დღეს, 19 ნოემბერს, დილით, პოლიციამ ფიზიკურად იძალადა „მთავარი არხის“ ოპერატორზე, სერგი ბარამიძეზე, და დააკავა ის. ოპერატორი მელიქიშვილის გამზირზე პროფესიულ მოვალეობას ასრულებდა - ის პოლიციელების მიერ აქციის მონაწილის დაკავებას იღებდა.  სერგი ბარამიძეს რამდენიმე პოლიციელი განსაკუთრებული სისასტიკით დაუპირისპირდა. ოპერატორს მიღებული აქვს ფიზიკური დაზიანებები. დამტვრეულია კამერა. ამ დროისთვის უცნობია, თუ სად იმყოფება სერგი ბარამიძე.

გამოცემა „პუბლიკას“ ცნობით, პოლიციელებმა დაარტყეს „პუბლიკას“ ჟურნალისტს მინდია გაბაძესაც.

მედიაომბუდსმენის ინფორმაციით, პოლიციამ ჟურნალისტურ საქმიანობაში ხელი შეუშალა ასევე OC Media-ს ჟურნალისტს მარიამ ნიკურაძეს და „ნეტგაზეთის“ კორესპონდენტს გივი ავალიანს.

„ფორმულას“ პირდაპირ ეთერში ამ ტელეკომპანიის კორესპონდენტმა გიორგი კვიჟინაძემ თქვა, რომ პოლიციელები მას და მის ოპერატორსაც უშლიდნენ ხელს გადაღებაში.

ჟურნალისტური ეთიკის ქარტია მოუწოდებს საქართველოს შინაგან საქმეთა სამინისტროს, დაუყოვნებლივ გაათავისუფლოს „მთავარი არხის“ ოპერატორი სერგი ბარამიძე.

ჟურნალისტური ეთიკის ქარტია მოუწოდებს სპეციალურ საგამოძიებო სამსახურს, დაუყოვნელივ დაიწყოს სერგი ბარამიძის და სხვა ჟურნალისტების მიმართ ჩადენილი დანაშაულების გამოძიება.

საქართველოს ჟურნალისტური ეთიკის ქარტიის საბჭო შაბათს, 16 ნოემბერს, შვიდი მედიაპროდუქტის ქარტიის პრინციპებთან შესაბამისობის საკითხს განიხილავს.

11:00 საათზე - მამუკა ყუფარაძის თვითინიცირებული განცხადება. 

მას სურს მისივე გადაცემის: “სადავო კანონი - საუბარი ზაალ ანჯაფარიძესთან - ტელედისკუსია - სტუდია რე” - ეთიკის ნორმებთან შესაბამისობის შემოწმება, რომელიც “სტუდია რე”-ს იუთუბ არხზე 14 ივნისს გამოქვეყნდა. 

განმცხადებელი უთითებს ქარტიის მეოთხე (კეთილსინდისიერება); მეხუთე (შესწორება), მეშვიდე (დისკრიმინაცია) და მე-10 (პირადი ცხოვრების პატივისცემა) პრინციპებზე.

12:00 საათზე - შპს “ევოლუშენ ჯორჯია” “მაუწყებლის” არაიდენტიფიცირებული ჟურნალისტის წინააღმდეგ.

განცხადება ორ სადავო მასალას მოიცავს, რომლებიც “მაუწყებლის”  ფეისბუკ გვერდზე 1 და 2 ივლისს გავრცელდა. 

პირველი სადავო მასალის შემთხვევაში განმცხადებელი დავობს ქარტიის 1 (სიზუსტე), 5 (შესწორება) და 11 (ფაქტის გაზრახ დამახინჯება) პრინციპების დარღვევაზე, ხოლო მეორე სადავო მასალის შემთხვევაში 1 (სიზუსტე), 10 (პირადი ცხოვრების პატივისცემა) და 11 (ფაქტის გაზრახ დამახინჯება) პრინციპებზე.

14:30 საათზე - ნინო შველიძე “იმედის” არაიდენტიფიცირებული ჟურნალისტისა და ქეთი მამრიკიშვილის წინააღმდეგ.

განმცხადებელი ერთი განცხადების ფარგლებში ორ მედიაპროდუქტს ხდის სადაოს. “იმედის” სადავო მასალა მათ საიტზე 2024 წლის 6 სექტემბერს გამოქვეყნდა, ხოლო POSTV-ის შემთხვევაში სადავო მასალა მათ ეთერში 6 სექტემბერს 13:02 საათზე გავიდა.

ორივე შემთხვევაში განმცხადებელი დავობს ქარტიის პირველი (სიზუსტე) და მე-11 (ფაქტის გაზრახ დამახინჯება) პრინციპების დარღვევაზე.

16:00 საათზე - “განვითარებისა და დემოკრატიის ცენტრი” ნატალი ჯახუტაშვილის წინააღმდეგ.

სადავო მასალა  “მთავარი არხის” ეთერში 2024 წლის 4 ოქტომბერს, 21:00 საათიან გამოშვებაში გავიდა, სადაც “განვითარებისა და დემოკრატიის ცენტრი” სამთავრობო ორგანიზაციად, ე.წ. GONGO-დ, არის მოხსენიებული.

განმცხადებელი დავობს ქარტიის პირველი (სიზუსტე) და მესამე (დადასტურებული წყარო) პრინციპების დარღევაზე.

17:00 საათზე - პოლიტიკური მოძრაობა “თავისუფლების მოედანი” მეგი ნარსავიძისა და გივი კუჭავას წინააღმდეგ.

სადავო მასალა “იმედის” ფეისბუქ გვერდზე 2024 წლის 31 ოქტომბერს გამოქვეყნდა. ის ეხება მიმდინარე წლის 26 ოქტომბერს ჩატარებული არჩევნების შესაძლო გაყალბების საკითხს და მასთან დაკავშირებულ მტკიცებულებებს. 

განმცხადებელი დავობს ქარტიის პირველი (სიზუსტე); მეხუთე (შესწორება) და მე-11 (ფაქტის განზრახ დამახინჯება) პრინციპების დარღვევაზე. მისი პოზიციით, სიუჟეტი მანიპულაციურად არის დამონტაჟებული, რასაც შეცდომაში შეჰყავს მაყურებელი.

ქარტიის საბჭო განცხადებას განიხილავს და გადაწყვეტს, დაირღვა თუ არა სადავო ჟურნალისტურ პროდუქტში ქარტიის პრინციპები.

სხდომა გაიმართება ქარტიის ოფისში: ბაქოს ქ. #4 და ასევე, ონლაინ რეჟიმში, პლატფორმა ZOOM-ის მეშვეობით. საქმის განხილვა ღიაა და ნებისმიერ მსურველს შეუძლია ჩართვა. ZOOM-ის მონაცემების მისაღებად, მოგვწერეთ მეილზე: ethicscharter@gmail.com

13 ნოემბერს, თბილისში, ცესკოსთან, ხელახალი არჩევნების მოთხოვნით ქალი პოლიტიკოსების მიერ ორგანიზებული აქციის გაშუქებისას, მედია აპრილის ფოტო რეპორტიორს, ვახო ქარელს, ვაკე-საბურთალოს პოლიციის უფროსმა, ლაშა სალუქვაძემ, მუშაობაში ხელი შეუშალა. ამის შესახებ ინფორმაციას მედია აპრილი ავრცელებს. ფოტოგრაფმა სპეციალურ საგამოძიებო სამსახურს საჩივრით მიმართა. ვახო ქარელისთვის მუშაობაში ხელშეშლა ჩანს „ტვ პირველის“ კადრებშიც.   

საქართველოს ჟურნალისტური ეთიკის ქარტია მოუწოდებს შინაგან საქმეთა სამინისტროს და საპოლიციო ძალებს, ჟურნალისტებს სათანადო პატივისცემით მოეპყრონ და პროფესიული მოვალეობის შესრულების შესაძლებლობა მისცენ, მათ შორის, საპროტესტო აქციების გაშუქებისას. 

საქართველოს ჟურნალისტური ეთიკის ქარტია აცხადებს ჟურნალისტური მასალების კონკურსს „ქალთა უფლებებისა და გენდერული თანასწორობის გაშუქება“. ქარტიის კონკურსის მიზანია ეთიკური ჟურნალისტიკის განვითარების და პროფესიული სტანდარტების დამკვიდრების ხელშეწყობა.

კონკურსის გამარჯვებულს პრიზი გადაეცემა გაეროს ქალთა ორგანიზაციასთან თანამშრომლობით. 

გამარჯვებულს გამოავლენს დამოუკიდებელი, 5 წევრისგან შემდგარი ჟიური, რომელშიც შედის ქარტიის საბჭოს 2 წევრი, გაეროს ქალთა ორგანიზაციის წარმომადგენელი და 2  ჟურნალისტი.

კონკურსში მონაწილეობის მიღება შეუძლია როგორც ცალკეულ ჟურნალისტს ინდივიდუალურად, ისე მედიასაშუალებას. ნომინაციაში თითოეულ განმცხადებელს შეუძლია მხოლოდ ერთი საკონკურსო ნაშრომის წარდგენა.

კონკურსში შესაძლებელია წარდგენილი იყოს როგორც ბეჭდური, ისე აუდიო, ვიდეო და მულტიმედიური მასალა.

კონკურსის თემატიკა:

პროცედურები და შერჩევის კრიტერიუმები:

• მონაწილეობის მსურველებმა უნდა წარადგინონ მედია პროდუქტი, რომელიც გამოქვეყნდა 2023 წლის 15 ნოემბრიდან 2024 წლის 15 ნოემბრამდე პერიოდში. 

• მონაწილეობის მსურველმა უნდა წარადგინოს გამოქვეყნებული მასალის ბმული. იმ შემთხვევაში, თუ საკონკურსო ნამუშევარი ინტერნეტ სივრცეში არ მოიძებნება, კონკურსანტს შეუძლია გამოგზავნოს ვიდეორეპორტაჟის და/ან მულტიმედია პროდუქტის შემთხვევაში ჩანაწერი, სტატიის შემთხვევაში კი მისი სკანირებული ან სქრინ ვერსია.

• მონაწილეობის მსურველმა უნდა შეავსოს განაცხადი.

• დამატებითი მასალები (არსებობის შემთხვევაში) გამოგზავნეთ შემდეგ ელექტრონულ მისამართზე: ethicscharter@gmail.com  

• საკონკურსო ნაშრომი გამოქვეყნებული უნდა იყოს საქართველოში მოქმედ რომელიმე მედიასაშუალებაში.

ნამუშევრების შეფასება

ჟურნალისტური პროდუქტის შეფასებისას ამოსავალია ის პროფესიული და ეთიკური სტანდარტები, რომელთაც საქართველოს ჟურნალისტური ეთიკის ქარტია  ეფუძნება.

ზოგადი კრიტერიუმები:

• თემის აქტუალობა/თემის მიმართ მაღალი საზოგადოებრივი ინტერესი;

• ინფორმაციის სიზუსტე;

• ფაქტებისა და მოსაზრებების გამიჯვნა;

• მიუკერძოებლობა;

• მხარეთა ბალანსი;

• ინფორმაციის წყაროთა მრავალფეროვნება;

• თხრობის სტილი და ტექნიკა;

• ინფორმაციის გადმოცემის ხერხების მრავალფეროვნება;

• სიუჟეტების და მულტიმედია პროექტის შემთხვევაში: დრამატურგია და ვიზუალური მხარე;      

• სიძულვილის ენისა და გენდერულად არამგრძნობიარე, შეუფერებელი ლექსიკის უარყოფა/გამოუყენებლობა;

საკონკურსო ნამუშევრების მიღების ბოლო ვადაა 2024 წლის 30 ნოემბერი, 18:00 საათი. 

მონაწილეობის მსურველმა უნდა შეავსოს განაცხადი. დამატებითი მასალები (არსებობის შემთხვევაში) გამოაგზავნოს შემდეგ ელექტრონულ მისამართზე: ethicscharter@gmail.com

განაცხადის შევსება სავალდებულოა და მის გარეშე მხოლოდ ელექტრონულ მისამართზე მიღებული განცხადებები არ განიხილება.

გამარჯვებული გამოვლინდება 2024 წლის დეკემბერში.

საქართველოს ჟურნალისტური ეთიკის ქარტია პრიზს უკვე მე-11 წელია გასცემს, ხოლო ნომინაციაში „ქალთა უფლებებისა და გენდერული თანასწორობის გაშუქება“ წელს მეოთხედ დააჯილდოებს გამარჯვებულს.

საქართველოს ჟურნალისტური ეთიკის ქარტიას პოლიტიკურმა მოძრაობამ "თავისუფლების მოედანი” “იმედის” წინააღმდეგ განცხადებით მომართა.

სადავო მასალა იმედის ფეისბუქ გვერდზე 2024 წლის 31 ოქტომბერს გამოქვეყნდა. ის ეხება მიმდინარე წლის 26 ოქტომბერს ჩატარებული არჩევნების შესაძლო გაყალბების საკითხს და მასთან დაკავშირებულ მტკიცებულებებს. 

განმცხადებელი დავობს ქარტიის პირველი (სიზუსტე); მეხუთე (შესწორება) და მე-11 (ფაქტის განზრახ დამახინჯება) პრინციპების დარღვევაზე. მისი პოზიციით, სიუჟეტი მანიპულაციურად არის დამონტაჟებული, რასაც შეცდომაში შეჰყავს მაყურებელი.

მოპასუხე ჟურნალისტებად განისაზღვრნენ: მეგი ნარსავიძე და გივი კუჭავა.

ქარტიის საბჭო განცხადებას ღია სხდომაზე განიხილავს და გადაწყვეტს, დაირღვა თუ არა სადავო ჟურნალისტურ პროდუქტში ქარტიის პრინციპები.

საქართველოს ჟურნალისტური ეთიკის ქარტია იწყებს განაცხადების მიღებას ქარტიის პრიზი 2024-ის მოსაპოვებლად. ყოველწლიური კონკურსის მიზანია ეთიკური ჟურნალისტიკის განვითარების ხელშეწყობა და პროფესიული სტანდარტების დამკვიდრება.

კონკურსი ცხადდება შემდეგ ექვს ნომინაციაში:

1. სტატია/მულტიმედია სტატია ონლაინ მედიაში

2. სიღრმისეული ან საგამოძიებო ნამუშევარი

3. ფოტო/ფოტორეპორტაჟი ონლაინ ან ბეჭდურ მედიაში

4. ბლოგი/მოსაზრება ონლაინ მედიაში

5. ადგილობრივი პრობლემების საუკეთესო გაშუქება რეგიონულ მედიაში

6. ხალხის რჩეული: დემოკრატიის მცველები - წლის მთავარი მოვლენების საუკეთესო გაშუქება.

გამარჯვებულებს შეარჩევს დამოუკიდებელი ჟიური, „ხალხის რჩეულის“ ნომინაციაზე კი გამარჯვებული გამოვლინდება ხმის მიცემით, დამოუკიდებელი ჟიურის მიერ შერჩეული სამი კანდიდატიდან.

პრიზები დაწესებულია USAID მედია პროგრამის მიერ.

განაცხადის შესავსებად გადადით ბმულზე

პროცედურები და შერჩევის კრიტერიუმები:

• მონაწილეობის მსურველებმა უნდა წარადგინონ მედია პროდუქტი, რომელიც გამოქვეყნდა 2023 წლის 15 ნოემბრიდან 2024 წლის 15 ნოემბრამდე პერიოდში.

• საკონკურსოდ მასალის წარდგენა შეუძლია როგორც ჟურნალისტს ინდივიდუალურად, ისე მედიასაშუალებას.

• მონაწილეობის მსურველმა უნდა წარადგინოს გამოქვეყნებული მასალის ბმული. იმ შემთხვევაში, თუ საკონკურსო ნამუშევარი ინტერნეტ სივრცეში არ მოიძებნება, კონკურსანტს შეუძლია გამოგზავნოს ჩანაწერი, სტატიის შემთხვევაში კი მისი სკანირებული ან სქრინ ვერსია

• მონაწილეობის მსურველმა უნდა შეავსოს აპლიკაცია

• დამატებითი მასალები (არსებობის შემთხვევაში) გამოგზავნეთ შემდეგ ელექტრონულ მისამართზე: ethicscharter@gmail.com

• თითოეულ აპლიკანტს შეუძლია ერთი საკონკურსო ნაშრომის წარდგენა ერთ ნომინაციაში.

• საკონკურსო ნაშრომი მომზადებული უნდა იყოს საქართველოს აუდიტორიისთვის.

• საკონკურსო ნამუშევრების მიღების ბოლო ვადაა 2024 წლის 30 ნოემბერი, 18:00 საათი.

• გამარჯვებული გამოვლინდება 2024 წლის დეკემბერში.

ნამუშევრების შეფასება 

ჟურნალისტური პროდუქტის შეფასებისას ამოსავალია ის პროფესიული და ეთიკური სტანდარტები, რომელთაც საქართველოს ჟურნალისტური ეთიკის ქარტია  ეფუძნება.

ზოგადი კრიტერიუმები:

• თემის აქტუალობა/თემის მიმართ მაღალი საზოგადოებრივი ინტერესი;

• ინფორმაციის სიზუსტე;

• ფაქტებისა და მოსაზრებების გამიჯვნა, მიუკერძოებლობა;

• მხარეთა ბალანსი;

• ინფორმაციის წყაროთა მრავალფეროვნება;

• თხრობის სტილი და ტექნიკა;

• ინფორმაციის გადმოცემის ხერხების მრავალფეროვნება;

• დრამატურგია და ვიზუალური მხარე;

• არ უნდა იყოს გამოყენებული სიძულვილის ენა.

საქართველოს ჟურნალისტური ეთიკის ქარტიას კახა კუკავამ “Sfero TV”-ის წინააღმდეგ განცხადებით მომართა.

სადავო მასალა 2024 წლის 25 ოქტომბერს გამოქვეყნდა სათაურით: “გაერთიანება ბრძოლის ახალ ეტაპზე გადავიდა - დღეს, იურისტებმა მევახშესთან ალიანსში მყოფი, პოლიტიკოსი კახა კუკავა ამხილეს”.

განმცხადებელი დავობს ქარტიის პირველი (სიზუსტე) და მე-11 (ფაქტის განზრახ დამახინჯება) პრინციპების დარღვევაზე. მისი პოზიციით, ადგილი აქვს ჟურნალისტის მხრიდან არაზუსტი, დამახინჯებული ინფორმაციის გავრცელებას.

მოპასუხე ჟურნალისტად განისაზღვრა თათია არაბიძე.

ქარტიის საბჭო განცხადებას ღია სხდომაზე განიხილავს და გადაწყვეტს, დაირღვა თუ არა სადავო ჟურნალისტურ პროდუქტებში ქარტიის პრინციპები.

საქართველოს ჟურნალისტური ეთიკის ქარტიის შემაჯამებელი განცხადება: 

არჩევნების დღეს მედიის წარმომადგენელთა უფლებები უხეშად და სისტემურად დაირღვა

ქარტია განაგრძობს არჩევნების დღეს მედიის წარმომადგენელთა უფლებების დარღვევის შესახებ ინფორმაციის მოგროვებას. 

საქართველოს ჟურნალისტური ეთიკის ქარტიის ხელთ ამ დროისთვის არსებული ინფორმაციით, 26 ოქტომბერს, საპარლამენტო არჩევნების გაშუქებისას, მედიის 72 წარმომადგენლის უფლებები დაირღვა 48 შემთხვევაში. იურისტთა შეფასებით, ამ შემთხვევათა დიდ ნაწილში სისხლის სამართლის დანაშაულის ნიშნები იკვეთება. 

ქარტიის შეფასებით, არჩევნების დღეს ჟურნალისტებს და ოპერატორებს მაღალი საფრთხის შემცველ, ძალადობრივ გარემოში უწევდათ მუშაობა. მათ მიმართ აგრესიას ავლენდნენ როგორც უშუალოდ უბანზე მყოფი პირები, მათ შორის, საუბნო საარჩევნო კომისიის წევრები და, ზოგ შემთხვევაში, საუბნო საარჩევნო კომისიის თავმჯდომარეები, „ქართული ოცნების“ პარტიული წარმომადგენლები, და დამკვირვებლები, ისე უბნის მიმდებარედ მობილიზებული, სავარაუდოდ, „ქართულ ოცნებასთან“ დაკავშირებული არაუფლებამოსილი პირები. 

ჟურნალისტებსა და ოპერატორებს არაერთხელ მიაყენეს სიტყვიერი და ფიზიკური შეურაცხყოფა, დაუზიანეს აპარატურა. მათ აძევებდნენ საარჩევნო უბნებიდან, ზოგ შემთხვევაში, ძალის გამოყენებითაც, და არ აძლევდნენ უბნებსა თუ უბნების მიმდებარე ტერიტორიაზე გადაღების საშუალებას. 

ზოგიერთ შემთხვევაში, ჟურნალისტებს არ  აძლევდნენ კომენტარს და მათ შეკითხვებს არ პასუხობდნენ საუბნო საარჩევნო კომისიის თავმჯდომარეები. 

ჟურნალისტები და ოპერატორები ხდებოდნენ სამიზნე მაშინ, როცა ისეთი დარღვევების დოკუმენტირებას ცდილობდნენ, რაც ამომრჩევლის ნებაზე სხვადასხვა გზით ზემოქმედებას ასახავდა. 

საუბნო და საოლქო საარჩევნო კომისიების ხელმძღვანელები მედიის წარმომადგენელთა უფლებების დარღვევის ფაქტებზე სათანადოდ არ რეაგირებდნენ. პოლიცია 112-ზე შესულ შეტყობინებებზე ხშირად ან საერთოდ არ რეაგირებდა, ან დროულად არ რეაგირებდა. 

ჟურნალისტებს და ოპერატორებს არ ჰქონდათ განცდა, რომ პოლიცია მათ ძალადობისგან დაიცავდა. ზოგიერთ შემთხვევაში, მათ, მომეტებული საფრთხის გამო, უბნებზე მუშაობის შეწყვეტაც მოუხდათ.     

მედიის წარმომადგენელთა უფლებების დარღვევის სიხშირე და შემთხვევათა მსგავსება, ქარტიას აძლევს საფუძველს რომ დაასკვნას, რომ დამოუკიდებელი და კრიტიკული მედიასაშუალებების ჟურნალისტებისა და ოპერატორების მიმართ ძალადობას ჰქონდა სისტემური ხასიათი და ის იყო წახალისებული. 

საქართველოს ჟურნალისტური ეთიკის ქარტია სპეციალურ საგამოძიებო სამსახურს ყველა ამ შემთხვევით დაინტერესებისა და მათი სწრაფად და ეფექტურად გამოიძიებისკენ მოუწოდებს.   

“მედიაჩეკერის” ინფორმაციით, 26 ოქტომბერს პროფესიულ საქმიანობაში ხელი შეუშალეს „ბათუმელების“ 7 ჟურნალისტს. ეს შემთხვევები აღწერილი აქვს “მედიაომბუდსმენსაც”:

• ევა ართმელაძეს გადაღების საშუალება არ მისცეს დაბა ხულოს ერთ-ერთ უბანზე. გამოცემის რედაქტორის, ეთერ თურაძის თქმით, ჟურნალისტს ადამიანიც კი მიუჩინეს, რომელიც ნებისმიერი გადაადგილებისას მას წინ უდგებოდა, რომ არაფერი გადაეღო. 

• ბათუმის ერთ-ერთ საარჩევნო უბანთან ფოტოზე გამოსახული პირი გადაღების საშუალებას არ აძლევდა ჟურნალისტ ცაგო კახაბერიძეს. მან ჟურნალისტისთვის ტელეფონის წართმევაც სცადა. 

• ეთერ თურაძის თქმით, მას პროფესიულ საქმიანობაში ხელი ბათუმის 72-ე უბანთან არაფხიზელ მდგომარეობაში მყოფმა არაუფლებამოსილმა პირებმა შეუშალეს. ისინი „ბათუმელების“ რედაქტორს სიტყვიერ შურაცხყოფას აყენებდნენ და პირდაპირი ეთერის შეწყვეტას თხოვდნენ. ეთერ თურაძეს პოლიციის გამოძახებაც დასჭირდა. 

• “ბათუმელების” რედაქტორს პროფესიული საქმიანობის დროს პრობლემა შეექმნა ბათუმის 52-ე და 81-ე უბნებთანაც (ორივე უბანი ერთ სკოლაში იყო განთავსებული). იქ მყოფი პირები ეთერ თურაძეს აგრესიულად თხოვდნენ, კამერა გამოერთო. როგორც ჟურნალისტი აღნიშნავს, უბნის კართან, დაახლოებით 10 მეტრის დაშორებით, არაფხიზელ მდგომარეობაში მყოფი პირები სკანდირებდნენ ფრაზას: “„ქართულ ოცნებას“ გაუმარჯოს“. 

• ქუთაისში პროფესიულ საქმიანობაში ხელი შეუშალეს „ბათუმელების“ ჟურნალისტს მანანა ქველიაშვილს, როგორც საარჩევნო უბანში, ისე საარჩევნო უბნის გარე პერიმეტრზე მუშაობისას.

• პროფესიული საქმიანობის განხორციელებაში ხელი შეუშალეს “ბათუმელების” ჟურნალისტს ლელა დუმბაძეს. ამ დროს ის ბათუმის 33-ე უბანთან ახლოს ხელისუფლების მიმართ კრიტიკულად განწყობილ რესპონდენტს წერდა.

• ჟურნალისტურ საქმიანობაში ხელი შეუშალეს “ბათუმელების” წარმომადგენელს არჩილ კახაძეს.

• პროფესიული საქმიანობის განხორციელებაში ხელი შეუშალეს “ბათუმელების” ჟურნალისტს თედო ჯორბენაძეს - მას ბათუმის მე-11 საარჩევნო საარჩევნო უბანზე მუშაობის შესაძლებლობას არ აძლევდნენ და უბნიდან გაძევებით ემუქრებიდნენ.

მარნეულში, ერთ-ერთ საარჩევნო უბანზე უცნობმა პირმა „სტუდია მონიტორის“ ჟურნალისტებისთვის თეო ქავთარაძისა და ქეთი თუთბერიძისთვის ტელეფონის წართმევა სცადა. ჟურნალისტებმა დააფიქსირეს, თუ როგორ ცდილობდა ამომრჩეველი, სავარაუდოდ პასპორტში ჩადებულ ფურცელზე მიწერილი სხვისი პირადი ნომრით, ხმის მიცემას. 

სოფლების ხოჯორნისა და გულიკამის საარჩევნო უბნებზე პროფესიულ საქმიანობაში ხელი შეეშალა „ალიქ მედიის“ 4 წარმომადგენელს. როგორც რედაქციამ “მედიაჩეკერს” უთხრა”, „ალიქ მედიას“ რეპუტაციის შელახვის მიზნით, ადგილზე მობილიზებული პირები იქვე მყოფ ამომრჩევლებს, ჟურნალისტებსა და დამკვირვებლებს ეუბნებოდნენ, რომ „ალიქ მედია“ დეზინფორმაციის გამავრცელებელი მედია იყო და „კანონს არღვევდა“. მას შემდეგ, რაც ჟურნალისტებმა საარჩევნო უბნებთან აღმოჩენილი დარღვევების შესახებ Facebook-ის გვერდზე დაწერეს, უცნობმა პირებმა ერთ-ერთ ჟურნალისტს რამდენჯერმე დაურეკეს და, მუქარანარევი ტონით, აღნიშნული მასალების წაშლა მოსთხოვეს. „ალიქ მედია“ ჟურნალისტების უსაფრთხოების მიზნით, მათ სახელებსა და გვარებს არ ასაჯაროებს. 

გორისა და ქარელის მუნიციპალიტეტების საარჩევნო უბნებზე მუშაობაში ხელი შეუშალეს qartli.ge-ს რედაქტორს საბა წიწიკაშვილს. სოფელ პატარა გარეჯვარში, დამკვირვებლებმა საარჩევნო უბანთან შენიშნეს რუსულნომრიანი მანქანა, საიდანაც ფულს არიგებდნენ. ამის შესახებ qartli.ge-ს მიერ ინფორმაციის გამოქვეყნებიდან რამდენიმე წუთში საბა წიწიკაშვილს კომისიის ერთ-ერთმა წევრმა აცნობა, რომ გარეთ ეძახდნენ. საარჩევნო უბნიდან გასულ ჟურნალისტს სოფლის გამგებელი, ზურაბ მურადაშვილი, და მისი მეუღლე დახვდნენ. გამგებელმა ყვირილით გამოთქვა უკმაყოფილება და ჟურნალისტს სიტყვიერი შეურაცხყოფა მიაყენა. საბა წიწიკაშვილმა პოლიცია გამოიძახა, რომელსაც საერთაშორისო დამკვირვებლებიც მოჰყვნენ. 

მეორე შემთხვევა სოფელ ზემო ხვედურეთის საარჩევნო უბანზე მოხდა, სადაც საბა წიწიკაშვილის საარჩევნო უბნიდან გაძევება სცადეს. „კომისიის თავმჯდომარე მემუქრებოდა, რომ თუ აქეთ-იქით სიარულს არ მოვრჩებოდი, უბნიდან გამაძევებდა. სამჯერ დავარეკინე საოლქო კომისიაში, [რათა მისთვის აეხსნათ] თუ რის უფლება მქონდა“, - უთხრა ჟურნალისტმა მედიაჩეკერს. 

როგორც “ნეტგაზეთმა” “მედიაჩეკერს” უთხრა, თბილისში, ერთ-ერთ უბანზე, „ქართულ ოცნებასთან“ აფილირებულმა პირებმა ტელეფონი წაართვეს „ნეტგაზეთის“ ჟურნალისტს, რაფო მესხიძეს. 

“ბათუმელების” ცნობით, ბათუმში, თამარის დასახლებაში მდებარე საარჩევნო უბნებთან დიდი რაოდენობით მობილიზებულმა არაუფლებამისილმა პირებმა მუშაობის საშუალება არ მისცეს “ფორმულას” და “მთავარი არხის” ჟურნალისტებს. 

სიღნაღის მუნიციპალიტეტის სოფელ მაღაროში, პროფესიული საქმიანობის განხორციელებაში ხელი შეუშალეს “მთავარი არხის” გადამღებ ჯგუფს - ჟურნალისტ თენგო გოგოტიშვილს და ოპერატორ იაგო გოგელაშვილს. “ქართული ოცნების” წარმომადგენლებმა და “ქართულ ოცნებასთან” დაკავშირებულმა პირებმა მათ სიტყვიერი შეურაცხყოფა მიაყენეს. ამ დროს ჟურნალისტი იმის გარკვევას ცდილობდა, თუ რატომ იმყოფებოდნენ ისინი უბნის მიმდებარედ კანონის დარღვევით. ბაჩუკი კოჭლამაზაშვილმა, რომელიც ტელეკომპანიის ინფორმაციით, სოფელ ბოდბეში მერის წარმომადგენელია, კამერას ხელი ააფარა, რათა ოპერატორისთვის გადაღების საშუალება არ მიეცა.

შიდა ქართლის საინფორმაციო სააგენტო „მოზაიკას“ ინფორმაციით, ჟურნალისტებს გორის მუნიციპალიტეტის სოფელ ტინისხიდში, პროფესიული საქმიანობის განხორციელების საშუალება არ მისცეს. „ტვ პირველის“ ჟურნალისტს, გიორგი დვალიშვილს, აგრესიული პირი, რომელიც ამ მედიასაშუალების ინფორმაციით, ტინისხიდის ყოფილი გამგებელი ბესო ბერიანიძეა, საჯარო ტერიტორიიდან აგდებდა და გადაღებას უშლიდა. „მოზაიკის“ მიერ გამოქვეყნებულ ვიდეოში ჩანს, რომ ეს პირი ჟურნალისტისკენ საცემად იწევდა და, ცდილობდა, მისთვის მიკროფონი გაეგდებინებინა. ჟურნალისტს სურდა, კითხვები დაესვა ადგილობრივი ბიზნესმენისთვის, რომელმაც, მისი ინფორმაციით, საარჩევნო უბნის მიმდინარედ „ქართული ოცნების“ აგიტატორებს სუფრა გაუშალა. ადგილზე გიორგი დვალიშვილთან ერთად მუშაობდა „ტვ პირველის“ ოპერატორი ლაშა ჯიოშვილი. 

09:30 საათისთვის, ქუთაისში, ერთ-ერთ საარჩევნო უბანზე, „ტვ პირველის“ ჟურნალისტს, გვანცა ჩხიკვაძეს, პროფესიულ საქმიანობაში ხელი შეუშალა მარიამ გრძელიძემ, რომელიც ჟურნალისტის თქმით, „ქართული ოცნების“ წარმომადგენელია. მარიამ გრძელიძემ მის წინააღმდეგ დაწერილი საჩივარი პირდაპირ ეთერში დახია და ჟურნალისტს ჯიბეში ჩაუდო, ხოლო შემდეგ მას „პროვოკატორები“, „ქვეყნის მტრები“ და „მკვლელები“ უწოდა. ჟურნალისტის ინფორმაციით, საჩივარში საუბარი იყო მარიამ გრძელიძის მიერ მოქალაქეებისათვის პასპორტების და პირადობის მოწმობების ჩამორთმევაზე. ადგილზე გვანცა ჩხიკვაძესთან ერთად მუშაობდა “ტვ პირველის” ოპერატორი გიორგი კიკვაძე.

“ტვ პირველის” ჟურნალისტს გვანცა ჩხიკვაძეს და ოპერატორს გიორგი კიკვაძეს საარჩევნო დღის ბოლოს, უბნის დახურვამდე, მუშაობაში ხელი შეუშალეს ქუთაისში სხვა საარჩევნო უბანზეც. ორმა პირმა კამერის გაწევა სცადა და მათ გადაღების შეწყვეტა მოსთხოვა. ერთ-ერთი მათგანი ოპერატორს კამერის თავზე დამტვრევითაც დაემუქრა. მანვე აუკრა ხელი მიკროფონზე ჟურნალისტსაც. ვიდეოში ასევე ისმის სიტყვები “თორემ დაგალეწავ”. პირის გაღიზიანება გამოიწვია ჟურნალისტის შეკითხვამ, რომელიც ცდილობდა, გაერკვია, თუ რატომ იმყოფებოდნენ არაუფლებამოსილი პირები უბანთან მთელი დღის განმავლობაში და ახდენდნენ თუ არა ისინი ზეწოლას ამომრჩევლებზე.

„ტვ პირველის“ გადამღებ ჯგუფს ხელი შეუშალეს ზუგდიდის ერთ-ერთ საარჩევნო უბანზე. ჟურნალისტ სოფო ნიაურის თქმით, მას და ოპერატორ დავით ბერაძეს კომისიის თავმჯდომარე გადაღების უფლებას არ აძლევდა და  შენობაში არ უშვებდა.   

16:00 საათისთვის, ისანში, საარჩევნო უბანზე დაუპირისპირდნენ „ფორმულას“ გადამღებ ჯგუფს. ჟურნალისტის ნუცა ბახუტაშვილის თქმით, მას და ოპერატორს გიგა აღდგომელაშვილს სიტყვიერი შეურაცხყოფა მიაყენეს და პოლიციელების მხრიდან დროული რეაგირება რომ არა, ფიზიკურ შეურაცხყოფასაც მიაყენებდნენ.

15:15-ისთვის, „ფორმულას“ ჟურნალისტს თიკო ერაძეს სადახლოს საარჩევნო უბანზე, სავარაუდოდ, კომისიის წევრებმა პროფესიულ საქმიანობაში ხელი შეუშალეს. უბანზე კენჭისყრა შეწყდა ინციდენტის გამო. ჟურნალისტი საქმის ვითარებაში გარკვევას ცდილობდა, როცა უბნიდან მისი ძალით გამოყვანა სცადეს. თიკო ერაძესთან ერთად ადგილზე მუშაობდა ოპერატორი შალვა ჯოხაძე.

გლდანში საარჩევნო უბანზე სიტყვიერი შეურაცხყოფა მიაყენეს და პროფესიულ საქმიანობაში ხელი შეუშალეს „მთავარი არხის“ ჟურნალისტს ნინა მაჩაბელსა და ოპერატორს გიორგი ჩანტლაძეს.

ამავე უბანზე, უბნიდან გაძევებით დაემუქრნენ „ტვ  პირველის“ გადამღებ ჯგუფს - ჟურნალისტ მაკა ანდრონიკაშვილსა და ოპერატორ გიორგი შეწირულს. მათ მუშაობაში ხელს უშლიდნენ, მაკა ანდრონიკაშვილის თქმით, საოლქო კომისიის წარმომადგენლები და „ქართული ოცნების“ დამკვირვებლები.

14:30-ისთვის, წალენჯიხის მუნიციპალიტეტის სოფელ ჯგალში სამოქალაქო ჟურნალისტიკის პლატფორმის „მრავალკუთხედი“ ჟურნალისტს, დიტო ბელქანიას, დაუპირისპირდა „ქართული ოცნების“ პარტიული წარმომადგენელი ლირა ღურწკაია, რომელიც იმავდროულად წალენჯიხის რესურსცენტრის უფროსია. ჟურნალისტის თქმით, მას ლირა ღურწკაიამ, უბნის თავმჯდომარემ და კომისიის წევრებმა მუშაობაში ხელი შეუშალეს, კანონის დარღვევით, კონკრეტული ადგილიდან გადაღების უფლება არ მისცეს და კამერისთვის განკუთვნილ ადგილას გადასვლა მოსთხოვეს. ჟურნალისტი ამ დროს ცდილობდა, გადაეღო დაპირისპირება ერთ-ერთ დამკვირვებელსა და უბნის თავმჯდომარეს შორის. 

მარნეულში, ერთ-ერთ საარჩევნო უბანთან მობილიზებულმა, ტელეკომპანიის ცნობით, „ქართულ ოცნებასთან“ დაკავშირებულმა, პირებმა ჯერ სიტყვიერი შეურაცხყოფა მიაყენეს „ტვ პირველის“ გადამღებ ჯგუფს, ჟურნალისტ ნინო ელიკაშვილს და ოპერატორ ირაკლი მურმანიშვილს, ხოლო შემდეგ ოპერატორს ფიზიკურადაც გაუსწორდნენ და კამერის დაზიანება სცადეს. „ქართული ოცნების“ საარჩევნო შტაბის უფროსი ამირან გიორგაძემ გადამღებ ჯგუფს მოსთხოვა, ტერიტორია დაეტოვებინა. „ტვ პირველი“ ადგილზე იღებდა დაპირისპირებას „ქართული ოცნებისა“ და „ძლიერი საქართველოს“ წარმომადგენლებს შორის. უბანზე ვითარება მას შემდეგ დაიძაბა, რაც იქ მყოფმა პირებმა ფიზიკური შეურაცხყოფა მიაყენეს საია-ს დამკვირვებელს გიორგი გოცირიძეს. „ტვ პირველის“ ჟურნალისტი ნინო ელიკაშვილი შეეცადა ადგილზე მისულ საპატრულო პოლიციის წარმომადგენლებთან გაერკვია, დაიწყებოდა თუ არა გამოძიება ოპერატორის მიმართ ფიზიკური ანგარიშსწორების ფაქტზე, თუმცა უშედეგოდ.  

„ფორმულას“ ჟურნალისტს მარი წაქაძეს და ოპერატორს ბექა ქორჩილავას ქუთაისის ერთ-ერთ საარჩევნო უბანზე პროფესიული საქმიანობა შეუზღუდეს. მარი წაქაძეს ქუთაისის ერთ-ერთ საარჩევნო უბანზე საარჩევნო კომისიის წევრებმა ხმის დათვლის პროცესზე დასწრების შესაძლებლობა არ მისცეს, ოქმი შეუდგინეს და უბნიდან გააძევეს. მანამდე, უბანზე დამკვირვებლის სტატუსით მყოფი პირი ჟურნალისტს პირდაპირ ეთერში საუბარში ხელს უშლიდა. მარი წაქაძემ 112-ს მიმართა. ეკიპაჟი მალევე მივიდა უბანზე, თუმცა ჟურნალისტს ვერაფრით დაეხმარა, მხოლოდ შეახსენა, რომ მას გაძევების ოქმის გასაჩივრება შეეძლო.

მარნეულში, სოფელ სადახლოს საარჩევნო უბანზე, 14:00 საათზე, რადიო “მარნეულის” ჟურნალისტი ვლადიმერ ჩხიტუნიძე მანამდე არ შეუშვეს, სანამ საქმეში საოლქო საარჩევნო კომისია არ ჩაერია. ჟურნალისტის თქმით, უბნის თავმჯდომარე მას რამდენიმე წუთის განმავლობაში არ აძლევდა უბანზე შესვლის შესაძლებლობას და ეუბნებოდა, რომ მხოლოდ იმ შემთხვევაში შეუშვებდა, თუ არაფერს გადაიღებდა. ჟურნალისტმა დახმარებისთვის საოლქო საარჩევნო კომისიას მიმართა. საგულისხმოა, რომ სოფელ სადახლოში ხმის მიცემის პროცედურა ძველი სისტემით მიმდინარეობს და უბანზე ჟურნალისტის და კამერის ყოფნა განსაკუთრებით მნიშვნელოვანი იყო.

15:00 საათისთვის, კახეთში, “მთავარი არხის” გადამღებ ჯგუფს, ჟურნალისტ ია გულიაშვილს და ოპერატორ ლევან დვალს, თავს დაესხა ტელეკომპანიის ვარაუდით “ქართულ ოცნებასთან” დაკავშირებული პირი. ჟურნალისტი ამ დროს იმის გარკვევას ცდილობდა, თუ ვინ და რატომ უმასპინძლდებოდა უბანზე ხმის მისაცემად მისულ ამომრჩევნებს. აგრესიულად განწყობილი პირი ჟურნალისტს უბნის დატოვებას თხოვდა და ოპერატორისკენ იწევდა. მან “მთავარი არხის” კამერის გატაცებაც სცადა.  

15:00 საათისთვის, ბათუმში, “მთავარი არხისა” გადამღებ ჯგუფს -  ჟურნალისტ თეა ვაშალომიძეს და ოპერატორ ბაჩანა ოქროპირიძეს, და „ფორმულას“ გადამღებ ჯგუფს - ჟურნალისტ თამარ თედიაშვილს და ოპერატორ ლერი როგავას, “მთავარი არხის” ინფორმაციით, “ქართულ ოცნებასთან” დაკავშირებული აგრესიულად განწყობილი პირები, საარჩევნო უბანზე შესვლის საშუალებას არ აძლევდნენ. ჟურნალისტები უბანთან მობილიზებულ პირებს სიების თაობაზე უსვამდნენ კითხვებს.

16:30 საათისთვის, თბილისში, გლდანში, საარჩევნო უბანთან შეკრებილმა, გამორჩეულად აგრესიულმა პირებმა, სიტყვიერი შეურაცხყოფა მიაყენეს ონლაინ გამოცემა “პუბლიკას” ჟურნალისტებს მინდია გაბაძესა და შაკო ბრეგაძეს და "რადიო თავისუფლების" ჟურნალისტს თამუნა ჩქარეულს. ერთ-ერთმა პირმა "პუბლიკას" უთხრა, რომ “ქართული ოცნების” მხარდამჭერია. 

17:30-ისთვის, თბილისში, ვაზისუბანში, ერთ-ერთ საარჩევნო უბანზე მობილიზებული პირები თავს დაესხნენ “ტვ პირველის” ოპერატორს პაპუნა ხაჩიძეს და კამერა დაუზიანეს. ის და ჟურნალისტი მარიამ გაფრინდაშვილი ამ დროს უბნის მიმდებარედ შეკრებილებს იღებდნენ.

10:00 საათისთვის, “ფორმულას” ჟურნალისტს დავით ჭაბაშვილს და ოპერატორს აგილ რუსტამოვს, და ლაგოდეხის ტელევიზიის ჟურნალისტს ნიკა ბურჭულაძეს ლაგოდეხის მუნიციპალიტეტის სპოფელ ჭიაურში ერთ-ერთ საარჩევნო უბანზე მობილიზებულმა პირებმა სიტყვიერი შეურაცხყოფა მიაყენეს და გადაღებაში ხელი შეუშალეს.

10:30 საათისთვის, ბათუმის ერთ-ერთ საარჩევნო უბანზე, პროფესიულ საქმიანობაში ხელი შეუშალეს “ტვ პირველის” ჟურნალისტს თეონა დოლენჯაშვილს და ოპერატორს ნიკო კოკაიას. “ქართული ოცნების” კოორდინატორები თეონა დოლენჯაშვილს, რომელიც მათთვის კითხვების დასასმელად მიკროავტობუსში ავიდა, სიტყვიერად დაუპირისპირდნენ, კარი ჩაუკეტეს და გადაადგილება შეუზღუდეს, ხოლო მათგან ერთ-ერთი, ედუარდ შარაძე, ჟურნალისტს სისხლის სამართლებრივი დევნით დაემუქრა.

14:00 საათისთვის, რადიო თავისუფლების ცნობით, რუსთავში, ერთ-ერთ საარჩევნო უბანზე, რადიოს ჟურნალისტს, დავით მჭედლიძეს, ჟურნალისტურ საქმიანობაში ხელი შეუშალეს. დავით მჭედლიძე უბნის მიმდებარედ მყოფ პირებს აფიქსირებდა, რომლებიც, სავარაუდოდ, უბანზე მისული ამომრჩევლების აღრიცხვით იყვნენ დაკავებული, რა დროსაც ჟურნალისტს სიტყვიერი შეურაცხყოფა მიაყენეს და მისთვის ტელეფონის წართმევა სცადეს. 

შუადღისას, 14:00 საათისთვის, სოფელ ქვემო ხოდაშენში, საარჩევნო უბანზე თავს დაესხნენ “ტვ პირველის” გადამღებ ჯგუფს, ჟურნალისტ მარიამ მაკასარაშვილს და ოპერატორ ნუკრი ქაფიაშვილს. მარიამ მაკასარაშვილის თქმით, მათ გადაიღეს სპეციალური სიები, რომლებშიც  უბანზე მყოფი უცნობი პირები უბანზე მისულ ამომრჩევლებს აღრიცხავდნენ. ისინი ასევე არიგებდნენ ფულს. ამ ფაქტით გაღიზიანებული უცნობი პირები მათ ფიზიკურად დაუპირისპირდნენ. ერთ-ერთმა მამაკაცმა ოპერატორს რამდენჯერმე ჩაარტყა სახის არეში და კამერა დაუმტვრია. ნუკრი ქაფიაშვილს სამედიცინო დახმარება დასჭირდა. ადგილზე მივიდნენ სასწრაფო დახმარების ბრიგადა და შსს-ს წარმომადგენლები.

თბილისში, ისნის ერთ-ერთი საარჩევნო უბანზე, 11:00 საათისთვის, უცნობი პირი „მთავარი არხის“ და „ტვ პირველის“ ჟურნალისტებს დაუპირისპირდა და დარბევით დაემუქრა. უბანზე მთავარი არხის“ ჟურნალისტი ქეთა ციცქიშვილი და ოპერატორი დავით ბადაგაძე და „ტვ პირველი ჟურნალისტი მარიამ გაფრინდაშვილი და ოპერატორი პაპუნა ხაჩიძე იღებდნენ აგრესიულად განწყობილ პირებს, რომლებიც ხმის მისაცემად მისულ ამომრჩევლებს და ჟურნალისტებს სიტყვიერ შეურაცხყოფას აყენებდნენ.

ახმეტის რაიონის სოფელ მატანში, 11:30 საათისთვის,“ქართული ოცნების” წარმომადგენლები თავს დაესხნენ „საქართველოს ამბების“ ჟურნალისტებს გელა მთივლიშვილს და ლადო ქუთათელაძეს, რომლებიც უბანზე დამკვირვებლის სტატუსით იმყოფებოდნენ, მას შემდეგ, რაც გელა მთივლიშვილმა არაუფლებამოსილ პირებს უბნის შესასვლელის და მიმდებარე ტერიტორიის დატოვება მოსთხოვა. აგრესიულმა პირებმა, რომელთა შორის იყო ილია მამუჩარაშვილი, გელა მთივლიშვილს ტელეფონი წაართვეს, გადაღებაში ხელი შეუშალეს და ფიზიკური და სიტყვიერი შეურაცხყოფა მიაყენეს. გელა მთივლიშვილმა საქმის კურსში ჩააყენა 112. მოგვიანებით ის შსს-ში გამოკითხვაზე დაიბარეს.

ქუთაისში, ერთ-ერთ საარჩევნო უბანზე, CNews-ის ჟურნალისტს გიგა გელხვიიძეს, სამი პირი, რომლებიც CNews-ის ინფორმაციით „ქართული ოცნების“ აქტივისტები არიან, ფიზიკურად გაუსწორდა. ჟურნალისტმა გიგა გელხვიიძემ აღმოაჩინა სიები, სადაც მოქალაქეების პირადი მონაცემები იყო დაფიქსირებული. აქტივისტების გაღიზიანება ამ ფაქტმა გამოიწვია.

მარნეულში, ერთ-ერთ საარჩევნო უბანზე, რადიო “მარნეულის” ჟურნალისტებს ვლადიმერ ჩხიტუნიძესა და თიკო დავაძეს, დამკვირვებელმა რამაზ კარასმაზლიმ, რომელიც მათი ინფორმაციით, “ქართული ოცნების” წარმომადგენელია, სიტყვიერი შეურაცხყოფა მიაყენა, “აგენტები” და “ქვეყნის გამყიდველები” უწოდა და ანგარიშსწორებით დაემუქრა. დამატებით, უბნის თავმჯდომარემ აქსანა კრბანოვამ ჟურნალისტებს ვიდეოგადაღება შეუზღუდა.

„მედიაობუდსმენის“ ინფორმაციით, მარნეულის 74-ე უბანზე, მუშაობაში ხელი შეუშალეს რადიო „მარნეულის“ ჟურნალისტს თიკო დავაძეს. თიკო დავაძე იღებდა გამარჯვების ზეიმს უბნის დახურვის შემდგომ, რა დროსაც მას აყენებდნენ სიტყვიერ შეურაცხყოფას. აღსანიშნავია, რომ იმავე უბანზე მას აგრესიულად ეპყრობოდნენ დღის განმავლობაშიც.

„მედიაობუდსმენის“ ინფორმაციით, ჩხოროწყუში, ერთ-ერთ საარჩევნო უბანზე, მუშაობაში ხელი შეუშალეს “ფორმულას” ჟურნალისტს დავით მანიას და ოპერატორს ირაკლი შენგელის. უბანზე მყოფმა პირებმა მათი უბნიდან გაძევება სცადეს, ხოლო კომისიის თავმჯდომარემ მათ სიტყვიერი შეურაცხყოფა მიაყენა. უბნის შესასვლელთან გადამღებ ჯგუფს სიტყვიერად დაუპირისპირდა კონსერვატიული მოძრაობის ალტ-ინფოს წევრი ლევან მამფორია. დავით მანია და ირაკლი შენგელია უბანზე დარღვევების შესახებ ინფორმაციიის გადასამოწმებლად და საარჩევნო კომისიის ხელმძღვანელთან კითხვების დასასმელად მივიდნენ.

„მედიაობუდსმენის“ ინფორმაციით, არჩევნების გაშუქებაში ხელი შეუშალეს “OC მედიას” რამდენიმე ჟურნალისტს:   

●       თბილისში, ჟურნალისტ ჰერმინე ვირაბიანს ხმების დათვლის პროცესის გადაღების უფლება არ მისცეს.

●       ბოლნისის მუნიციპალიტეტის სოფელ ნახიდურში, უბანზე არ დაუშვეს ჟურნალისტი რაფიგ შაბაზოვი.

●       თელავში, ერთ-ერთ უბანზე, ჟურნალისტ თეკლა ჩხაიძეს არ მისცეს ნება, რომ ფოტოები და ვიდეო გადაეღო. მიუხედავად იმისა, რომ თეკლა ჩხაიძეს ჰქონდა ცესკოს მიერ გაცემული მაიდენტიფიცირებელი ბეიჯი, უბნის წარმომადგენლებმა მას დამატებითი დოკუმენტის წარდგენა მოსთხოვეს.

●       მცხეთაში, ერთ-ერთ უბანზე, ჟურნალისტ ზეინაბ ისგანდაროვას ნება არ მისცეს, 10 წუთზე მეტ ხანს ეწარმოებინა გადაღება. ის სპეციალურად გამოყოფილ ადგილზე შტატივის გარეშე არ დაუშვეს.

●       სოფელ იორმუღანლოში, ერთ-ერთ უბანზე ჟურნალისტ აითან ფარადოვას ტელეფონი წაართვეს, მისი დამტვრევით დაემუქრნენ და ფოტოს წაშლა მოსთხოვეს. ჟურნალისტმა ტელეფონი მხოლოდ იმ ფოტოს წაშლის შემდეგ დაიბრუნა, რომელიც ამომრჩევლების მობილიზებას ასახავდა.

●       ჟურნალისტის ქრისტინა კვაჭანტირაძის მშობლებს დაურეკა პირმა, გიორგი მგელაძემ, რომელიც, ჟურნალისტის თქმით, უსაფრთხოების სამსახურიდანაა, და მოსთხოვა, რომ ქრისტინას გადაღებულ ვიდეოებში ადამიანების სახეები დაეფარა. ქრისტინას მამა ერთ-ერთ უბანზე უბნის თავმჯდომარე იყო.

უბანზე მობილიზებული აგრესიულად განწყობილი, ზოგ შემთხვევაში არაფხიზელი, პირების მხრიდან ჟურნალისტებზე ძალადობა დღის განმავლობაში მყარ ტენდენციად ჩამოყალიბდა. შსს არ იცავს ჟურნალისტებს მათი თავდასხმებისგან. უმცირესობებით დასახლებულ რეგიონებში გახსნილ საარჩევნო უბნებზე ზოგიერთი საუბნო კომისიის თავმჯდომარე, კანონის დარღვევით, თვითნებურ გადაწყვეტილებებს იღებს და ჟურნალისტების მუშაობას აფერხებს.

14:30-ისთვის, წალენჯიხის მუნიციპალიტეტის სოფელ ჯგალში სამოქალაქო ჟურნალისტიკის პლატფორმის „მრავალკუთხედი“ ჟურნალისტს, დიტო ბელქანიას, დაუპირისპირდა „ქართული ოცნების“ პარტიული წარმომადგენელი ლირა ღურწკაია, რომელიც იმავდროულად წალენჯიხის რესურსცენტრის უფროსია. ჟურნალისტის თქმით, მას ლირა ღურწკაიამ, უბნის თავმჯდომარემ და კომისიის წევრებმა მუშაობაში ხელი შეუშალეს, კანონის დარღვევით, კონკრეტული ადგილიდან გადაღების უფლება არ მისცეს და კამერისთვის განკუთვნილ ადგილას გადასვლა მოსთხოვეს. ჟურნალისტი ამ დროს ცდილობდა გადაეღო დაპირისპირება ერთ-ერთ დამკვირვებელსა და უბნის თავმჯდომარეს შორის. 

მარნეულში, ერთ-ერთ საარჩევნო უბანთან მობილიზებულმა, ტელეკომპანიის ცნობით, „ქართულ ოცნებასთან“ დაკავშირებულმა, პირებმა ჯერ სიტყვიერი შეურაცხყოფა მიაყენეს „ტვ პირველის“ გადამღებ ჯგუფს, ხოლო შემდეგ ფიზიკურად გაუსწორდნენ ოპერატორს, და კამერის დაზიანება სცადეს. მათ გადამღებ ჯგუფს მოსთხოვეს, ტერიტორია დაეტოვებინა. „ტვ პირველი“ ადგილზე იღებდა დაპირისპირებას „ქართული ოცნებისა“ და „ძლიერი საქართველოს“ წარმომადგენლებს შორის. უბანზე ვითარება მას შემდეგ დაიძაბა, რაც იქ მყოფმა პირებმა ფიზიკური შეურაცხყოფა მიაყენეს საია-ს დამკვირვებელს გიორგი გოცირიძეს. „ტვ პირველის“ ჟურნალისტი ნინო ელიკაშვილი შეეცადა ადგილზე მისულ საპატრულო პოლიციის წარმომადგენლებთან გაერკვია, დაიწყებოდა თუ არა გამოძიება ოპერატორის მიმართ ფიზიკური ანგარიშსწორების ფაქტზე, თუმცა უშედეგოდ. 

„ფორმულას“ ჟურნალისტს მარი წაქაძეს ქუთაისის ერთ-ერთ საარჩევნო უბანზე საარჩევნო კომისიის წევრებმა ხმის დათვლის პროცესზე დასწრების შესაძლებლობა არ მისცეს, ოქმი შეუდგინეს და უბნიდან გააძევეს. მანამდე, უბანზე დამკვირვებლის სტატუსით მყოფი პირი ჟურნალისტს პირდაპირ ეთერში საუბარში ხელს უშლიდა. მარი წაქაძემ 112-ს მიმართა. ეკიპაჟი მალევე მივიდა უბანზე, თუმცა ჟურნალისტს ვერაფრით დაეხმარა, მხოლოდ შეახსენა, რომ მას გაძევების ოქმის გასაჩივრება შეეძლო.

მარნეულში, სოფელ სადახლოს საარჩევნო უბანზე, 14:00 საათზე, რადიო “მარნეულის” ჟურნალისტი ვლადიმერ ჩხიტუნიძე მანამდე არ შეუშვეს, სანამ საქმეში საოლქო საარჩევნო კომისია არ ჩაერია. ჟურნალისტის თქმით, უბნის თავმჯდომარე მას რამდენიმე წუთის განმავლობაში არ აძლევდა უბანზე შესვლის შესაძლებლობას და ეუბნებოდა, რომ მხოლოდ იმ შემთხვევაში შეუშვებდა, თუ არაფერს გადაიღებდა. ჟურნალისტმა დახმარებისთვის საოლქო საარჩევნო კომისიას მიმართა. საგულისხმოა, რომ სოფელ სადახლოში ხმის მიცემის პროცედურა ძველი სისტემით მიმდინარეობს და უბანზე ჟურნალისტის და კამერის ყოფნა განსაკუთრებით მნიშვნელოვანი იყო.

15:00 საათისთვის, კახეთში, “მთავარი არხის” გადამღებ ჯგუფს, ჟურნალისტ ია გულიაშვილს და ოპერატორ ლევან დვალს, თავს დაესხა ტელეკომპანიის ვარაუდით “ქართულ ოცნებასთან” დაკავშირებული პირი. ჟურნალისტი ამ დროს იმის გარკვევას ცდილობდა, თუ ვინ და რატომ უმასპინძლდებოდა უბანზე ხმის მისაცემად მისულ ამომრჩევნებს. აგრესიულად განწყობილი პირი ჟურნალისტს უბნის დატოვებას თხოვდა და ოპერატორისკენ იწევდა. მან “მთავარი არხის” კამერის გატაცებაც სცადა.  

15:00 საათისთვის, ბათუმში, “მთავარი არხისა” და “ფორმულას” გადამღებ ჯგუფებს, “მთავარი არხის” ინფორმაციით “ქართულ ოცნებასთან” დაკავშირებული აგრესიულად განწყობილი პირები, საარჩევნო უბანზე შესვლის საშუალებას არ აძლევდნენ. ჟურნალისტები უბანთან მობილიზებულ პირებს სიების თაობაზე უსვამდნენ კითხვებს.

16:30 საათისთვის, თბილისში, გლდანში, საარჩევნო უბანთან შეკრებილმა, გამორჩეულად აგრესიულმა პირებმა, სიტყვიერი შეურაცხყოფა მიაყენეს ონლაინ გამოცემა “პუბლიკას” ჟურნალისტებს მინდია გაბოძესა და შაკო ბრეგაძეს და "რადიო თავისუფლების" ჟურნალისტს თამუნა ჩქარეულს. ერთ-ერთმა პირმა "პუბლიკას" უთხრა, რომ “ქართული ოცნების” მხარდამჭერია. 

17:30-ისთვის, თბილისში, ვაზისუბანში, ერთ-ერთ საარჩევნო უბანზე მობილიზებული პირები თავს დაესხნენ “ტვ პირველის” ოპერატორს და კამერა დაუზიანეს. ოპერატორი პაპუნა ხაჩიძე და ჟურნალისტი მარიამ გაფრინდაშვილი ამ დროს უბნის მიმდებარედ შეკრებილებს იღებდნენ.

10:00 საათისთვის, “ფორმულას” ჟურნალისტს დავით ჭაბაშვილს ლაგოდეხის მუნიციპალიტეტის სპოფელ ჭიაურში ერთ-ერთ საარჩევნო უბანზე მობილიზებულმა პირებმა სიტყვიერი შეურაცხყოფა მიაყენეს და გადაღებაში ხელი შეუშალეს.

10:30 საათისთვის, ბათუმის ერთ-ერთ საარჩევნო უბანზე “ქართული ოცნების” კოორდინატორები “ტვ პირველის” ჟურნალისტს თეონა დოლენჯაშვილს, რომელიც მათთვის კითხვების დასასმელად მიკროავტობუსში ავიდა, სიტყვიერად დაუპირისპირდნენ, კარი ჩაუკეტეს და გადაადგილება შეუზღუდეს, ხოლო მათგან ერთ-ერთი, ედუარდ შარაძე, ჟურნალისტს სისხლის სამართლებრივი დევნით დაემუქრა. 

14:00 საათისთვის, რადიო თავისუფლების ცნობით, რუსთავში, ერთ-ერთ საარჩევნო უბანზე, რადიოს ჟურნალისტს, დავით მჭედლიძეს, ჟურნალისტურ საქმიანობაში ხელი შეუშალეს. დავით მჭედლიძე უბნის მიმდებარედ მყოფ პირებს აფიქსირებდა, რომლებიც, სავარაუდოდ, უბანზე მისული ამომრჩევლების აღრიცხვით იყვნენ დაკავებული, რა დროსაც ჟურნალისტს სიტყვიერი შეურაცხყოფა მიაყენეს და მისთვის ტელეფონის წართმევა სცადეს. 

შუადღისას, 14:00 საათისთვის, სოფელ ქვემო ხოდაშენში, საარჩევნო უბანზე თავს დაესხნენ “ტვ პირველის” გადამღებ ჯგუფს, ჟურნალისტ მარიამ მაკასარაშვილს და ოპერატორ ნუკრი ქაფიაშვილს. მარიამ მაკასარაშვილის თქმით, მათ გადაიღეს სპეციალური სიები, რომლებშიც  უბანზე მყოფი უცნობი პირები უბანზე მისულ ამომრჩევლებს აღრიცხავდნენ. ისინი ასევე არიგებდნენ ფულს. ამ ფაქტით გაღიზიანებული უცნობი პირები მათ ფიზიკურად დაუპირისპირდნენ. ერთ-ერთმა მამაკაცმა ოპერატორს რამდენჯერმე ჩაარტყა სახის არეში და კამერა დაუმტვრია. ნუკრი ქაფიაშვილს სამედიცინო დახმარება დასჭირდა. ადგილზე მივიდნენ სასწრაფო დახმარების ბრიგადა და შსს-ს წარმომადგენლები.

OC Media-ს ცნობით, საქართველოში არ შემოუშვეს შვეიცარიელი ჟურნალისტი სტეფან გოსი. დოკუმენტში, რომელიც გამოცემამ გაავრცელა, უარის საფუძვლად მითითებულია: “არ აკმაყოფილებს საქართველოს კანონმდებლობით განსაზღვრულ სხვა მოთხოვნებს”. არჩევნებამდე სამი დღით ადრე, ანალოგიური საფუძვლით საზღვრის კვეთაზე უარი უთხრეს ჩეხ/ბრიტანელ ჟურნალისტს რეი ბეისლის, რომელსაც არჩევნები უკრაინული გამოცემის, Kiyv Independent-ის, აუდიტორიისთვის უნდა გაეშუქებინა.

ისნის ერთ-ერთი საარჩევნო უბანზე, 11:00 საათისთვის, უცნობი პირი „მთავარი არხის“ და „ტვ პირველის“ ჟურნალისტებს დაუპირისპირდა და დარბევით დაემუქრა. უბანზე ჟურნალისტები ქეთა ციცქიშვილი და მარიამ გაფრინდაშვილი იღებდნენ აგრესიულად განწყობილ პირებს, რომლებიც ხმის მისაცემად მისულ ამომრჩევლებს და ჟურნალისტებს სიტყვიერ შეურაცხყოფას აყენებდნენ.

ახმეტის რაიონის სოფელ მატანში, 11:30 საათისთვის, სავარაუდოდ “ქართული ოცნების” წარმომადგენლები თავს დაესხნენ ჟურნალისტ გელა მთივლიშვილს, რომელიც უბანზე დამკვირვებლის სტატუსით იმყოფებოდა. გელა მთივლიშვილმა არაუფლებამოსილ პირებს უბნის შესასვლელის და მიმდებარე ტერიტორიის დატოვება მოსთხოვა. აგრესიულმა პირებმა, რომელთა შორის იყო ილია მამუჩარაშვილი, მას ტელეფონი წაართვეს, გადაღებაში ხელი შეუშალეს და ფიზიკური და სიტყვიერი შეურაცხყოფა მიაყენეს. მთივლიშვილმა საქმის კურსში ჩააყენა 112. მოგვიანებით ის შსს-ში გამოკითხვაზე დაიბარეს.

ქუთაისში, ერთ-ერთ საარჩევნო უბანზე, CNews-ის ჟურნალისტს გიგა გელხვიიძეს, სამი პირი, რომლებიც CNews-ის ინფორმაციით „ქართული ოცნების“ აქტივისტები არიან, ფიზიკურად გაუსწორდა. ჟურნალისტმა გიგა გელხვიიძემ აღმოაჩინა სიები, სადაც მოქალაქეების პირადი მონაცემები იყო დაფიქსირებული. აქტივისტების გაღიზიანება ამ ფაქტმა გამოიწვია.

მარნეულში, ერთ-ერთ საარჩევნო უბანზე, რადიო “მარნეულის” ჟურნალისტებს ვლადიმერ ჩხიტუნიძესა და თიკო დავაძეს, დამკვირვებელმა, რომელიც მათი ინფორმაციით, “ქართული ოცნების” მხარდამჭერია, სიტყვიერი შეურაცხყოფა მიაყენა, “აგენტები” და “ქვეყნის გამყიდველები” უწოდა და ანგარიშსწორებით დაემუქრა. დამატებით, უბნის თავმჯდომარემ ჟურნალისტებს ვიდეოგადაღება შეუზღუდა.

ჟურნალისტური ეთიკის ქარტია შეგახსენებთ, რომ ჟურნალისტებისთვის პროფესიულ საქმიანობაში ხელის შეშლა სისხლის სამართლის დანაშაულს წარმოადგენს.

დღის განმავლობაში არჩევნების გასაშუქებლად საარჩევნო უბნებზე მისულ ჟურნალისტებს თავს ბევრგან დაესხნენ ადგილზე მობილიზებული უცხო პირები. შემთხვევათა სიმრავლე და მსგავსება გვაფიქრებინებს, რომ ეს არის ჟურნალისტთა დაზიანების და დაშინების მიზნით ორგანიზებული ქმედებები. ზოგიერთ ადგილას ჟურნალისტებს მუშაობის პროცესში დაბრკოლებას უქმნიდნენ საუბნო საარჩევნო ადმინისტრაციის წარმომადგენლებიც.

ასევე, გაირკვა, რომ არჩევნების გასაშუქებლად საქართველოში არ შემოუშვეს კიდევ ერთი ევროპელი ჟურნალისტი.

10:00 საათისთვის, “ფორმულას” ჟურნალისტს საარჩევნო უბანზე მობილიზებულმა პირებმა სიტყვიერი შეურაცხყოფა მიაყენეს და გადაღებაში ხელი შეუშალეს.

10:30 საათისთვის, ბათუმის ერთ-ერთ საარჩევნო უბანზე “ქართული ოცნების” კოორდინატორები “ტვ პირველის” ჟურნალისტს თეონა დოლენჯაშვილს, რომელიც მათთვის კითხვების დასასმელად მიკროავტობუსში ავიდა, სიტყვიერად დაუპირისპირდნენ, კარი ჩაუკეტეს და გადაადგილება შეუზღუდეს, ხოლო მათგან ერთ-ერთი, ედუარდ შარაძე, ჟურნალისტს სისხლის სამართლებრივი დევნით დაემუქრა.  

რადიო თავისუფლების ცნობით, რუსთავში, ერთ-ერთ საარჩევნო უბანზე, რადიოს ჟურნალისტს, დავით მჭედლიძეს, ჟურნალისტურ საქმიანობაში ხელი შეუშალეს. დავით მჭედლიძე უბნის მიმდებარედ მყოფ პირებს აფიქსირებდა, რომლებიც, სავარაუდოდ, უბანზე მისული ამომრჩევლების აღრიცხვით იყვნენ დაკავებული, რა დროსაც ჟურნალისტს სიტყვიერი შეურაცხყოფა მიაყენეს და მისთვის ტელეფონის წართმევა სცადეს. 

შუადღის 2:00 საათისთვის, სოფელ ქვემო ხოდაშენში, საარჩევნო უბანზე თავს დაესხნენ “ტვ პირველის” გადამღებ ჯგუფს, ჟურნალისტ მარიამ მაკასარაშვილს და ოპერატორ ნუკრი ქაფიაშვილს. მარიამ მაკასარაშვილის თქმით, მათ გადაიღეს სპეციალური სიები, რომლებშიც  უბანზე მყოფი უცნობი პირები უბანზე მისულ ამომრჩევლებს აღრიცხავდნენ. ისინი ასევე არიგებდნენ ფულს. ამ ფაქტით გაღიზიანებული უცნობი პირები მათ ფიზიკურად დაუპირისპირდნენ. ერთ-ერთმა მამაკაცმა ოპერატორს რამდენჯერმე ჩაარტყა სახის არეში და კამერა დაუმტვრია. ნუკრი ქაფიაშვილს სამედიცინო დახმარება დასჭირდა. ადგილზე მივიდნენ სასწრაფო დახმარების ბრიგადა და შსს-ს წარმომადგენლები.

OC Media-ს ცნობით, საქართველოში არ შემოუშვეს შვეიცარიელი ჟურნალისტი სტეფან გოსი. დოკუმენტში, რომელიც გამოცემამ გაავრცელა, უარის საფუძვლად მითითებულია: “არ აკმაყოფილებს საქართველოს კანონმდებლობით განსაზღვრულ სხვა მოთხოვნებს”. არჩევნებამდე სამი დღით ადრე, ანალოგიური საფუძვლით საზღვრის კვეთაზე უარი უთხრეს ჩეხ/ბრიტანელ ჟურნალისტს რეი ბეისლის, რომელსაც არჩევნები უკრაინული გამოცემის, Kiyv Independent-ის, აუდიტორიისთვის უნდა გაეშუქებინა.

ისნის ერთ-ერთი საარჩევნო უბანზე, 11:00 საათისთვის, უცნობი პირი „მთავარი არხის“ და „ტვ პირველის“ ჟურნალისტებს დაუპირისპირდა და დარბევით დაემუქრა. უბანზე ჟურნალისტები ქეთა ციცქიშვილი და მარიამ გაფრინდაშვილი იღებდნენ აგრესიულად განწყობილ პირებს, რომლებიც ხმის მისაცემად მისულ ამომრჩევლებს და ჟურნალისტებს სიტყვიერ შეურაცხყოფას აყენებდნენ.

ახმეტის რაიონის სოფელ მატანში, 11:30 საათისთვის მოქალაქეები თავს დაესხნენ ჟურნალისტ გელა მთივლიშვილს, რომელიც უბანზე დამკვირვებლის სტატუსით იმყოფებოდა. გელა მთივლიშვილმა არაუფლებამოსილ პირებს უბნის შესასვლელის და მიმდებარე ტერიტორიის დატოვება მოსთხოვა. აგრესიულმა პირებმა მას ტელეფონი წაართვეს, გადაღებაში ხელი შეუშალეს და ფიზიკური და სიტყვიერი შეურაცხყოფა მიაყენეს. მთივლიშვილმა საქმის კურსში ჩააყენა 112. მოგვიანებით ის შსს-ში გამოკითხვაზე დაიბარეს.

ქუთაისში, ერთ-ერთ საარჩევნო უბანზე, CNews-ის ჟურნალისტს გიგა გელხვიიძეს, სამი პირი, რომლებიც CNews-ის ინფორმაციით „ქართული ოცნების“ აქტივისტები არიან, ფიზიკურად გაუსწორდა. ჟურნალისტმა გიგა გელხვიიძემ აღმოაჩინა სიები, სადაც მოქალაქეების პირადი მონაცემები იყო დაფიქსირებული. აქტივისტების გაღიზიანება ამ ფაქტმა გამოიწვია.

მარნეულში, ერთ-ერთ საარჩევნო უბანზე, რადიო “მარნეულის” ჟურნალისტებს ვლადიმერ ჩხიტუნიძესა და თიკო დავაძეს, დამკვირვებელმა, რომელიც მათი ინფორმაციით, “ქართული ოცნების” მხარდამჭერია, სიტყვიერი შეურაცხყოფა მიაყენა, “აგენტები” და “ქვეყნის გამყიდველები” უწოდა და ანგარიშსწორებით დაემუქრა. დამატებით, უბნის თავმჯდომარემ ჟურნალისტებს ვიდეოგადაღება შეუზღუდა.

ჟურნალისტური ეთიკის ქარტია შეგახსენებთ, რომ ჟურნალისტებისთვის პროფესიულ საქმიანობაში ხელის შეშლა სისხლის სამართლის დანაშაულს წარმოადგენს.

ისნის ერთ-ერთი საარჩევნო უბანზე, 11:00 საათისთვის, უცნობი პირი „მთავარი არხის“ და „ტვ პირველის“ ჟურნალისტებს დაუპირისპირდა და დარბევით დაემუქრა. უბანზე ჟურნალისტები ქეთა ციცქიშვილი და მარიამ გაფრინდაშვილი იღებდნენ აგრესიულად განწყობილ პირებს, რომლებიც ხმის მისაცემად მისულ ამომრჩევლებს და ჟურნალისტებს სიტყვიერ შეურაცხყოფას აყენებდნენ.

ახმეტის რაიონის სოფელ მატანში, 11:30 საათისთვის მოქალაქეები თავს დაესხნენ ჟურნალისტ გელა მთივლიშვილს, რომელიც უბანზე დამკვირვებლის სტატუსით იმყოფებოდა. გელა მთივლიშვილმა არაუფლებამოსილ პირებს უბნის შესასვლელის და მიმდებარე ტერიტორიის დატოვება მოსთხოვა. აგრესიულმა პირებმა მას ტელეფონი წაართვეს, გადაღებაში ხელი შეუშალეს და ფიზიკური და სიტყვიერი შეურაცხყოფა მიაყენეს. მთივლიშვილმა საქმის კურსში ჩააყენა 112. მოგვიანებით ის შსს-ში გამოკითხვაზე დაიბარეს.

ქუთაისში, ერთ-ერთ საარჩევნო უბანზე, CNews-ის ჟურნალისტს გიგა გელხვიიძეს, სამი პირი, რომლებიც CNews-ის ინფორმაციით „ქართული ოცნების“ აქტივისტები არიან, ფიზიკურად გაუსწორდა. ჟურნალისტმა გიგა გელხვიიძემ აღმოაჩინა სიები, სადაც მოქალაქეების პირადი მონაცემები იყო დაფიქსირებული. აქტივისტების გაღიზიანება ამ ფაქტმა გამოიწვია.

მარნეულში, ერთ-ერთ საარჩევნო უბანზე, რადიო “მარნეულის” ჟურნალისტებს ვლადიმერ ჩხიტუნიძესა და თიკო დავაძეს, დამკვირვებელმა, რომელიც მათი ინფორმაციით, “ქართული ოცნების” მხარდამჭერია, სიტყვიერი შეურაცხყოფა მიაყენა, “აგენტები” და “ქვეყნის გამყიდველები” უწოდა და ანგარიშსწორებით დაემუქრა. დამატებით, უბნის თავმჯდომარემ ჟურნალისტებს ვიდეოგადაღება შეუზღუდა.

საქართველოს ჟურნალისტური ეთიკის ქარტია შეგახსენებთ, რომ ჟურნალისტებისთვის პროფესიულ საქმიანობაში ხელის შეშლა სისხლის სამართლის დანაშაულს წარმოადგენს.

საქართველოს ჟურნალისტური ეთიკის ქარტია შეშფოთებას გამოთქვამს იმის გამო, რომ ადგილობრივი ჩინოვნიკები და მმართველ პარტიასთან დაკავშირებული პირები რეგიონებში აგრესიულად ექცევიან ჟურნალისტებს, რომელებიც საარჩევნო გარემოს შესახებ ინფორმაციას აგროვებენ.

დღეს, 25 ოქტომბერს, გურჯაანში, ერთ-ერთ საარჩევნო უბანში ინფორმაციის გადასამოწმებლად მისულ „მთავარი არხის“ გადამღებ ჯგუფს კახა დევიძე დაუპირისპირდა, რომელიც „მთავარი არხის“ ინფორმაციით ქალაქის სპორტსკოლაშია დასაქმებული. “მთავარი არხის“ ჟურნალისტის, ია გულიაშვილის, თქმით, კახა დევიძე მათ სიტყვიერ  შეურაცხყოფას აყენებდა, ესროდა ნივთებს და კამერის დამტვრევით ემუქრებოდა. „მედიაჩეკერს“ ია გულიაშვილმა უთხრა, რომ მას ვითარებაში გასარკვევად პოლიცია არ დაკავშირებია, მიუხედავად იმისა რომ ჟურნალისტმა 112-ს მაშინვე აცნობა პროფესიულ საქმიანობაში უკანონოდ ხელის შეშლისა და მუქარის შესახებ.

ორი დღით ადრე, 23 ოქტომბერს, ონლაინ გამოცემის qvemoqartli.ge ჟურნალისტს, ქეთევან მოსიავას, იმ ავტობუსების გადაღებისას, რომლითაც რუსთავიდან თბილისში “ქართული ოცნების” შეკრებაზე საჯარო მოსამსახურეები მოჰყავდათ, რუსთავის ერთ-ერთი მუნიციპალური სამსახურის ხელმძღვანელის მოადგილე, კარლო ნოდია დაუპირისპირდა. მან ჟურნალისტს ფოტოს წაშლა მოსთხოვა და მობილურის წართმევით დაემუქრა. ჟურნალისტს სიტყვიერ შეურაცხყოფას აყენებდნენ გარშემო მყოფი სხვა პირებიც. ქეთევან მოსიავამ მათ არაერთხელ განუმარტა, რომ ჟურნალისტი იყო და საჯარო სივრცეში გადაღების უფლება ჰქონდა, თუმცა კარლო ნოდია და სხვა პირები მასზე ზეწოლას განაგრძობდნენ.

qvemoqartli.ge-მ საპატრულო პოლიცია გამოიძახა. qvemoqartli.ge ფაქტის გამოძიებასა და ჟურნალისტურ საქმიანობაში ხელშეშლის გამო კარლო ნოდიას სამართლებრივ პასუხისგებაში მიცემას ითხოვს.

ჟურნალისტური ეთიკის ქარტია სპეციალურ საგამოძიებო სამსახურს ჟურნალისტურ საქმიანობაში ხელშეშლის ორივე ფაქტის დაუყოვნებლივ და ეფექტურად გამოძიებისკენ მოუწოდებს. 

ჟურნალისტური ეთიკის ქარტია საჯარო უწყებების წარმომადგენლებს შეახსენებს, რომ ჟურნალისტისთვის პროფესიული მოვალეობის შესრულებისას ხელის შეშლა სისხლის სამართლის დანაშაულია.