28 ივlისს საქართველოს ჟურნალისტური ეთიკის ქარტიის საბჭოს სხდომა გაიმართება და განიხილება შემდეგი საქმეები:

• 12:00 საათი - ლევან ქემოკლიძე "იმედის" წამყვანის, ოლგა ბაბლუანის წინააღმდეგ 

განმცხადებელი მიიჩნევს, რომ ჟურნალისტმა არაზუსტი ინფორმაცია გაავრცელა ქუთაისის შესახებ მომზადებულ მასალაში, როდესაც თქვა, რომ რიონისპირა სახლების და ცენტრალური ბულვარის რეაბილიტაცია მიმდინარეობს.

სადავო პრინციპი: პირველი (სიზუსტე)

სამაუწყებლო კომპანია რუსთავი 2-ის პარტნიორებისა და კომპანიის დირექტორის ცვლილების მიუხედავად ამ დრომდე რუსთავი 2 ერთ-ერთ ყველაზე გავლენიან და ხელისუფლების მიმართ კრიტიკულად განწყობილ მაუწყებლად რჩება. პარალელურად, ტელეკომპანიის თანამშრომლები საუბრობენ იმ საფრთხეებზე, რომლებიც შესაძლოა სარედაქციო დამოუკიდებლობისა და შრომითი უფლებების თვალსაზრისით შეექმნათ.

ჟურნალისტები შიშობენ, რომ არხზე არსებული მძიმე ფინანსური მდგომარეობა შესაძლოა მათი შრომითი კონტრაქტების შეწყვეტის საფუძველი გახდეს, რამაც საბოლოო ჯამში სარედაქციო პოლიტიკის ცვლილება შეიძლება გამოიწვიოს. ქიბარ ხალვაშმა საჯაროდ განაცხადა,რომ რუსთავი 2-ს ,,სარედაქციო დამოუკიდებლობა იქნება გარანტირებული“. მან უნდა აიღოს პასუხისმგებლობა მაუწყებლის ფინანსური პრობლემების მოგვარებაზე ისე, რომ არ დაზარალდეს არხის სარედაქციო პოლიტიკა.

კოალიცია მედიის ადვოკატირებისთვის მიიჩნევს, რომ ხელისუფლებისაგან დამოუკიდებელი მედია მნიშვნელოვანი ფაქტორია ქვეყნის დემოკრატიული განვითარებისთვის. ჟურნალისტი საქმიანობის განხორციელებისას ხელმძღვანელობს საკუთარი სინდისისა და პროფესიული სტანდარტების შესაბამისად, მისი პროფესიული საქმიანობა კი დაცულია დირექტორისა და მესაკუთრის ჩარევისგანაც კი. შესაბამისად, მნიშვნელოვანია არ მოხდეს ჟურნალისტის სარედაქციო საქმიანობაში ან შემოქმედებით პროცესში ჩარევა და ცენზურა. ამასთან მიმდინარე პროცესების ფონზე აუცილებლად უნდა იქნას დაცული ჟურნალისტთა შრომითი უფლებები.

კოალიციის წევრი ორგანიზაციები აქტიურად აკვირდებიან რუსთავი 2-ში განვითარებულ მოვლენებს, განახორციელებენ სარედაქციო პოლიტიკის მონიტორინგს და გამოთქვამენ მზადყოფნას, საჭიროების შემთხვევაში დაიცვან ჟურნალისტთა შრომითი უფლებები.

ასევე, კოალიცია მოუწოდებს საერთაშორისო ორგანიზაციებსა და დიპლომატიურ კორპუსს განსაკუთრებული ყურადღება მიაქციონ რუსთავი 2-ის გარშემო მიმდინარე მოვლენებს.

• საქართველოს ახალგაზრდა იურისტთა ასოციაცია
• მედიაკლუბი
• საქართველოს ჟურნალისტური ეთიკის ქარტია
• ინფორმაციის თავისუფლების განვითარების ინსტიტუტი
• ღია საზოგადოების ფონდი
• რეგიონულ მაუწყებელთა ალიანსი
• ლიბერალური აკადემია თბილისი
• საქართველოს რეგიონული მედიის ასოციაცია
• სატელევიზიო ქსელი
• საქართველოს მცირე და საშუალო სატელეკომუნიკაციო ოპერატორთა ასოციაცია
• საქართველოს დემოკრატიული ინიციატივა

ხელმომწერი ორგანიზაციები ვეხმიანებით ტელეკომპანია „რუსთავი 2“-თან დაკავშირებით ადამიანის უფლებათა ევროპული სასამართლოს გადაწყვეტილების შემდგომ წარმოქმნილ ახალ მოცემულობას, რომელიც ქართული მყიფე დემოკრატიისათვის დიდი გამოწვევაა და პლურალისტულ მედია გარემოს სერიოზულ საფრთხეს უქმნის.

გამოხატვისა და მედიის თავისუფლება ქვეყნის დემოკრატიული განვითარების უმნიშვნელოვანესი წინაპირობაა. საქართველოს პოლიტიზირებულ მედია გარემოში ტელეკომპანია „რუსთავი 2“ დღემდე დიდ როლს ასრულებს ხელისუფლების საქმიანობის მონიტორინგისა და საზოგადოების წინაშე ანგარიშვალდებულების კუთხით.

არსებული რეალობის გათვალისწინებით, მნიშვნელოვანია, რომ ტელეკომპანია „რუსთავი 2“-ის ახალი მფლობელისა და მენეჯმენტის მიერ უზრუნველყოფილი იყოს ჟურნალისტების სარედაქციო დამოუკიდებლობა და მათთვის საკუთარი სინდისის შესაბამისად სარედაქციო გადაწყვეტილების მიღების შესაძლებლობა. ასევე, გარანტირებული უნდა იყოს მაუწყებლის თანამშრომლების შრომითი უფლებების დაცვა შესაბამისი ეფექტური მექანიზმების შემოღებით.

ეჭვგარეშეა, რომ „რუსთავი 2“-ის მფლობელების ცვლილება ხელისუფლების ინტერესში შედიოდა, რის შესახებაც მათ ღიად არაერთხელ განუცხადებიათ. მნიშვნელოვანია, რომ არ მოხდეს ქართულ მედია სივრცეში არსებული მანკიერი პრაქტიკის გაგრძელება, როდესაც მფლობელის/მენეჯმენტის ცვლილება პირდაპირ აისახება მაუწყებლის ხელისუფლებისადმი კრიტიკულ სარედაქციო პოლიტიკაზე.

ხელმომწერი ორგანიზაციები ვაგრძელებთ მედიის სფეროში და განსაკუთრებით, „რუსთავი 2“-ის ირგვლივ მიმდინარე პროცესების მონიტორინგს. ამავდროულად, გამოვხატავთ მზადყოფნას ტელეკომპანიის თანამშრომლებს აღმოვუჩინოთ შესაბამისი დახმარება.

• საერთაშორისო გამჭვირვალობა-საქართველო
• სამართლიანი არჩევნებისა და დემოკრატიის საერთაშორისო საზოგადოება
• საქართველოს დემოკრატიული ინიციატივა
• მედიის განვითარების ფონდი
• საზოგადოება და ბანკები
• საქართველოს ატლანტიკური საბჭო
• მწვანე ალტერნატივა
• ეკონომიკური პოლიტიკის კვლევის ცენტრი
• ინფორმაციის თავისუფლების განვითარების ინსტიტუტი
• საქართველოს გაეროს ასოციაცია
• ღია საზოგადოების ფონდი
• ადამიანის უფლებათა სწავლებისა და მონიტოინგის ცენტრი
• საქართველოს ახალგაზრდა იურისტთა ასოციაცია
• ჟურნალისტური ეთიკის ქარტია
• სტრატეგიული კვლევების რეგიონული ცენტრი

საქართველოს ჟურნალისტური ეთიკის ქარტიის საბჭომ დასაშვებად სცნო გამოცემა "ჯემნიუსის" განცხადება "რეზონანსის" ჟურნალისტის, ელზა პაპოშვილის წინააღმდეგ. ჯემნიუსი სადავოდ ხდის სტატიას სათაურით „ოთხი საპროტესტო აქცია ერთ დღეს. თბილისი პროტესტმა მოიცვა - რა ხდება ქვეყანაში", რომელიც 10 ივლისს დაიბეჭდა გაზეთში და გამოქვეყნდა მის ვებსაიტზეც.  

განმცხადებელი მიიჩნევს, რომ "რეზონანსის" ტექსტი იმეორებს "ჯემნიუსის" მიერ წინა დღეს გამოქვეყნებულ ტექსტს სათაურით „ოთხი საპროტესტო აქცია ერთ დღეს. თბილისი პროტესტმა მოიცვა - ფოტორეპორტაჟი".  "ინტერპრესნიუსის" მიერ მომზადებულ პრესის მიმოხილვაშიც როგორც "რეზონანსის" მასალა ისეა მითითებული. მართალია "რეზონანსმა" მასალა ვებსაიტიდან წაშალა, მაგრამ ხელმისაწვდომია მისი ბეჭდური ვერსია. ამიტომაც "ჯემნიუსი" მიიჩნევს, რომ დარღვეულია ქარტიის მეთერთმეტე პრინციპი, რომელიც პლაგიატს უმძიმეს პროფესიულ დანაშაულად მიიჩნევს.

საქმეს ქარტიის საბჭო განიხილავს და გადაწყვეტს მართლაც დაირღვა თუ არა მეთერთმეტე პრინციპი.

10 ივლისს ქარტიის საბჭო განიხილავს შემდეგ განცხადებებს:

• 19:00 საათი -  სსიპ გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტალი  qartli.ge-ს რედაქტორის, საბა წიწიკაშვილის წინააღმდეგ

საქართველოს ჟურნალისტური ეთიკის ქარტიისთვის ცნობილი გახდა, რომ 8 ივლისს რუსთაველის გამზირზე მიმდინარე 2 აქციის გაშუქებისას დემონსტრანტთა ნაწილი აგრესიული იყო ჟურნალისტების მიმართ, ხელს უშლიდა მათ პროფესიული საქმიანობის განხორციელებას. ამის საპასუხოდ რეპორტიორების დაცვის ნაცვლად სამართალდამცავები მათ ურჩევდნენ ტერიტორიის დატოვებას. ამასთან ჟურნალისტები ამბობენ, რომ მათ შინაგან საქმეთა სამინისტროს წარმომადგენლებისთვის უწევთ ახსნა თუ რატომ არის პროფესიულ საქმიანობაში ხელშეშლა დანაშაული. 

ტელეკომპანია "რუსთავი 2-ის" გადაცემა "პოსტ სკრიპტუმის" წამყვანის, გიორგი გაბუნიას მიერ დღეს, 7 ივლისს  გადაცემის წარდგენისას რუსეთის პრეზიდენტის მიმართ გაკეთებული არაეთიკური განცხადებები ზიანს აყენებს არა მხოლოდ "რუსთავი 2-ს”, არამედ ქართულ ეთიკურ მედიას, ხელს უწყობს მედიისა და ჟურნალისტების მიმართ ნდობისა და პატივისცემის შემცირებას, სიძულვილის ენის ტირაჟირებას,  აზიანებს ქვეყანაში დემოკრატიული პრინციპების დამკვიდრებასა და განვითარებას. სწორედ პასუხისმგებლიანი და ეთიკური მედიაა მთავარი იარაღი სიტყვისა და გამოხატვის თავისუფლების შენარჩუნებისთვის ბრძოლაში.

გადაცემის წამყვანის ამგვარი არაეთიკური და უპასუხისმგებლო განცხადებები აღვივებს მედიის და გამოხატვის თავისუფლების შეზღუდვისკენ ხელისუფლების მისწრაფებებს და ცვლილებებისადმი საზოგადოების ნაწილის მხარდაჭერას, მით უფრო მაშინ, როდესაც ბოლო პერიოდში მაღალი თანამდებობის და სხვა საჯარო პირები თვითრეგულირების შესუსტების ინიციატივებით არაერთხელ გამოვიდნენ.

საქართველოს ჟურნალისტური ეთიკის ქარტიის საბჭოს სამდივნომ დასაშვებად სცნო მიხეილ მეფარიშვილის ექვსი განცხადება Mcm.ge-ს მიერ გამოქვეყნებულ ექვს მასალასთან დაკავშირებით. 

ყველა სადავო მასალა ეხება "თბილისი პრაიდის" მიერ თბილისში დაგეგმილ  კვირეულს.

1. მასალა #1 სათაური: „სერვისებს მივაწვდით, ვისაც დასჭირდება“ – „თანასწორობის მოძრაობა“ ლგბტ კვირეულზე თარიღი: 03.06.2019 
2.  მასალა #2 სათაური: “მეც მინდა ფული მქონდეს” - ლგბტ-ები ალაპარაკდნენ  თარიღი: 09.06.2019 
3. მასალა #3 სათაური: “ოსები და აფხაზები ლგბტ პრაიდის ჩატარების შესახებ რომ გაიგებენ, სისხლის ბოლო წვეთამდე იბრძოლებენ, არ შემოუერთდნენ საქართველოს”  თარიღი: 10.06.2019 
4. მასალა #4 სათაური: “ეს სასიკვდილო ცოდვაა, ნადგურდება ოჯახები, ინგრევა სახელმწიფოები” - დეკანოზი მამათმავლობაზე თარიღი: 10.06.2019 
5. მასალა #5 სათაური: "აღიარეთ, რომ იტყუებით – რედაქტორის მიმართვა ლგბტ საზოგადოებას"  თარიღი: 03.06.2019 
6. მასალა #6 სათაური: "დეკანოზები ლგბტ კვირეულზე “მედიაცენტრ მთავარში”  

განმცხადებელი მიიჩნევს, რომ ამ სადავო მასალებში დაღვეულია ქარტიის შემდეგი პრინციპები: პირველი (სიზუსტე), მესამე (დადასტურებული წყარო), მეშვიდე (დისკრიმინაცია), მეათე (პირადი ცხოვრების ხელშეუხებლობა), მეთერთმეტე (ფაქტის განზრახ დამახინჯება).

ქარტიის საბჭო საქმის განხილვის შემდეგ გადაწყვეტს მართლაც დაირღვა თუ არა რომელიმე პრინციპი.

საქართველოს ჟურნალისტური ეთიკის ქარტიის საბჭოს სამდივნომ დასაშვებად სცნო ტელეკომპანია "თრიალეთის" საინფორმაციო სამსახურის უფროსის, ლელა ლობჟანიძის განცხადება qartli.ge-ს რედაქტორის, საბა წიწიკაშვილის წინააღმდეგ.  განცხადების მიხედვით, qartli.ge-მ არასწორი ინფორმაცია გაავრცელა  24 ივნისს, როდესაც გამოაქვეყნა სტატია სათაურით "მინისტრის მოადგილის კრიტიკის გამო შესაძლოა საკრებულოს დეპუტატი „თრიალეთში“ აღარ მიიწვიონ". 

სტატია ეყრდნობოდა "ფეისბუქში" გამოქვეყნებულ სტატუსს.  მასალაში მოცემული იყო თავად ლელა ლობჟანიძესთან ჩაწერილი კომენტარიც. მიუხედავად ამისა, ის მიიჩნევს, რომ სტატიაში დარღვეულია სიზუსტის და შესწორების პრინციპები, რადგან მითითების მიუხედავად მასალა არ ჩასწორდა.

ქარტიის საბჭო საქმის განხილვის შემდეგ გადაწყვეტს დაირღვა თუ არა ქარტიის პრინციპები სადავო მასალაში.

საქართველოს ჟურნალისტური ეთიკის ქარტიის საბჭოს სამდივნომ დასაშვებად სცნო "საბჭოთა წარსული კვლევის ლაბორატორიის" (სოვლაბი)განცხადება ტელეკომპანია "მაესტროს" წინააღმდეგ. სადავო გახდა 12 ივნისის სიუჟეტი სახელწოდებით "ოკუპანტი მეთაურის მემორიალური დაფა თბილისში". სიუჟეტი ეხებოდა ამიერკავკასიის სამხედრო ოლქის სარდლის - მიხეილ ლევანდოვსკის შესახებ საინფორმაციო დაფის განთავსებას, სადაც გაკრიტიკებულია ეს ფაქტი.

განცხადების მიხედვით, დიდი ტერორის მსხვერპლთა შესახებ დაფები განმცხადებელმა ორგანიზაციამ პარტნიორებთან ერთად განათავსა, მართალია ლევანდოვსკი ოკუპაციაში მონაწილეობდა, მაგრამ მოგვიანებით, ისიც ტერორს ემსხვერპლა. "სოვლაბი" მიიჩნევს, რომ ტელეკომპანია “მაესტროს” სიუჟეტი,არის დაუბალანსებელი, დამახინჯებულია ფაქტები და მოვლენას ცალმხრივად აფასებს. ვინაიდან მათ არ ასახეს პროექტის ინიციატორთა მოსაზრებები, ცალმხრივად გააშუქეს და არასწორი ინფორმაცია მიაწოდეს საზოგადოებას. შესაბამისად, მათ მიაჩნიათ, რომ სადავო მასალაში დარღვეულია ქარტიის პირველი (სიზუსტე), მეხუთე (შესწორება) და მეთერთმეტე (ფაქტის განზრახ დამახინჯება) პრინციპები.

ქარტიის საბჭო საქმის განხილვის შემდეგ გადაწყვეტს მართლაც დაირღვა თუ არა ქარტიის რომელიმე პრინციპი.

საქართველოს ჟურნალისტური ეთიკის ქარტიის საბჭოს გადაწყვეტილებით, commersant.ge-ს რედაქტორმა თამარ კაციტაძემ ქარტიის პირველი პრინციპი დაარღვია, რომლის მიხედვითაც, ჟურნალისტმა პატივი უნდა სცეს საზოგადოების უფლებას, მიიღოს ზუსტი ინფორმაცია.

მის წინააღმდეგ ქარტიას მიმართა "ევექსის ჰოსპიტლებმა", რომელიც სადავოდ ხდიდა "კომერსანტის" მიერ გამოქვეყნებულ ორ მასალს 1." ევექსის კრიმინალურ სკანდალში ეხვევა " და 2. "GHG ჯგუფი აქციონერებისთვის გასაცემ დივიდენდს ზრდის, მისი კლინიკები პაციენტების სასაკლაოდ იქცა, ჯანდაცვის სამინისტრო კი დუმს". ორივე სტატიაში საუბარი იყო ევექსის ჰოსპიტლებში არსებულ პრობლემებზე.

საქმის განხილვაში მონაწილეობდა როგორც განმცხადებელი, ასევე მოპასუხე ჟურნალისტი. "ევექსის ჰოსპიტლები" ასევე დავობდა მესამე (დადასტურებული წყარო) და მეთერთმეტე (ფაქტის განზრახ დამახინჯება) პრინციპის დარღვევაზე, თუმცა მოგვიანებით მოხსნა ეს პრინციპები. 

გადაწყვეტილების სამოტივაციო ნაწილი მოგვიანებით გამოქვეყნდება.

საქართველოს მთავრობას,
საქართველოს შინაგან საქმეთა მინისტრს,
საქართველოში აკრედიტებულ დიპლომატიურ კორპუსს


21 ივნისს, თბილისში, რუსთაველის გამზირზე აქციის დარბევის დროს დაშავდნენ მედიის წარმომადგენლები. მათი თქმით, სამართალდამცავები დამიზნებით ესროდნენ მაშინაც კი, როდესაც თვალსაჩინო იყო, რომ ისინი მედიის წარმომადგენლები იყვნენ და პროფესიულ მოვალეობას ასრულებდნენ.