტიის პირველი (ინფორმაციის სიზუსტე), მეხუთე (შესწორება) და მეთერთმეტე (ფაქტის განზრახ დამახინჯება) პრინციპის დარღვევაზე. 

ქარტიის საბჭო განცხადებებს ღია სხდომაზე განიხილავს და გადაწყვეტს დაირღვა თუ არა ქარტიის პრინციპები.

ქარტიას მიაჩნია, რომ საქართველოს პარლამენტის თავმჯდომარე შალვა პაპუაშვილი დღეს თავისი კომენტარით ევროკავშირის პრიზზე, მისი ჟიურის წევრებსა და ნომინანტებზე გასცდა ამ თანამდებობისთვის დემოკრატიულ ქვეყანაში განსაზღვრულ მანდატს. მან ცენზორის როლი მოირგო და თავს დაესხა მათ, ვინც ამ ჟურნალისტური კონკურსის ფარგლებში ჟიურისგან, რომელიც პროფესიული თემის გამორჩეული წარმომადგენლებისგან შედგება, მაღალი შეფასება დაიმსახურეს. 

დამოუკიდებელი ჟურნალისტური კონკურსები ძალზე მნიშვნელოვანია ჩვენს ქვეყანაში ჟურნალისტიკის განვითარებისთვის. ამგვარი კონკურსები ქმნის მაღალ სტანდარტს, რომელზეც აქვთ სწორება როგორც პროფესიონალებს ინდუსტრიაში, ისე ჟურნალისტიკის ფაკულტეტის სტუდენტებს. მათ შორის უთუოდ გამორჩეულია ევროკავშირის პრიზი, რომელიც უკვე წლებია, მხარს უჭერს ქართველი ჟურნალისტების ძალისხმევას პროფესიული განვითარების გზაზე. 

ქარტია მადლიერებას გამოთქვამს ყველა იმ დონორის და ორგანიზაციის მიმართ, ვინც ამგვარ ჟურნალისტურ კონკურსებს ატარებს და ხარისხიან ჟურნალისტიკას ახალისებს. მათი წვლილი ქართული ჟურნალისტიკის განვითარებაში ფასდაუდებელია. 

დამოუკიდებელ ჟურნალისტებს, მათ შორის გელა მთივლიშვილს, ქარტიის საბჭოს წევრს, რომელიც დღეს პარლამენტის თავმჯდომარის სამიზნე გახდა, ამგვარი თავდასხმები ვერ შეაჩერებენ.  ისინი გააგრძელებენ მუშაობას, რათა საზოგადოებამდე დროულად მიიტანონ ყველა ის ინფორმაცია, რის მათგან საგულდაგულოდ დაფარვასაც სახელმწიფო მოხელეეები ცდილობენ. 

ქარტია მოუწოდებს ხელისუფლების წარმომადგენლებს, რომ ამგვარი კომენტარების კეთების ნაცვლად იმაზე იზრუნონ, რომ ჟურნალისტებმა შეუფერხებლად და დაბრკოლებების გარეშე მიიღონ ის საჯარო ინფორმაციას, რაც მათ კანონით ეკუთვნით და რაც საქართველოში უკვე, რა ხანია, პრაქტიკულად მიუწვდომელია. 

ხელისუფლების მაღალი რანგის წარმომადგენლები უნდა აცნობიერებდნენ იმას, თუ რა შედეგები შეიძლება მოჰყვეს ჟურნალისტების უსაფრთხოებისთვის მათ საჯაროდ გამოთქმულ, დაუსაბუთებელ ბრალდებებს ჟურნალისტების მიმართ, და შესაბამისი პასუხისმგებლობით იმოქმედონ. 

საქართველოს ჟურნალისტური ეთიკის ქარტია აგრძელებს განაცხადების მიღებას ვაკანსიაზე - მედიაკრიტიკის პლატფორმა mediachecker.ge-ს რედაქტორის პოზიციაზე.

სამუშაო დატვირთვა - სრული განაკვეთი.

ძირითადი მოვალეობები

• ქარტიის საბჭოსთან და მენეჯმენტთან ერთად mediachecker.ge-ს განვითარებაზე ზრუნვა
• ყოველდღიური სარედაქციო საქმიანობის მართვა
• სარედაქციო გუნდის წევრებთან მუშაობა და მათ განვითარებაზე ზრუნვა
• Mediachecker.ge-ისთვის მასალების მომზადება

საკვალიფიკაციო მოთხოვნები

• სასურველია, რომ ჰქონდეს რედაქტორის რანგში პროფესიული გამოცდილება
• ჟურნალისტური კვლევის და წერის გამოცდილება - მინიმუმ 3 წელი
• უმაღლესი განათლება ჟურნალისტიკაში ან მომიჯნავე სპეციალობაში. უპირატესობა მიენიჭებათ მაგისტრის ხარისხის მქონე კანდიდატებს.
• ზედმიწევნით კარგად  უნდა იცნობდეს მედიაგარემოს
• კარგად უნდა ესმოდეს ახალი ტექნოლოგიების როლი მედიაში
• უნდა იყოს გუნდურად მომუშავე ძლიერი ინტერპერსონალური უნარებით
• უნდა ჰქონდეს კვლევის კარგი უნარები
• გამართულად უნდა საუბრობდეს და წერდეს ინგლისურად
• ანაზღაურება შეთანხმებით.

დაინტერესებულმა პირებმა 2024 წლის 24 თებერვლამდე გამოგზავნეთ CV და თქვენი ხედვა იმის თაობაზე, თუ როგორ უნდა უპასუხოს mediachecker.ge-მ ქართული მედიის წინაშე არსებულ გამოწვევებს შემდეგ მისამართზე ethicscharter@gmail.com

ელექტრონული წერილის სათაურის ველში (Subject) მიუთითეთ ვაკანსიის დასახელება.

საქართველოს ჟურნალისტური ეთიკის ქარტიის საბჭო 16 თებერვალს 3 საქმეს განიხილავს: 

18:00 საათი: ააიპ საზოგადოება ბილიკი „TV მონიტორინგის" ჟურნალისტის შოთა სადაღაშვილის და „TV პირველის" არაიდენტიფიცირებული ჟურნალისტის და გიორგი დვალიშვილის წინააღმდეგ

სადავო მასალები 2023 წლის 5 ნოემბერს გავიდა „TV პირველის” ეთერში, სადავო მასალა 2023 წლის 31 ოქტომბერს „TV მონიტორინგის” ეთერში გავიდა. 

განმცხადებლის პოზიციით, ჟურნალისტებმა ინფორმაცია არასწორად გააშუქეს და არ გადაამოწმეს. 

განმცხადებელი ორ მედიაპროდუქტზე დავობს ქარტიის პირველი (ინფორმაციის სიზუსტე) და მერვე (ბავშვთა უფლებები) პრინციპის დარღვევაზე, მესამე მედიაპროდუქტზე ქარტიის მერვე (ბავშვთა უფლებები) პრინციპის დარღვევაზე. 

სხდომა გაიმართება ჰიბრიდულ ფორმატში, სხდომას შეგიძლიათ დაესწროთ ადგილზე: 

მისამართი - ბაქოს ქუჩა N4

სხდომას შეგიძლიათ შემოუერთდეთ ონლაინ პროგრამა Zoom-ის მეშვეობით. 

სხდომაზე ონლაინ დასწრების მსურველებმა შეგიძლიათ მოთხოვნა გამოაგზავნოთ ელექტრონულ ფოსტაზე - ethicscharter@gmail.com 

საქმის  განხილვა ღიაა და ნებისმიერ მსურველს შეუძლია დასწრება.