საქართველოს ჟურნალისტური ეთიკის ქარტიის სამდივნომ დასაშვებად სცნო მედიის განვითარების ფონდის (MDF) განცხადება გაზეთ “რეზონანსის” წინააღმდეგ.

განცხადების თანახმად, 17 მაისს, გაზეთ „რეზონანსის“ ბეჭდურ გამოცემასა და ონლაინ პლატფორმაზე გამოქვეყნდა სტატია „ქართულ მიწებს არაბები, ინდოელები ირანელები და თურქები ინაწილებენ“ (ავტორი მარი ჩიტაია). MDF მიიჩნევს, რომ მასალაში დარღვეულია ქარტიის პირველი (სიზუსტე), მესამე (ფაქტების მიჩქმალვა) და მეშვიდე (დისკრიმინაცია) პრინციპები.

“სტატიის შინაარსი ქსენოფობიური ხასიათისაა და დისკრიმინაციის წახალისების საფრთხის მატარებელია. კერძოდ, ჟურნალისტი უცხოელებზე მიწების გასხვისებას საფრთხის კონტექსტში განიხილავს და თან ამას გადაუმოწმებელი და დაუზუსტებელი ინფორმაციის (“გავრცელებული ინფორმაციით”) საფუძველზე აკეთებს”, – აღნიშნულია განცხადებაში.

ქარტიის საბჭოს საქმეს ღია სხდომაზე განიხილავს.

საქართველოს ჟურნალისტური ეთიკის ქარტიის საბჭოს გადაწყვეტილებით ტელეკომპანია “იმედის” საინფორმაციო გადაცემა “ქრონიკის” წამყვანმა ლევან ჯავახიშვილმა ქარტიის პირველი პრინციპი (სიზუსტე) დაარღვია.

განმცხადებელი, პოლიტიკური პარტია “თავისუფალი საქართველო”, სადავოდ ხდიდა სიუჟეტს “რაისიანების საქმე, რომელიც “ქრონიკის” ეთერში 11 აპრილს გავიდა. მასალა ეხებოდა “თავისუფალი საქართველოს” წევრის შვილის დაკავებას და პარტიის ბრიფინგს. განმცხადებელი მიიჩნევდა, რომ როგორც წამყვანის, ლევან ჯავახიშვილის, ისე სიუჟეტის ავტორის, ბელა ზაქაიძის მიერ გადაცემული ინფორმაცია იყო არაზუსტი, შესაბამისად დარღვეული იყო ქარტიის პირველი პრინციპი.

საბჭომ საქმის განხილვის შემდეგ გადაწყვიტა, რომ პირველი პრინციპი დაარღვია ლევან ჯავახისშვილმა, ბელა ზაქაიძესთან მიმართებით კი საბჭოს წევრთა ხმები გაიყო და გადაწყვეტილება ვერ იქნა მიღებული. ქარტიის საქმის წარმოების წესის თანახმად იმისათვის, რომ პრინციპის დარღვევა/არდარღვევა დადგინდეს, აუცილებელია საბჭოს წევრთა მინიმუმ 5 ხმა. განმცხადებელი ასევე დავობდა იმაზეც, რომ როგორც წამყვანმა, ისე ჟურნალისტმა მიჩქმალეს ფაქტები და დაარღვიეს მესამე პრინციპი, თუმცა საბჭოს გადაწყვეტილებით აღნიშნული სტანდარტი დარღვეული არ ყოფილა. “თავისუფალი საქართველო” ასევე ფიქრობდა, რომ ფაქტიც განზრახ იყო დამახინჯებული (მე-11 პრინციპი), რაც წამყვანს არ დაუდგინდა, ჟურნალისტთან დაკავშირებით კი საქმის განხილვის დროს მოხსნა ეს მოთხოვნა. კიდევ ერთი პრინციპი, რომელზეც განცხადებაში იყო საუბარი შეეხება მესამე პრინციპს (შესწორება), თუმცა, ეს მოთხოვნაც განმცხადებელმა მოხსნა საქმის განხილვის პროცესში.

საქართველოს ჟურნალისტური ეთიკის ქარტია აცხადებს ვაკანსიას  მედიამონიტორის პოზიციაზე.

სამუშაოს ხანგრძლივობა: 2017 წლის ივნისი  – ნოემბერი.

ძირითადი მოთხოვნები:

• ჟურნალისტად მუშაობის გამოცდილება;
• მედიამონიტორინგის ჩატარების გამოცდილება ჩაითვლება უპირატესობად;
• რაოდენობრივი და თვისებრივი მონაცემების ანალიზის უნარი;
• ქართული ენის სრულყოფილად ცოდნა;
• საოფისე პროგრამების ცოდნა.

მოვალეობები:

• სატელევიზიო ახალი ამბების გადაცემებზე ყოველდღიური დაკვირვება და  რაოდენობრივი და თვისებრივი მონაცემების შეგროვება;
• მონაცემების დამუშავება და ანალიზი.

კონკურსში მონაწილეობის მსურველმა 2017 წლის 12 ივნისამდე უნდა გამოგზავნოს CV ელექტრონულ მისამართზე ethicscharter@gmail.com. სათაურში მიუთითეთ პოზიციის დასახელება.

ქარტიის საბჭოს განცხადებით მომართა WISG-მ, რომელიც თვლიდა, რომ ტელეკომპანია „იმედის“ ეთერში, გადაცემა „ქრონიკაში“ გასული სიუჟეტით „მორიგი თავდასხმა ტრანსგენდერებზე“ დაირღვა ქარტიის მე-7 (დისკრიმინაცია) და მე-10 (პირადი ცხოვრების ხელშეუხებლობა) პრინციპები, გადაცემა ეხება ტრანსგენდერ ქალებზე თავდასხმას.

განმცხადებელი მიიჩნევდა, რომ სიტყვა „ტრანსგენდერის“ არსებით სახელად გამოყენებით დაირღვა ქარტიის პრინციპები, ვინაიდან სწორია „ტრანსგენდერი ქალი“, „ტრანსგენდერი კაცი“ და არა „ტრანსგენდერები ამბობენ“, „ტრანსგენდერის განცხადება შევიდა“, როგორც ეს ისმოდა სიუჟეტში.

მოპასუხის პოზიციის მიღების შემდეგ საბჭომ განმცხადებელს შესთავაზა მედიაცია, რომელსაც WISG დაეთანხმა. შესაბამისად, განცხადება საქმის წარმოების წესით მიხედვით საბჭოს მიერ განხილული არ იქნა, მედიაციის სრული ტექსტი მოგვიანებით გამოქვეყნდება.

ოთხშაბათს, 31 მაისს საქართველოს ჟურნალისტური ეთიკის ქარტიის საბჭო 2 საქმეს განიხილავს:

19:00 საათი – პოლიტიკური პარტია „თავისუფალი საქართველო“ – ლევან ჯავახიშვილის და ბელა ზაქაიძის წინააღმდეგ

რა არ მოსწონთ ბავშვებს ქართულ მედიაში, რა თემების გაშუქებას ისურვებდნენ და როგორ შეუძლიათ თავად არასრულწლოვნებს ინფორმაციის გავრცელება, ამ საკითხებზე საქართველოს ჟურნალისტური ეთიკის ქარტიამ და გაეროს ბავშვთა ფონდმა (UNICEF)18 მაისს მოსწავლე ახალგაზრდობის სასახლეში არსებული მედია სტუდია “დროს” წევრ ბავშვებთან იმსჯელეს.

ბავშვთა საკითხების ეთიკური გაშუქების შესახებ მიმდინარე პროექტის ფარგლებში საქართველოს ჟურნალისტური ეთიკის ქარტია და გაეროს ბავშვთა ფონდი (UNICEF) აცხადებს კონკურსს მედიასაშუალებებისთვის. შერჩეულ რედაქციებში ჩატარდება პრაქტიკული სემინარი ბავშვთა საკითხების გაშუქების შესახებ.

ჟურნალისტური ეთიკის ქარტია იწვევს ჟურნალისტებს

ტრენინგში მონაწილეობის მისაღებად

რელიგიასთან დაკავშირებული თემების გაშუქება

ორდღიანი ტრენინგი გაიმართება 3-4 ივნისს თბილისში, ქარტიის ოფისში (შიო მღვიმელის 6ბ). ტრენინგში მონაწილეობის მიღება შეუძლიათ ჟურნალისტებს როგორც თბილისიდან, ასევე რეგიონებიდან.

საქართველოს ჟურნალისტური ეთიკის ქარტიის საბჭოს გადაწყვეტილებით, გაზეთ “კახეთის ხმის” რედაქტორს, მაია მამულაშვილსა და ჟურნალისტს, ნიკოლოზ ესიტაშვილს ქარტიის პრინციპები არ დაურღვევიათ.

ქარტიას განცხადებით „მოქალაქე ევროპული განვითარებისთვის“ თავმჯდომარემ, გიორგი მოსიაშვილმა მიმართა. სადავო მასალა, შეტევა ადგილობრივ მედიაზე – თელავის მედია კაფე დაიხურა, 2017 წლის 9 მარტს გამოქვეყნდა. მასალის თანახმად, “თელავის მედია კაფე, სადაც გაზეთ „კახეთის ხმის“ რედაქცია იყო ინტეგრირებული, დაიხურა.” მასალაში დახურვის მიზეზად დასახელებულია ის, რომ “თელავის მერიასთან ორწლიანი მოლაპარაკების მიუხედავად, თვითმმართველმა ერთეულმა რედაქციას აღარ გაუგრძელა იჯარის ხელშეკრულება”. ქარტიაში შემოტანილ განცხადებაში კი გიორგი მოსიაშვილი უთითებდა, რომ რედაქციამ არასწორი ინფორმაცია გაავრცელა, შესაბამისად დარღვეული იყო ქარტიის პირველი პრინციპი (სიზუსტე).

საქმის განხილვას მხოლოდ განმცხადებელი დაესწრო, მოპასუხე ჟურნალისტმა და რედაქტორმა კი საბჭოს კითხვებს სკაიპის მეშვეობით უპასუხეს. გადაწყვეტილების

სამოტივაციო ნაწილი მოგვიანებით გამოქვეყნდება

საქართველოს ჟურნალისტური ეთიკის ქარტიის საბჭოს გადაწყვეტილებით, ინტერნეტ გამოცემა fact2.ge-ს ჟურნალისტმა ბესო მახარაშვილმა ქარტიის პირველი (სიზუსტე) და მესამე (ფაქტების მიჩქმალვა) პრინციპი დაარღვია.

ქარტიას განცხადებით მომართა კომპანია iPlus-მა. ის მიიჩნევდა, რომ ეთიკური პრინციპები დარღვეული იყო Fact2.ge-ს მიერ გამოქვეყნებულ მასალაში სათაურით „IPHONE+“-ის მორიგი დაზარალებული?! ნანიკო ხაზარაძე: არც დამიშვია, რომ შეიძლებოდა, მეორადი ტელეფონი მოეყიდა, მაგრამ… " განმცხადებელი ასევე ფიქრობდა, რომ დარღვეული იყო ქარტიის მეხუთე პრინციპიც, რომელიც ჟურნალისტს არასწორი ინფორმაციის შესწორებას ავალდებულებს. მტკიცებულებების წარმოდგენისთვის საბჭომ IPLUS-ს დამატებითი დრო მისცა.

განმცხადებელმა წარმოადგინა სატელეფონო ჩანაწერი მედიასაშუალებასთან, თუმცა, საბჭომ მიიჩნია, რომ ამით არ დგინდებოდა მეხუთე პრინციპის დარღვევა, შესაბამისად, მხოლოდ პირველი და მესამე პრინციპი მიიჩნია დარღვეულად.

საქართველოს ჟურნალისტური ეთიკის ქარტიის საბჭო 26 აპრილს 19:00 საათზე განიხილავს „მოქალაქე ევროპული განვითარებისთვის“ თავმჯდომარის, გიორგი მოსიაშვილის განცხადებას “კახეთის ხმის” რედაქტორის, მაია მამულაშვილისა და ჟურნალისტის, ნიკოლოზ ესიტაშვილის წინააღმდეგ.