საქართველოს ჟურნალისტური ეთიკის ქარტიის საბჭო შაბათს, 16 ნოემბერს, შვიდი მედიაპროდუქტის ქარტიის პრინციპებთან შესაბამისობის საკითხს განიხილავს.

11:00 საათზე - მამუკა ყუფარაძის თვითინიცირებული განცხადება. 

მას სურს მისივე გადაცემის: “სადავო კანონი - საუბარი ზაალ ანჯაფარიძესთან - ტელედისკუსია - სტუდია რე” - ეთიკის ნორმებთან შესაბამისობის შემოწმება, რომელიც “სტუდია რე”-ს იუთუბ არხზე 14 ივნისს გამოქვეყნდა. 

განმცხადებელი უთითებს ქარტიის მეოთხე (კეთილსინდისიერება); მეხუთე (შესწორება), მეშვიდე (დისკრიმინაცია) და მე-10 (პირადი ცხოვრების პატივისცემა) პრინციპებზე.

12:00 საათზე - შპს “ევოლუშენ ჯორჯია” “მაუწყებლის” არაიდენტიფიცირებული ჟურნალისტის წინააღმდეგ.

განცხადება ორ სადავო მასალას მოიცავს, რომლებიც “მაუწყებლის”  ფეისბუკ გვერდზე 1 და 2 ივლისს გავრცელდა. 

პირველი სადავო მასალის შემთხვევაში განმცხადებელი დავობს ქარტიის 1 (სიზუსტე), 5 (შესწორება) და 11 (ფაქტის გაზრახ დამახინჯება) პრინციპების დარღვევაზე, ხოლო მეორე სადავო მასალის შემთხვევაში 1 (სიზუსტე), 10 (პირადი ცხოვრების პატივისცემა) და 11 (ფაქტის გაზრახ დამახინჯება) პრინციპებზე.

14:30 საათზე - ნინო შველიძე “იმედის” არაიდენტიფიცირებული ჟურნალისტისა და ქეთი მამრიკიშვილის წინააღმდეგ.

განმცხადებელი ერთი განცხადების ფარგლებში ორ მედიაპროდუქტს ხდის სადაოს. “იმედის” სადავო მასალა მათ საიტზე 2024 წლის 6 სექტემბერს გამოქვეყნდა, ხოლო POSTV-ის შემთხვევაში სადავო მასალა მათ ეთერში 6 სექტემბერს 13:02 საათზე გავიდა.

ორივე შემთხვევაში განმცხადებელი დავობს ქარტიის პირველი (სიზუსტე) და მე-11 (ფაქტის გაზრახ დამახინჯება) პრინციპების დარღვევაზე.

16:00 საათზე - “განვითარებისა და დემოკრატიის ცენტრი” ნატალი ჯახუტაშვილის წინააღმდეგ.

სადავო მასალა  “მთავარი არხის” ეთერში 2024 წლის 4 ოქტომბერს, 21:00 საათიან გამოშვებაში გავიდა, სადაც “განვითარებისა და დემოკრატიის ცენტრი” სამთავრობო ორგანიზაციად, ე.წ. GONGO-დ, არის მოხსენიებული.

განმცხადებელი დავობს ქარტიის პირველი (სიზუსტე) და მესამე (დადასტურებული წყარო) პრინციპების დარღევაზე.

17:00 საათზე - პოლიტიკური მოძრაობა “თავისუფლების მოედანი” მეგი ნარსავიძისა და გივი კუჭავას წინააღმდეგ.

სადავო მასალა “იმედის” ფეისბუქ გვერდზე 2024 წლის 31 ოქტომბერს გამოქვეყნდა. ის ეხება მიმდინარე წლის 26 ოქტომბერს ჩატარებული არჩევნების შესაძლო გაყალბების საკითხს და მასთან დაკავშირებულ მტკიცებულებებს. 

განმცხადებელი დავობს ქარტიის პირველი (სიზუსტე); მეხუთე (შესწორება) და მე-11 (ფაქტის განზრახ დამახინჯება) პრინციპების დარღვევაზე. მისი პოზიციით, სიუჟეტი მანიპულაციურად არის დამონტაჟებული, რასაც შეცდომაში შეჰყავს მაყურებელი.

ქარტიის საბჭო განცხადებას განიხილავს და გადაწყვეტს, დაირღვა თუ არა სადავო ჟურნალისტურ პროდუქტში ქარტიის პრინციპები.

სხდომა გაიმართება ქარტიის ოფისში: ბაქოს ქ. #4 და ასევე, ონლაინ რეჟიმში, პლატფორმა ZOOM-ის მეშვეობით. საქმის განხილვა ღიაა და ნებისმიერ მსურველს შეუძლია ჩართვა. ZOOM-ის მონაცემების მისაღებად, მოგვწერეთ მეილზე: ethicscharter@gmail.com

საქართველოს ჟურნალისტური ეთიკის ქარტიის საბჭო 17 ოქტომბერს,  საერთო-სამოქალაქო მოძრაობის „მრავალეროვანი საქართველოს“ განცხადებას, მისი მნიშვნელობიდან გამომდინარე, დაჩქარებული წესით, რიგგარეშე განიხილავს.

19:00 სთ -  საერთო სამოქალაქო მოძრაობა „მრავალეროვანი საქართველო” “POSTV”-ის ჟურნალისტის გურანდა ბილიხოძის წინააღმდეგ.

განცხადება ეხება POSTV-ის ორ მედია პროდუქტს, რომელიც  ოპოზიციონერი პოლიტიკოსის მამუკა ხაზარაძის წარმომავლობის შესახებ მომზადდა და "POSTV - ანალიტიკას" ფეისბუქ გვერზე 11 და 13 ოქტომბერს განთავსდა. 

განმცხადებელი დავობს ქარტიის მე-7 (დისკრიმინაცია) პრინციპის დარღვევაზე. 

მოპასუხე ჟურნალისტად განისაზღვრა “POSTV”-ის ჟურნალისტი გურანდა ბილიხოძე.

ქარტიის საბჭო განცხადებას  განიხილავს და გადაწყვეტს დაირღვა თუ არა სადავო ჟურნალისტურ პროდუქტში ქარტიის პრინციპები.

სხდომა წარიმართება ონლაინ რეჟიმში, პლატფორმა “ZOOM”-ის მეშვეობით. საქმის განხილვა ღიაა და ნებისმიერ მსურველს შეუძლია ჩართვა. მონაცემების მისაღებად, მოგვწერეთ მეილზე: ethicscharter@gmail.com.

საქართველოს ჟურნალისტური ეთიკის ქარტიის საბჭო 22 სექტემბერს, კვირას, 4 განცხადებას განიხილავს:

12:00 სთ - საქართველოს მუსიკოსთა პროფესიული კავშირი თამარ ბაბუაძის წინააღმდეგ.

სადავო მასალა “ინდიგოს” ფეისბუქ გვერდზე 5 აგვისტოს გავრცელდა. 

განმცხადებელი დავობს ქარტიის პირველი (სიზუსტე) პრინციპის დარღვევაზე. 

განმცხადებლის განმარტებით, სადავო მასალაში არ იყო ნახსენები ფესტივალის სათაური და ორგანიზატორი, რითაც მაყურებელს არ მიეწოდა ზუსტი ინფორმაცია.

13:00 სთ - ნენე დალაქიშვილი “იმედის” არაიდენტიფიცირებული ჟურნალისტის წინააღმდეგ.

სადავო მედიაპროდუქტი 24 აგვისტოს “იმედის” ფეისბუქ გვერდზე გამოქვეყნდა “ქარდის” სახით. 

განმცხადებელი დავობს ქარტიის პირველი (სიზუსტე), მე-5 (შესწორება), მე-7 (დისკრიმინაცია) და მე-11 (ფაქტის განზრახ დამახინჯება) პრინციპების დარღვევაზე. 

განმცხადებლის განმარტებით, მცდარია მისი “ნაციონალების აქტივისტად” მოხსენიება, აგრეთვე დამახინჯებულია მისი ფეისბუქ სტატუსის კონტექსტი, რამაც მის მიმართ ნეგატიური კომენტარები გამოიწვია და რაც მკითხველის შეცდომაში შეყვანას ემსახურება.

14:00 სთ - მზია კობერიძე “ტვ მონიტორინგის” არაიდენტიფიცირებული ჟურნალისტის წინააღმდეგ.

სადავო მასალა “ტვ მონიტორინგის” ფეისბუქ და იუთუბ გვერდებზე 13 და 14 აგვისტოს გამოქვეყნდა. ის ეხებოდა “გორმედის” სამშობიაროში 30 წლამდე მშობიარე ქალის გარდაცვალების ფაქტს.

განმცხადებელი დავობს ქარტიის პირველი (სიზუსტე) პრინციპის დარღვევაზე.

მისი განმარტებით, აღნიშნული გადაცემა ემსახურებოდა მხოლოდ "გორმედის" პოზიციის დაფიქსირებას, 30 წლის გარდაცვლილის მშობლების და ახლობლების გაღიზიანებას და საზოგადოების შეცდომაში შეყვანასა და მოტყუებას.

15:30 სთ -ლანჩხუთის მერის წარმომადგენელი იზა მათითაიშვილი “მთავარი არხის” ჟურნალისტების:  ირაკლი ბახტაძის; თეა ვაშალომიძის; რისმაგ ხოზრევანიძეის; მიშა იაშვილისა და “მთავარი არხის” არაიდენტიფიცირებული ჟურნალისტების წინააღმდეგ.

სადავო მასალა 3 მედიაპროდუქტისაგან შედგება, შესაბამისად, აღნიშნული განცხადება 3 საქმედ დაიყო:

1. ”სოციალური სტატუსი იძულებითი შრომის სანაცვლოდ” 27 ივლისი 18:00 სთ.-იანი “მთავარი”

2. ”სოციალური სტატუსი იძულებითი შრომის სანაცვლოდ”  28 ივლისი 12:00 სთ.-იანი “მთავარი”

3.  ”სამსახური იძულებითი შრომის სანაცვლოდ” 6 აგვისტო 21:00 სთ.-იანი “მთავარი”

ეს მედია პროპროდუქტები ეთერში 27 და 28 ივლისსა და 6 აგვისტოს გავიდა და ეხებოდა განმცხადებლის მხრიდან სამსახურებრივი მდგომარეობის შესაძლო ბოროტად, პირადი ინტერესებისთვის, გამოყენებას.

განმცხადებელი დავობს ქარტიის პირველი (სიზუსტე), მე-3 (დადასტურებული წყარო), მე-5 (შესწორება) და მე-11 (ფაქტის განზრახ დამახინჯება) პრინციპების დარღვევაზე. 

განმცხადებლის განმარტებით, ჟურნალისტებს არცერთ მათ მიერ გაშუქებულ ფაქტზე არ უცდიათ ინფორმაციის გადამოწმება და აღნიშნული სიუჟეტები ემსახურებოდა მხოლოდ იზა მათითაიშვილის პატივის, ღირსებისა და რეპუტაციის შელახვას. 

ქარტიის საბჭო განცხადებებს განიხილავს და გადაწყვეტს, დაირღვა თუ არა სადავო ჟურნალისტურ პროდუქტებში ქარტიის პრინციპები.

სხდომა წარიმართება ჰიბრიდულად. საქმის განხილვა ღიაა და ნებისმიერ მსურველს შეუძლია დასწრება: თბილისი, ბაქოს ქ. #4.  ელექტორნულად დასასწრები ბმულის მისაღებად, მოგვწერეთ ქარტიის ოფიციალურ მეილზე: ethicscharter@gmail.com 

საქართველოს ჟურნალისტური ეთიკის ქარტია 27 ივლისს, შაბათს, 3 განცხადებას განიხილავს:

12:00 სთ - ნინა გადელია “ტვ პირველის” ჟურნალისტების თამარ დოლენჯაშვილისა და ნოდარ მელაძის წინააღმდეგ.

სადავო მასალა ეთერში 2024 წლის 30 მარტს გავიდა.

განმცხადებელი დავობს ქარტიის პირველი (სიზუსტე), მე-3 (დადასტურებული წყარო), მე-5 (შესწორება) და მე-11 (ფაქტის განზრახ დამახინჯება) პრინციპების დარღვევაზე.

15:00 სთ - საქართველოს შეზღუდული შესაძლებლობის ქსელი “ტვ იმედის” ჟურნალისტის თამარ შარიქაძის წინააღმდეგ.

სადავო მასალა ეთერში 2024 წლის 5 აპრილს გავიდა.

განმცხადებელი დავობს ქარტიის პირველი, მე-5 (შესწორება) და მე-7 (დისკრიმინაცია) პრინციპების დარღვევაზე.

16:00 სთ - შორენა ლობჟანიძე, ნანა ხომასურიძე და ააიპ ,,ადამიანები ცხოველებისთვის“ თავმჯდომარე, მარინა ბერსენაძე-კაციტაძე, bpn.ge-ის ჟურნალისტის ნინი ქეთელაურის და  ambebi.ge -ს, "კვირის პალიტრას", ,,M2B” -ის  და ჟურნალის ,,გზა" არაიდენტიფიცირებული ჟურნალისტების წინააღმდეგ.

სადავო მასალა 2024 წლის 26 აპრილს გამოქვეყნდა.

განმცხადებლები დავობენ ქარტიის პირველი, მე-3 (დადასტურებული წყარო), მე-5 (შესწორება) და მე-7 (დისკრიმინაცია) პრინციპების დარღვევაზე.

ქარტიის საბჭო განცხადებებს განიხილავს და გადაწყვეტს, დაირღვა თუ არა სადავო ჟურნალისტურ პროდუქტებში ქარტიის პრინციპები.

სხდომა წარიმართება ჰიბრიდულად. საქმის განხილვა ღიაა და ნებისმიერ მსურველს შეუძლია დასწრება: თბილისი, ბაქოს ქ. #4.  ელექტორნულად დასასწრები ლინკის მისაღებად, მოგვწერეთ ქარტიის ოფიციალურ მეილზე: ethicscharter@gmail.com

საქართველოს ჟურნალისტური ეთიკის ქარტია 23 ივნისს, კვირას მოსამართლე მადონა მაისურაძის 2 განცხადებას განიხილავს, რომელთა ფარგლებშიც სადავოდაა გამხდარი 6 მედიაპროდუქტი. 

15:00 სთ - მადონა მაისურაძე “POSTV”-ის ჟურნალისტების წინააღმდეგ. სადავოა “POSTV”-ის ეთერში 2024 წლის 1 აპრილს გასული ორი მედიაპროდუქტი.

16:00 სთ - მადონა მაისურაძე TV “იმედის” ჟურნალისტების წინააღმდეგ. სადავოა “იმედის” ეთერში 31 მარტს, 1 და 4 აპრილს გასული ოთხი მასალა.

მოპასუხე ჟურნალისტებად განისაზღვრნენ: მარიამ ქართველიშვილი, ხატია ქვათაძე, ლევან ჯავახიშვილი, ქეთი ქაშაკაშვილი, ლევან კვატაშიძე, ვარლამ წიკლაური, ქეთი მამრიკიშვილი, ანა შანიძე და ანა აშორდია.

განმცხადებელი, მოსამართლე მადონა მაისურაძე მიიჩნევს, რომ ჟურნალისტებმა მის შესახებ არაზუსტი ინფორმაცია გაავრცელეს, აუდიტორია შეცდომაში შეიყვანეს და ფაქტები განზრახ დაამახინჯეს.  

განმცხადებელი დავობს ქარტიის პირველი (ინფორმაციის სიზუსტე), მესამე (დადასტურებული წყარო) და მეთერთმეტე (ფაქტის განზრახ დამახინჯება) პრინციპის დარღვევაზე. 

ქარტიის საბჭო განცხადებებს  განიხილავს და გადაწყვეტს დაირღვა თუ არა სადავო ჟურნალისტურ მასალებში ქარტიის პრინციპები.

სხდომა წარიმართება ჰიბრიდულად. საქმის განხილვა ღიაა და ნებისმიერ მსურველს შეუძლია დასწრება: თბილისი, ბაქოს ქ. #4.  

საქართველოს ჟურნალისტური ეთიკის ქარტია 9 ივნისს, კვირას, საქართველოს ცენტრალური საარჩევნო კომისიის 2 განცხადებას განიხილავს:

11:00 სთ - საქართველოს ცენტრალური საარჩევნო კომისია TV პირველის ჟურნალისტების (ნოდარ მელაძე, მაკა ჩიხლაძე) წინააღმდეგ.

სადავო მასალა ეთერში 2024 წლის 2 მარტს გავიდა.

განცმხადებლის პოზიციით ეთერში გასულ გადაცემაში „ნოდარ მელაძის შაბათი“ ჟურნალისტებმა არასწორი, გადაუმოწმებელი და მანიპულაციური ინფორმაცია გაავრცელეს. 

განმცხადებელი დავობს ქარტიის პირველი (ინფორმაციის სიზუსტე), მეხუთე (შესწორება), მეშვიდე (დისკრიმინაცია) და მერვე (ბავშვის უფლებების დაცვა) პრინციპის დარღვევაზე. მოპასუხის მხრიდან საქმეზე წარმოდგენილია ნოდარ მელაძის შაბათის გუნდის პოზიცია.

14:00 სთ - საქართველოს ცენტრალური საარჩევნო კომისია მთავარი არხის ჟურნალისტის (ეკა კვესიტაძე) წინააღმდეგ.

სადავო მასალა ეთერში 2024 წლის 2 აპრილს გავიდა.

განმცხადებელი მიუთითებს, რომ გადაცემაში „განსხვავებული აქცენტები“ ჟურნალისტმა ცესკოს თავმჯდომარის შესახებ ინფორმაცია მანიპულაციურად და არასწორად, გადამოწმების გარეშე გააშუქა, ასევე უგულებელყო ბავშვის უფლებების დაცვის პრინციპი.

განმცხადებელი დავობს ქარტიის პირველი (ინფორმაციის სიზუსტე), მეხუთე (შესწორება)  და მერვე (ბავშვის უფლებების დაცვა) პრინციპის დარღვევაზე.

ქარტიის საბჭო განცხადებებს  განიხილავს და გადაწყვეტს დაირღვა თუ არა სადავო ჟურნალისტურ პროდუქტში ქარტიის პრინციპები.

საქართველოს ჟურნალისტური ეთიკის ქარტიის საბჭო 25 მაისს რამდენიმე  საქმეს განიხილავს:

11:00 საათი: WISG და თემიდა ტელეკომპანია “იმედის” ჟურნალისტების საბა ხვიჩიას და ირაკლი ჩიხლაძის წინააღმდეგ 

აღნიშნული ორგანიზაციები „იმედის“ ეთერში სხვადასხვა დროს გასული რამდენიმე მასალის შესახებ დავობენ. განმცხადებლები მიიჩნევენ, რომ „იმედის“ ჟურნალისტებმა    დაარღვიეს ქარტიის პირველი (სიზუსტე); მეშვიდე (დისკრიმინაცია) და მეთერთმეტე (ფაქტის განზრახ დამახინჯება) პრინციპები.

15:00 საათი: იოსებ ლაზარაშვილი ტელეკომპანია “პირველის” ჟურნალისტის საბა სიჭინავას წინააღმდეგ

სადავო მასალა ეთერში გავიდა 2024 წლის 6 მარტს.

განმცხადებლის მოსაზრებით, სიუჟეტში გადმოცემული ინფორმაცია არაზუსტი და გადაუმოწმებელია.

განმცხადებელი დავობს ქარტიის პირველი (სიზუსტე); მესამე (დადასტურებული წყარო); მეხუთე (შესწორება) და მერვე (ბავშვის უფლებები) პრინციპების დარღვევაზე.

საქმის განხილვა ღიაა და ნებისმიერ მსურველს შეუძლია დასწრება.

საქართველოს ჟურნალისტური ეთიკის ქარტიის საბჭო 11 მაისს 4 საქმეს განიხილავს. 

11:30-ზე პაატა ბურჭულაძე POSTV-ს წამყვანების წინააღმდეგ. სადავო მასალა ეთერში 19 მარტს გავიდა, განმცხადებელი დავობს, რომ გადაცემის წამყვანებმა დაარღვიეს ქარტიის 1-ლი, მე-5 და მე-11 პრინციპები.

13:30-ზე დეპუტატი ბექა ოდიშარია “მთავარი არხის” ჟურნალისტების წინააღმდეგ. სადავო სიუჟეტი ეთერში 6 აპრილს გავიდა, განმცხადებელი დავობს, რომ სიუჟეტში დარღვეულია ქარტიის 1-ლი და მე-11 პრინციპები.

15:30-ზე ააიპ საქართველოს კინოინსტიტუტი ტელეკომპანიების “რუსთავი 2”-ის და “იმედის” ჟურნალისტების წინააღმდეგ. განმცხადებელი ორივე მედიის შემთხვევაში დავობს, რომ დაირღვა ქარტიის მე-7 პრინციპი. 

საბჭოს სხდომა ქარტიის ოფისში გაიმართება, მის: თბილისი, ბაქოს ქ. #4. 

საბჭო საქმეებს ღია სხდომაზე განიხილავს და დასწრება თავისუფალია.

საქართველოს ჟურნალისტური ეთიკის ქარტიის საბჭო 30 მარტს 4 საქმეს განიხილავს: 

11:00 საათი: თოზუ გულმამედოვა „მთავარი არხის" ჟურნალისტის ია გულიაშვილის წინააღმდეგ

სადავო მასალა 2024 წლის 2 მარტს გამოქვეყნდა.

განმცხადებლის პოზიციით, მასალის მიხედვით შესაძლებელია ბავშვის იდენტიფიცირება. ამასთან, განმცხადებელი მიიჩნევს, რომ ჟურნალისტმა წაახალისა დისკრიმინაცია. 

განმცხადებელი დავობს ქარტიის მეშვიდე (დისკრიმინაცია) და მერვე (ბავშვთა უფლებები) პრინციპის დარღვევაზე. 

12:00 საათი: შპს „ენ პროდუქტი" ტელეკომპანია „ფორმულას" ჟურნალისტების დავით ქაშიაშვილის, თამარ ბაღაშვილის და ნუცა ბახუტაშვილის წინააღმდეგ

სადავო მასალა 2024 წლის 10 თებერვალს გავიდა ეთერში. 

განმცხადებლის პოზიციით, ჟურნალისტებმა აუდიტორია შეცდომაში შეიყვანეს და მასალაში სუბიექტური შეფასებები გააკეთეს.

განმცხადებელი დავობს ქარტიის პირველი (ინფორმაციის სიზუსტე), მეხუთე (შესწორება) და მეთერთმეტე (ფაქტის განზრახ დამახინჯება) პრინციპის დარღვევაზე. 

13:00 საათი: თემური ლაჭყეპიანი „ქართული TV"-ს ჟურნალისტის მაკა ბრეგაძის წინააღმდეგ

სადავო მასალა 2023 წლის 15 ოქტომბერს გავიდა ეთერში. 

განმცხადებლების პოზიციით, მასალაში გავრცელდა არასწორი ინფორმაცია, ცრუ ბრალდებები, რომელზეც მას პასუხის გაცემის შესაძლებლობა არ ჰქონია.

განმცხადებელი დავობს ქარტიის პირველი (ინფორმაციის სიზუსტე) და მეხუთე (შესწორება) პრინციპის დარღვევაზე. 

16:00 საათი: ქალები საერთო მომავლისათვის (WECF) - საქართველო „TV პირველის" ჟურნალისტის მარიამ გაფრიდანშვილის წინააღმდეგ 

სადავო მასალა ეთერში 2024 წლის 2 მარტს გავიდა.

განმცხადებლის პოზიციით, ჟურნალისტმა ფემიციდის შემთხვევა არაეთიკურად გააშუქა. 

განმცხადებელი დავობს ქარტიის მეშვიდე (დისკრიმინაცია) პრინციპის დარღვევაზე. 

სხდომა გაიმართება ჰიბრიდულ ფორმატში, სხდომას შეგიძლიათ დაესწროთ ადგილზე: 

მისამართი - ბაქოს ქუჩა N4

სხდომას შეგიძლიათ შემოუერთდეთ ონლაინ პროგრამა Zoom-ის მეშვეობით. 

სხდომაზე ონლაინ დასწრების მსურველებმა შეგიძლიათ მოთხოვნა გამოაგზავნოთ ელექტრონულ ფოსტაზე - ethicscharter@gmail.com 

საქმის  განხილვა ღიაა და ნებისმიერ მსურველს შეუძლია დასწრება.

საქართველოს ჟურნალისტური ეთიკის ქარტიის საბჭო 9 მარტს 1 საქმეს ონლაინ განიხილავს: 

19:00 საათი: ქალები საერთო მომავლისათვის (WECF) - საქართველო ტელეკომპანია „იმედის" ჟურნალისტის გიორგი აბაზაძის წინააღმდეგ

სადავო მასალა ეთერში გავიდა 2024 წლის 27 თებერვალს. 

განმცხადებლის პოზიციით, ჟურნალისტმა ხელი შეუწყო ლგბტქი ადამიანების მიმართ დისკრიმინაციის წახალისებას და გამოიყენა არაეთიკური, არასწორი ტერმინები. 

განმცხადებელი დავობს ქარტიის მეშვიდე (დისკრიმინაცია) პრინციპის დარღვევაზე. 

სხდომას შეგიძლიათ შემოუერთდეთ ონლაინ პროგრამა Zoom-ის მეშვეობით. 

სხდომაზე ონლაინ დასწრების მსურველებმა შეგიძლიათ მოთხოვნა გამოაგზავნოთ ელექტრონულ ფოსტაზე - ethicscharter@gmail.com 

საქმის  განხილვა ღიაა და ნებისმიერ მსურველს შეუძლია დასწრება.