საქართველოს ჟურნალისტური ეთიკის ქარტიის გადაწყვეტილებით, ინტერნეტ გამოცემა Informacia.club-მა ქარტიის პირველი პრინციპი დაარღვია.

განცხადების ავტორმა, ლელა კაკულიამ განაცხადა, რომ სადავო მასალა, თითქოს მან იწინასწარმეტყველა, რომ “ვაკე გადარჩება, გლდანს ვერ ვხედავ” არ შეესაბამება სიმართლეს და ეს ფრაზა ავტორს არ ეკუთვნის.

გარდა პირველი პრინციპისა, მხარე დაობდა ქარტიის მესამე (დადასტურებული წყარო), მეოთხე (დოკუმენტების კეთილსინდისიერად მოპოვება), მეხუთე (შესწორება), მეშვიდე (დისკრიმინაცია) და მეთერთმეტე (ფაქტის განზრახ დამახინჯების) პრინციპებზე, თუმცა საბჭომ მათზე დარღვევა არ დაადგინა.

ამ საქმეზე სამოტივაციო ნაწილი მოგვიანებით გამოქვეყნდება.

საქართველოს ჟურნალისტური ეთიკის ქარტიის გადაწყვეტილებით, ტელეკომპანია მთავარის გადაცემა“სხვა ნანუკას” წამყვანს ქარტიის პრინციპი არ დაურღვევია.

მის წინააღმდეგ ქარტიის საბჭოს ანა გვალიამ მიმართა. სადავო გადაცემა: “ვერ არის ეს ბიჭი კარგად”- ბიჭი, რომელსაც გარშემომყოფები ამ ფრაზით ცნობენ” 11 მარტს გავიდა ეთერში და ინფექციურ საავადმყოფოში მყოფ მოქალაქეს ეხებოდა, რომელმაც ჟურნალისტებთან განაცხადა რომ მას კორონავირუსი არ დაუდასტურდა და ჯანმრთელია.

საქმის განხილვაში მონაწილეობა მიიღო, როგორც განმცხადებელმა , ასევე მოპასუხე მხარემ. საბჭომ მიიჩნია, რომ გადაცემაში ნანუკა ჟორჟოლიანის მიერ დისკრიმინაციის წახალისების პრინციპი არ დარღვეულა.

ქარტიის საბჭოს სამოტივაციო ნაწილი მოგვიანებით გამოქვეყნდება.

ჟურნალისტური ეთიკის ქარტიის საბჭოს სამდივნომ დასაშვებად სცნო ელმადდინ მამედოვის განცხადება საზოგადოებრივი მაუწყებლის წინააღმდეგ. სადავო მასალა, სათაურით „გიორგი გახარია-აშკარაა, რომ სიტუაცია მძიმდება, დაინფიცირების ტემპი უფრო და უფრო სწრაფი ხდება“ პირველი არხის აზერბაიჯანულენოვან ვერსიაში 2020 წლის 03 აპრილს განთავსდა.

განმცხადებელი მიიჩნევს, რომ ახალი ამბავი,რომელიც შემდეგ ითარგმნა აზერბაიჯანულ ენაზე არაზუსტი და მომხმარებლისთვის შეცდომაში შემყვანია.

მხარე მიიჩნევს, რომ დარღვეულია ქარტიის სიზუსტის, შესწორების და ფაქტის განზრახ დამახინჯების პრინციპი .

ქარტიის საბჭო განცხადებას ღია სხდომაზე განიხილავს და გადაწყვეტს დაირღვა თუ არა ქარტიის პრინციპები.

2020 წლის 5 აპრილს, ტელეკომპანია „მთავარის” პროგრამა PostFactum-ში გავიდა სიუჟეტი „გენები კორონა ვირუსის წინააღმდეგ,” სადაც საუბარი იყო გენური კოდების მნიშვნელობასა და ეთნიკურ უპირატესობებზე.  სიუჟეტის შემდგომ კი წამყვანმა, გიორგი გაბუნიამ არმენოფობიური განცხადება გააკეთა. 

საქართველოს ჟურნალისტური ეთიკის ქარტიის საბჭოს გადაწყვეტილებით, გამოცემებმა: Faktpress.com-მა და Mins.ge-მ ქარტიის პირველი (ინფორმაციის სიზუსტე),ხოლო Fact2.ge-მ,როგორც პირველი, ასევე მეხუთე (შესწორება) პრინციპი დაარღვიეს.

სადავო მასალა ვებგვერდებზე 2020 წლის 17-18 მარტს განთავსდა და ფრესკოს დირექტორთა საბჭოს თავმჯდომარის, ვასილ სოფრომაძის სახელით გამოქვეყნებულ ციტატებს ეხებოდა. ფრესკომ განმარტა, რომ გამოქვეყნებული არც ერთი განცხადება არ ეკუთვნოდა ვასილ სოფრომაძეს და ეს პოზიცია გაიზიარა ქარტიის საბჭომაც.


ქარტიის საბჭოს გადაწყვეტილების სამოტივაციო ნაწილი მოგვიანებით გამოქვეყნდება.

ქარტიის სამდივნომ დასაშვებად სცნო ანა ცხოვრებოვას, ნინო კვინტრაძის, მარიამ მჭედლიშვილის, გიგა ბენიას და ნუცა შუბაშვილის განცხადება  ნიკა ლალიაშვილის წინააღმდეგ.

განცხადების თანახმად, ნიკა ლალიაშვილის გადაწყვეტილებით, 2020 წლის 1 მარტიდან, ტელეკომპანია “მაესტროს” გადაცემა “ბიზნესი” დაიხურა, ამ გადაწყვეტილების მიღებამდე, ადგილი ჰქონდა გადაცემის სარედაქციო ფორმატში ჩარევის მცდელობას ნიკა ლალიაშვილის მხრიდან, ასევე მითითებებს როგორ გაშუქებულიყო საკითხი ისე, რომ მმართველი გუნდის ინტერესი არ დაზარალებულიყო.

განმცხადებლის განმარტებით, „ბაგების საბაგირო კვლავ ექსპლუატიციის მოლოდინშია” არის ერთ-ერთი მასალა, რომელიც წინ უძღოდა დირექტორის გადაწყვეტილებას.

გამომდინარე აქედან, განმცხადებელი მიიჩნევს, რომ ნიკა ლალიაშვილის მიერ დარღვეულია ქარტიის მეორე პრინციპი, რაც მოიზრებს რომ: “დაუშვებელია ჟურნალისტის იძულება პროფესიული საქმიანობისას აზრი გამოხატოს ან მოიქცეს საკუთარი სინდისის წინააღმდეგ.”

ქარტიის საბჭო განცხადებას ღია სხდომაზე განიხილავს და გადაწყვეტს ადგილი ჰქონდა თუ არა ქარტიის პრინციპის დარღვევას.

2020 წლის 28 მარტს, TV პირველის გადაცემა ,,დღის ამბებში” ამირან გამყრელიძესა და პაატა იმნაძესთან ინტერვიუების დროს დასმული კითხვების გამო, ჟურნალისტები საზოგადოების ერთი ნაწილის მხრიდან შეურაცხყოფისა და უსაფუძვლო კრიტიკის საგანი გახდნენ. 

ტელეკომპანია “მთავარის” გადაცემის წამყვანის - ნანუკა ჟორჟოლიანის წინააღმდეგ შემოსული განცხადება, ქარტიის საბჭოს სამდივნომ დასაშვებად სცნო. განცხადება ჟურნალისტის წინააღმდეგ კავშირმა “საფარი”, გრიგოლ ჩიქოვანმა და ნინო ჩიქოვანმა შემოიტანეს.

სადავო მასალა “ნანუკას შოუ”-ში მთავარ არხზე, 2020 წლის 11 მარტს გავიდა და ის ხაშურში, 05 მარტს მომხდარ შემთხვევას - ყოფილი ქმრის მიერ, ცოლის ცივი იარაღით დაჭრას ეხებოდა.

განმცხადებლის განმარტებით, ჟურნალისტის მიერ გადაცემაში მოწვეულმა სტუმარმა ისაუბრა მსხვერპლის ცხოვრების ისეთ ინტიმურ დეტალებზე, როგორიცაა მისი პირადი ცხოვრება, ბავშვებთან მისი დამოკიდებულება, მისი ურთიერთობა მეუღლესთან, ასევე ხაზი გაესვა პიროვნულ მახასიათებლებსა და ქცევებს. განმცხადებლის აზრით, გადაცემაში მოყოლილი ამბებით ხდებოდა ბავშვის პირადი ცხოვრების დეტალების გასაჯაროებაც. მისი თქმით, გადაცემაში ასევე შეინიშნებოდა სტერეოტიპების წამახალისებელი ტენდენცია. კერძოდ, დანაშაულის გამამართლებელი განცხადების გაჟღერებით, თითქოს დანაშაული განპირობებილი იყო ქალის “არასწორი” საქციელით, აღრმავებდა საზოგადოებაში ამ საკითხზე არსებულ წარმოდგენებს.

განმცხადებლის აზრით სადავო მასალაში დარღვეულია ქარტიის მეშვიდე (დისკრიმინაციის წახალისება) და მეათე (პირადი ცხოვრების ხელშეუხებლობის) პრინციპები.

სადავო მასალას ქარტიის საბჭო ღია სხდომაზე განიხილავს და გადაწყვეტს ადგილი ჰქონდა თუ არა ქარტიის პრინციპების დარღვევას.

საქართველოს ჟურნალისტური ეთიკის ქარტიის სამდივნომ დასაშვებად სცნო მოძრაობა “სირცხვილიას” განცხადება ტელეკომპანია“იმედის” ჟურნალისტების: ირაკლი ჩიხლაძისა და შორენა ხვიჩიას წინააღმდეგ.

სადავო გახდა ტელეკომპანიის მიერ, 2020 წლის 09 თებერვალს იმედის კვირაში გასული სიუჟეტი: “ვინ არიან ადამიანები, რომლებიც ხალხის და ქვეყნის ზიანის ხარჯზე ძალაუფლების ხელში ჩაგდებას ცდილობენ.”

განმცხადებლის განმარტებით, მისი წარმოჩენით, როგორც "ნაციონალური მოძრაობის " მოკავშირე და ხელისუფლების რევოლუციური გზით შეცვლის მსურველი, სიუჟეტში მოძრაობა “სირცხვილიას” დისკრედიტაცია მოხდა. განმცხადებელი მიიჩნევს, რომ სადავო მასალაში დარღვეულია ქარტიის პირველი (სიზუსტის) პრინციპი.

ქარტიის საბჭო განხადებას ღია სხდომაზე განიხილავს და გადაწყვეტს დაირღვა თუ არა სიზუსტის პრინციპი.

ჩვენ, კოალიცია „მედიის ადვოკატირებისათვის“ გაწევრიანებულ ორგანიზაციებს გვსურს კიდევ ერთხელ გავამახვილოთ საზოგადოების ყურადღება აჭარის მაუწყებელში მიმდინარე საგანგაშო პროცესების მიმართ.

გუშინ, 2020 წლის 23 მარტს, გაცხადდა მაუწყებლის დირექტორის კიდევ ორი გადაწყვეტილება, რომელიც ერთის მხრივ, აღრმავებს ეჭვებს მაუწყებელში განსხვავებული პოზიციის მქონე ჟურნალისტების დევნისა და შევიწროების შესახებ. მეორეს მხრივ, ადასტურებს რომ მაუწყებელი თავს არიდებს „მაუწყებლობის შესახებ“ საქართველოს კანონით დაკისრებული ფუნქციის შესრულებას.