ჟურნალისტური ეთიკის ქარტიის საბჭოს გადაწყვეტილებით ტელეკომპანია "რუსთავი 2-ის" ჟურნალისტებმა ნონა ქვლივიძემ და აკაკი გოგიჩაიშვილმა დაარღვიეს ქარტიის პირველი პრინციპი, რომლის თანახმადაც, ჟურნალისტმა პატივი უნდა სცეს სიმართლეს და საზოგადოების უფლებას – მიიღოს ზუსტი ინფორმაცია.

განმცხადებელი პაატა ლაგვილავა მსადავოდ ხდიდა ტელეკომპანია "რუსთავი 2-ის" ეთერში 2016 წლის 12 მარტს  გადაცემა "ბიზნეს კურიერში" გასულ სიუჟეტს "ნეპოტიზმი სამეგრელოში" და მიიჩნევდა, რომ აღნიშნვალი მასალა არასწორ ინფორმაციას შეიცავდა. პაატა ლაგვილავას მტკიცებით, ნონა ქვლივიძემ და აკაკი გოგიჩაიშვილმა "განზრახ დაამახინჯეს ფაქტები და საზოგადოებას მცდარი ინფორმაციის ნამდვილობაში არწმუნებდნენ". შესაბამისად, განმცხადებლის აზრით, დარღვეულია ქარტიის პირველი (სიზუსტე) და მეთერთმეტე (ფაქტის განზრახ დამახინჯება) პრინციპები, თუმცა, საბჭოს გადაწყვეტილებით, მხოლოდ პირველი პრინციპი დაირღვა.

საქართველოს ჟურნალისტური ეთიკის ქარტიას განცხადებით მომართეს ააიპ "ასოციაცია ატუმ", სს დაზღვევის კომპანია "ქართუმ" და შპს "ჯი სი ეფ პარტნიორებმა". ისინი მიიჩნევენ, რომ ტელეკომპანია "რუსთავი 2-ის" გადაცემა "აქცენტების" წამყვანმა ეკა კვესიტაძემ დაარღვია ქარტიის შემდეგი პრინციპები: პირველი (სიზუსტე), მეხუთე (არაზუსტი ინფორმაციის შესწორება) და მეთერთმეტე (ფაქტის განზრახ დამახინჯება)

სადავო მასალა, "ელიტური კორუფცია",  ეთერში 2016 წლის 8 მაისს გავიდა. განმცხადებლები მიიჩნევენ, რომ ჟურნალისტმა არასწორი ინფორმაცია გაავრცელა, განზრაც დაამახინჯა ფაქტები და შეცდომაში შეიყვანა საზოგადოება. განმცხადებლებს პრეტენზიები აქვთ გადაცემის ანონსთან დაკავშირებითაც.

იხილეთ განცხადებები: ასოციაცია "ატუ" დაზღვევის კომპანია "ქართუ" ჯი სი ეფ პარტნიორები

საქართველოს ჟურნალისტური ეთიკის ქარტიამ მიიღო ტელეკომპანია "იმედის" გენერალური დირექტორის, გიორგი ბახტაძის წარმომადგენელის, აკაკი გიგინეიშვილის წერილი, სადაც ის გამოხატავს თავის პოზიციას  ქარტიის საბჭოს გადაწყვეტილებასთან დაკავშირებით,  საქმეზე, შალვა რამიშვილი გიორგი ბახტაძის წინააღმდეგ. აღნიშნული გადაწყვეტილების თანახმად, გიორგი ბახტაძემ დაარღვია ქარტიის მეორე პრინციპი:  "დაუშვებელია ჟურნალისტის იძულება, პროფესიული საქმიანობისას მოიქცეს ან აზრი გამოხატოს საკუთარი სინდისის წინააღმდეგ"

ქარტიის საბჭომ საქმე "შალვა რამიშვილი გიორგი ბახტაძის წინააღმდეგ" 2016 წლის 08 მაისს განიხილა. განმცხადებელი შალვა რამიშვილი მიიჩნევდა, რომ 2015 წლის დეკემბერში გადაცემა "პოლიტიკაში" მისი ნების საწინააღმდეგოდ გიორგი ბახტაძემ კონკრეტული რესპონდენტების მოწვევა აიძულა.

საქმის განხილვისას გიორგი ბახტაძის ინტერესებს აკაკი გიგინეიშვილი იცავდა. მის მიერ გამოგზავნილი წერილის თანახმად, საბჭომ "ტენდენციური" გადაწყვეტილება მიიღო. წერილში განმცხადებელი  ეხება ქარტიის საბჭოს გადაწყვეტილების როგორც შინაარსობრივ, ისე პროცედურულ საკითხებს. შინაარსობრივ საკითხებთან დაკავშირებით, დაინტერესებულ პირებს შეუძლიათ იხილონ როგორც ქარტიის საბჭოს გადაწყვეტილება, ისე  აკაკი გიგინეიშვილის განცხადება. რაც შეეხება პროცედურულ საკითხებს ქარტიის საბჭოს სამდივნო განმარტავს:

1. შალვა რამიშვილის განცხადების საკითხის დასაშვებობა დადგენილი იქნა სპეციალური წესით და იგი დასაშვებად სცნო საბჭომ.
2. განცხადების დასაშვებად ცნობის შემდეგ, იგი გადაეგზავნა მოპასუხეს. შეტყობინებით საბჭო დაინტერესდა გიორგი ბახტაძის პოზიციით, ცნობილი იყო თუ არა მისთვის მიმოწერის შესახებ. სხდომის გამართვის წინა დღეს მოპასუხემ გვთხოვა, რომ მისთვის გადაგზავნილიყო ჩვენს ხელთ არსებული მიმოწერის ვერსია. არც სხდომამდე და არც სხდომის დროს მოპასუხეს ეჭვქვეშ არ დაუყენებია მიმოწერის ავთენტურობა. ამასთან, საქმის განხილვამდე გიორგი ბახტაძემ საჯარო განცხადებით დაადასტურა მიმოწერის შინაარსი.

საქართველოს ჟურნალისტური ეთიკის ქარტიის საბჭოს გადაწყვეტილებით,  გაზეთ "ქრონიკა +-ის" რედქტორმა, ელისო კილაძემ დაარღვია ქარტიის პირველი პრინციპი, რომლის თანახმადაც, "ჟურნალისტმა პატივი უნდა სცეს სიმართლეს და საზოგადოების უფლებას – მიიღოს ზუსტი ინფორმაცია."

ელისო კილაძის წინააღმდეგ განცხადება ქარტიაში გია გაჩეჩილაძემ (უცნობი) შემოიტანა. ის მიიჩნევდა, რომ გაზეთ "ქრონიკა +-ის" მიერ გამოქვეყნებულ სტატიაში "უცნობი მაესტრო - გია გაჩეჩილაძეს ერთი მილიონი ვანო ჩხარტიშვილმა გადაუხადა?" მოყვანილი ფაქტები სიმართლეს არ შეესაბამებოდა.

ქარტიის საბჭოს მიერ საქმის განხილვას მხოლოდ განმცხადებლის, გია გაჩეჩილაძის წარმომადგენელი ესწრებოდა, ელისო კილაძემ კი საბჭოს წევრთა კითხვებს ტელეფონის საშუალებით უპასუხა.

საქართველოს ჟურნალისტური ეთიკის ქარტიის საბჭოს გადაწყვეტილებით გაზეთ "ასავალ-დასავალის" ჟურნალისტმა ზაზა დავითაიამ დაარღვია  ქარტიის პირველი (ინფორმაციის სიზუსტე) პრინციპი. სადავო მასალა გაზეთში 2016 წლის თებერვალში დაიბეჭდა. განმცხადებლები, მიხეილ ყელბერაშვილი და არჩილ ხაჭაპურიძე მიიჩნევდნენ, რომ ტრისტან წითელაშვილთან ინტერვიუში მათ წინააღმდეგ არაერთი ბრალდება ისმოდა და არასწორ ინფორმაციას შეიცავდა.

განმცხადებლების აზრით, "ასავალ-დასავალის" ჟურნალისტმა ასევე დაარღვია ქარტიის მეოთხე (ინფორმაციის კეთილსიდისიერი მოპოვება) პრინციპი, თუმცა საბჭოს გადაწყვეტილებით, აღნიშნულ პრინციპზე დარღვევა არ დადგინდა.

მიხეილ ყელბერაშვილმა და არჩილ ხაჭაპურიძემ  სხდომის მიმდინარეობისას მოხსნეს მოთხოვნა მესამე (დადასტურებული წყარო, ფაქტების მიჩქმალვა) და მეხუთე ( შესწორება) პრინციპების მიმართ, შესაბამისად, საბჭოს ამ პრინციპებთან დაკავშირებით აღარ უმსჯელია.

საქმის განხილვას მხოლოდ განმცხადებლები დაესწრნენ.

გადაწყვეტილების სამოტივაციო ნაწილი მოგვიანებით გამოქვეყნდება.

საქართველოს ჟურნალისტური ეთიკის ქარტიის გადაწყვეტილებით გაზეთ " ახალი თაობის" რედაქტორმა სოსო გოგინაშვილმა დაარღვია საქართველოს ჟურნალისტური ეთიკის ქარტიის პირველი (სიზუსტე) პრინციპი, გაზეთში გამოქვეყნებული სტატიით: "განგაშის ზარები". მასალა ეძღვნებოდა განათლების სამინისტროს მიერ სკოლებში ახალი საგნის "მე და საზოგადოების" შემოღებას.

განმცხადებელი, შალვა მეკრავიშვილი მიიჩნევდა, რომ გარდა პირველი პრინციპისა, სოსო გოგინაშვილმა დაარღვია ქარტიის მესამე პრინციპიც, რომლის თანახმადაც "ჟურნალისტმა უნდა გადასცეს ინფორმაცია მხოლოდ იმ ფაქტებზე დაყრდნობით, რომელთა წყარო დადასტურებულია". თუმცა, საბჭოს გადაწყვეტილებით, აღნიშნული პრინციპის დარღვევა არ დადგინდა.

სხდომის მიმდინარეობისას განმცხადებელმა მოხსნა მოთხოვნა მეხუთე პრინციპთან (შესწორება) დაკავშირებით და საბჭოს აღარ უმსჯელია ამ პრინციპის შესაძლო დარღვევის შესახებ.

საბჭომ საქმე განიხილა საჯარო სხდომაზე, სადაც მონაწილეობა მხოლოდ განმცხადებელმა მიიღო. "ახალი თაობის" რედაქტორი განხილვას არ დასწრებია.

გადაწყვეტილების სამოტივაციო ნაწილი მოგვიანებით გამოქვეყნდება.

საქართველოს ჟურნალისტური ეთიკის ქარტიას მომართა ირაკლი მანაგაძემ, რომელიც მიიჩნევს, რომ ტელეკომპანია "მაესტროს" მიერ ბიზნესმენ ლევან ვასაძის  და მამა ჯოზაია თრენჰემის გამოსვლის ეთერში გაშვებისას დაირღვა ქარტიის მე-7 (დისკრიმინაცია) და მე-9 პრინციპები, რომლის თანახმადაც, "სარედაქციო მასალები მკვეთრად უნდა გაიმიჯნოს მარკეტინგული, სარეკლამო და სპონსორის მიერ დაფინანსებული მასალებისაგან".

2016 წლის 16 მაისს ტელეკომპანია "მაესტრომ" პირდაპირ ეთერში გადასცა ლევან ვასაძის გამოსვლა მსოფლიო საოჯახო კონგრედიდან. 18 მაისს კი ლევან ვასაძესთან ერთად მამა ჯოზაია თრენჰემის მოხსენება გაუშვა ეთერში. ირაკლი მანაგაძის განცხადების თანახმად,   "1 სთ და 45 წუთის განმავლობაში წახალისებული იყო დიკრიმინაცია, გამოყენებული იყო სიძულვილის ენა ლგბტ მოქალაქეების წინააღმდეგ".

საქმეში მოპასუხედ განისაზღვრა "მაესტროს" დირექტორი ზურაბ ნაყეური.

ჟურნალისტური ეთიკის ქარტიის საბჭო განცხადებას საჯარო სხდომაზე განიხილავს.

ჟურნალისტური ეთიკის ქარტიის  აღმასრულებელი დირექტორი ნატა ძველიშვილი და ქარტიის მედიაკრიტიკის პლატფორმის, mediachecker.ge-ს რედაქტორი სალომე აჩბა მოსწავლე ახალგაზრდობის ეროვნული სასახლის ს

საქართველოს ჟურნალისტური ეთიკის ქარტიის საბჭოს გადაწყვეტილებით ტელეკომპანია "რუსთავი 2-ის" გადაცემა "პროფილის" წამყვანმა მაია ასათიანმა დაარღვია ჟურნალისტური ეთიკის ქარტიის მე-7 (დისკრიმინაცია) და მე-10 მუხლი (პირადი ცხოვრების ხელშეუხებლობა).

განმცხადებელი, "მომავლის სოფელი" მიიჩნევდა, რომ მაია ასათიანმა სადავო გადაცემაში, რომელიც სტალინის თემას ეძღვნებოდა, გარდა ზემოთ აღნიშნული პრინციპისა, დაარღვია ქარტიის პირველი (სიზუსტე) და მესამე (ფაქტების მიჩქმალვა) პრინციპი. თუმცა, საბჭომ მსჯელობის შედეგად არ გაიზიარა განმცხადებლის პოზიცია და გადაწყვიტა, რომ მაია ასათიანს არ დაურღვევია პირველი და მესამე პრინციპი.

საქმის განხილვას განმცხადებელი "მომავლის სოფლის" წარმომადგენლები ესწრებოდნენ. მოპასუხე ჟურნალისტი სხდომას არ დასწრებია და არც შეპასუხება წარმოუდგენია.

გადაწყვეტილების სამოტივაციო ნაწილი მოგვიანებით გამოქვეყნდება.

ბავშვთა საკითხების ეთიკური გაშუქების შესახებ მიმდინარე პროექტის ფარგლებში საქართველოს ჟურნალისტური ეთიკის ქარტია და გაეროს ბავშვთა ფონდი აცხადებს კონკურსს მედიასაშუალებების შესარჩევად, რომლებთანაც ჩატარდება პრაქტიკული სემინარი  ბავშვთა საკითხების გაშუქებასთან დაკავშირებით.

შერჩეული მედიასაშუალებების რედაქციაში სამი დღის განმავლობაში იმუშავებენ ქარტიის და იუნისეფის ტრენერები - ნინო ჯაფიაშვილი და ზვიად ქორიძე. ისინი დაეხმარებიან მათ ბავშვებთან დაკავშირებული თემების მომზადების პროცესში, მისცემენ კონკრეტულ რჩევებს და რეკომენდაციებს.

კონკურსში მონაწილეობა შეუძლია ნებისმიერი ტიპის მედიასაშუალებას, როგორც თბილისში, ასევე რეგიონებში.

მსურველებმა 2016 წლის 1 ივნისამდე გამოგზავნეთ ორგანიზაციის ხელმძღვანელის სამოტივაციო წერილი, სადაც უპასუხებთ შემდეგ კითხვებს:

• რატომ გსურთ ამ კონკურსში მონაწილეობა?
• რამდენად ხშირად აშუქებთ ბავშვებთან დაკავშირებულ თემებს?
• რა პრობლემებს აწყდებით ბავშვთა საკითხების გაშუქებისას?
• ბავშვთა საკითხების გაშუქებასთან დაკავშირებით რა საკითხების მოგვარებაში ისურვებდით ტრენერის დახმარებას?

სამოტივაციო წერილი გამოგზავნეთ ელექტრონულ მისამართზე - ethicscharter@gmail.com სათაურის მიუთითეთ "კონკურსი - ბავშვთა საკითხები".

განაცხადების განხილვის შემდეგ შეირჩევა როგორც დედაქალაქის, ასევე რეგიონის ოთხი მედიასაშუალება. პრაქტიკული სემინარები გაიმართება 2016 წლის ივნისსა და სექტემბერში.

საქართველოს ჟურნალისტურმა ეთიკის ქარტიამ განსახილველად მიიღო ორი განცხადება - გიორგი გაბედავა გაზეთ "ქრონიკა+-ის" რედაქტორის, ელისო კილაძის წინააღმდეგ და  დავით ჯაფარიძე ტელეკომპანია "პირვ